SAM 112:8 - PATHIAN LEKHABU THIANGTHO (BSI)

⁸ A thinlung uh a det ah, lau him him pua’n au; a tawp leh a mêlmateu chung ah zaw’na hun mu’n au.

SAM 112:8 Referans Kwoze

SAM 118:7

Lalpa chu ei panpi ding ah kei lam ah pang ahi; ei mudate chung ah ka gualzawna chu, mu ngei ding ka hi.

SAM 91:8

La mit in en in la tin, mi nunsiate gawtna chu mu ding la hi.

SAM 59:10

Ka Pathian in ka chung ah, a ngilneina dungzui in ei la tuak intin; Pathian in ka mêlmate chung ah, ka gualzawna ei musak ding ahi.

SAM 31:24

Lalpa ngâk zosiate haw, hât tak leh hangsan tak in um tau in.

HEBRAITE 13:9

Thuhilna zat chuam taphot zui ziang kiu in; nêk leh dawn thu, a zuite â ding ah le phachuam lo haw hi ngaisak kiu in, lungthim hi vang kidoisakna suk-hat ah um sek ahi.

THUPILTE 3:33

Lalpa sapsiatna chu mi nunsiate In ah a um ah, midikte chênna chu a malzawl sek hi.

SAM 92:11

Ka mêlmate chung ah ka duthusam chu ka mu hen; ka nakhang inle ka siatna ding bawlte, siatna thawm chu a hia’i.

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

SAM 37:34

Lalpa ngâk inla, a lampi haw zing in; gam chu lua dingin hun chawihoi in a; tichun, mi nunsiate siatna chu a la mu’n la.

SAM 49:6

a hausaknau muang ah, a neinungnau thupi tak kisuanpite chu, bang a hem ka lau ding?

SAM 118:6

Lalpa kei lam ah pang ahi, lau pua’ng ka. Mihing in bang ei law thei ding a hiu em?