SAM 102:26 - PATHIAN LEKHABU THIANGTHO (BSI)

²⁶ Ziate chu hung mang intin, nang vang um zing inla; ziate chu pua’n gual in hung chul ta’n a. Puanlui gual in theng in la tin, mangthai ta’n au;

SAM 102:26 Referans Kwoze

ISAI 51:6

Khawdak in vante en to unla, nuai lam ah lei hile en suk un; vante chu meikhu gual in mangthai intin, lei hile puan gual in hung chul ta’n tin, a chung ah chêngte chule thovai gual in, hung thi zo ding ahi ngâl un; maleh, ka hukdamna chu kumtuang in um zing intin, ka tatdawna chun tawp ni nei pua’n a.

MATTHAI 24:35

Lei leh van mangthai intin, ka thu ahileh vang mangthai pua’n a.

ISAI 34:4

Van ah aksite zosia mangthai ta’n tin, van chule lekhabu zialthaw gual ah zial daw in um ta’n a. Van lam ah thil um zosia chu, grep dua kâu a gui ah kipat a pul ah, theichang ga hût a kung ah a pulthâk gual in, pultha zo ta’n au.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

LUKA 21:33

Lei leh van chu mangthai intin, ka thu hi vang mangthai pua’n a.

THUPUAN 21:1

Van thak leh lei thak ka mu’n; van masa leh lei masa kha a bei tau a; tuisuagiat le a um ta puai.

ROMTE 8:20

thilsiam zosiate chu thil thulim lo thu thu’n umsak in a um tau ah; a nop thuu ah um hilo in, kinepna umsakpa ziak ahi zawi;

ISAI 66:22

Tichun, lei thak leh van thak, ka siam dingte chu ka ma-âng ah, umzing ta ding a hiziak un; zia gual ma chun, la suan leh pâkte leh, la min chule umden ta’n a, Lalpa‘n a tii.

SAM 102:12

Aw Lalpa, nang vang kumkhua’n, lalchutpha chu zing in; la minle suan zosia tiang in a um zing hi.

ISAI 65:17

Ngaitia, van thak leh lei thakte chu ka siam in, thil masate chu het zing hita pua’n tin, ngaituana’nle lut ta pua’n a.

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

2 LENGTE 19:15

Hezekiah chu Lalpa kiang in a pauchap ah, zia gual hin a gen a: “Aw Lalpa, Israel Pathian, cherubte chung ah Lalchutpha chupa, Nangma hi Pathian chu la hia, nang bep chu la hi lei ah lenggam zosia chung ah vaihawmpa chu: Nang in van leh lei hi la siam ahi ngal a.

JOB LEKHABU 38:4

Leilung kingakna ka phûm lai khan, khoitak ah um la hi em? hetna nei kisa la hi chun ei dawnhu tiam in.