SAM 102:16 - PATHIAN LEKHABU THIANGTHO (BSI)

¹⁶ Lalpa‘n Zion chu tung ding kit intin, a lopina kithuam in hung kilang kit in a.

SAM 102:16 Referans Kwoze

JEREMIAH 33:7

Judah vangphatna leh, Israel vangphatna chu tung ding kit ing ka tin, a dinmun masa gual un umsak kit ing ka.

SAM 147:2

Lalpa‘n Jerusalem a tungding a; Israel nawdaw ah umte chu a pui khawm kit hi.

MIKAH 2:9

Ka mite lak ah numeite chu a In nuam tak ua kipat in la deldok un; a chasenteu lak ah kipat in, ka lopina kumtuang â dingin la lamang tau hi.

JEREMIAH 31:4

Aw, nungak thiangtho Israel, hun tungding kit ing ka tin, tundin kit hung hita’n la! Tichun, la khuang neute chu pan inla, kipakna siam ah lâmte lak ah pang dingin kipandok in.

ISAI 66:18

A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

ISAI 60:7

Kedar ah belamhon zosia, la kiang ah hun puikhawm intiu in, Nebaioth ah belam zosia’n la na hun sep piak ta’n au; ka mâichâm ah pom piak hita’n tiu in, tichun, ka In lopi chu hun chawihoi ta’ng ka.

ISAI 14:26

Zia hi lei chung pumpi hung tung ding ah, kiguanggal chu ahi; namtin chung in zia gual ah chun, ka khut thadok ding ka hi tai.

SAM 97:6

Vante khin a dikna a puangjak ui; tichun, mi zosia’n a lopina a mu tau hi.

SAM 69:35

Pathian in Zion chu hukdok in, Judah khawpite chu tungding kit ding ahi ngal a; a suakte chu zia tak ah chun chêng intiu in, nei den ta’n au;

SAM 51:18

La duthusam gual tak in, Zion chung ah thilpha bawl inla; Jerusalem bângte hi tungding kit ta’n;

ISAI 59:19

Tichun, tumlam ah mite chun, Lalpa min hun kicha ta’n tiu in, sualam ah mite chunle, a lopina hun kicha ta’n au; luicha tuilian leh Lalpa hui in a mût, gual in hung ding ahi ngal a.

ISAI 60:3

La vâk ah chun namtin hung khawm intin uh, la jingkal phalvakna lam zuan in, lei ah lalte le hung khawm in au.

MALAKI 1:14

A gan hon lakah a chal tuai mâmpha piak ding ah kitiam zosa hi ta’ngal ah, Lalpa kiang ah demkâi hun lân, mi zuauthei chu hânsia law in um ta hen; keima hi Lal lopi tak ka hi’n ka min le namtin lak ah ja ah um ahi ngal ah, sepai honte Lalpa chun a ti ahi.