SAM 102:14 - PATHIAN LEKHABU THIANGTHO (BSI)

¹⁴ La suakte’n a suangte chule a ngainau hen, a leivui natiangle a ngaina ngal un.

SAM 102:14 Referans Kwoze

NEHEMIAH 4:2

A lawite tawh Samaria sepaite umna chun zia gual hin thu a gen a: “Zia Juda mi jawngkhalte hin bang bawl a hita get awm? A sia zosia hi siampha kit zo ding kisa a hiu em? Kithoina lân kit ding ahi na diam uh maw? Ni khat sung in a sa zo diam uh? Ki’dak kisung khawm lak ah kipat suang kihâlsiate haw hi chom khawm ah tundin kit kinem ahi diam uh?” ti in.

SAM 79:1

Aw Pathian, namdangte la gam sim in a hung un; la tempul thiangtho a hi’buak tau in; Jerusalem chu a hichim zo tau hi.

NEHEMIAH 4:10

Himaleh, Judah phung ah mite chun, “Puakgik pawte tha a chau ta’n, ki’dak buaksia a tam bêk ziakin, kulbâng ka bawl thei ta puau hi,” a tiu a.

NEHEMIAH 4:6

Tichun, kulbâng chu ka sa pan tau a; mipite chun nasep thatnopna gil tak a nei ziak un, kulbâng sândan kimkhat tiang chu ka zawpmat suak tau hi.

NEHEMIAH 2:17

Ziaphatchun, a kiang un, “Jerusalem khua a sesa a um ziak leh, a kotpite mei in a hâl siat ziakah bang gual tuk ah buaina tuak I hitau em ti la hechiat ui. Hung un, simmaw ah I um tâklo’na ding un, Jerusalem kulbâng hi siampha kit hitiu,” ti’n ka gen a.

NEHEMIAH 2:3

Lengpa kiang ah chun, “Lengpa, damsawt in! Ka pu leh pate thân umna khawpi sukchimit leh, a khawpi kul kotkhakte hâl tum ah um ta mai chu bang ding ah lungngai mêlpu lo thei ding ka hem?” ti’n ka dawnhu tai.

NEHEMIAH 1:3

Amau chun, “Saltâng lo ah suakcha, zia gam ah um nalaite chu haksa tak leh mualpho tak in a um un; Jerusalem kulbâng chu suksiat dim dem ahi’n, a kotpite chule hâl tum ahi tai,” ti’n ei dawnhuu a.

EZRA 7:27

Jerusalem ah Lalpa In chawisâng nopna lunggil nei dingah Lengpa lungthim ah nasem Lalpa, I pu leh pateu Pathian chu chawihoi in um hen la,

EZRA 1:5

Judah leh Benjamin phung ah luchangte leh thiampute leh Levite lak ah Pathian Thagau in, Jerusalem khua Lalpa In sa ding ah a chaw’phul zosia chu a kuan ziang dingin a kisa zo tau a.

DANIAL 9:16

Aw Lalpa, dik tak ah thil la bawlna kineppi in, la lungnatna leh la hachangthakna chu la khawpi Jerusalem, la tâng thiangtho ah kipat ladok dingin ka ni la hi; keimau gitlo ziak leh ka pu leh pateu thulimlo’na ziakin, Jerusalem leh la mite hi ka kîmvêl ua mite zosia gensiat leh nuisan in ka um zo tau hi.

RUTH 1:6

Moab gam ah a um sung un, Lalpa‘n a mite nêk ding pia’n, a ve thâk dan a het ziakin, Moab gam ah kipat in a mo te ni chu tawh kile’kit dingin a hung kipan tau a.

SAM 119:126

Lalpa, la dan chu bawsiat ah a um tâk ziakin, tu’hi nangma sep hun ahi tai.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

ISAI 51:3

Lalpa‘n Zion chu thamuan ding ahi ngâl a; a mun siatna zosia chu thamuan intin, a gamthip chu huan a hem gual in, a gamkeu haw chule Lalpa huan gual in hun siam in a. Kipakna leh limna ama ah um intin, kipak thugenna leh Lasak git het hita’n a.

JEREMIAH 29:10

Lalpa‘n zia gual hin a gen hi: Babulon â ding ah huntiam kum sawmsagi a bei phat leh, hung kantha bep ing ka tin; zia phat chuleh, la kiang ua ka thutiam guitunsak in, zia mun ah hin hun pui tung kit ing ka.

JEREMIAH 30:18

Lalpa‘n zia gual hin a gen a: Jakob puanbûkte vangphatna chu tung ding kit ing ka tin, a chênna munte chu lainat ding ka hi tai; a mual chung ah khawpi chu, tundin kit hi’ntin; a mun dik tak ah chun, a Insang sak kit hita’n a.