SAM 102:13 - PATHIAN LEKHABU THIANGTHO (BSI)

¹³ Tho inla tin, Zion khawtua ding la hi, doisak hun lai tak ahi ngal a; hun guat chu a tung tai.

SAM 102:13 Referans Kwoze

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.

ISAI 60:1

Hung kipan inla, hung vâk in; la vakna a hung tung ta’n, Lalpa lopina chun a hun salvâk ta’ngal a!

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

SAM 44:26

Tho inla, kei uh panpi dingin hung in! La ngilneina ziakin kei uh ei hukdam ta’n!

2 PETER 3:8

Ahi’n la, doitakte haw, zia thu hi hemil kiu in: Lalpa ngai in ni khat hi kum sang khat gual ahi’n, kum sang khat hile ni khat gual ahi, ti hi.

NASEPTE 1:7

Ama chun, a kiang un, “Pa’n ama thuneina a koi ahiziak in, a hun leh nite chu nangmau het ding ei puai.

2 PETER 3:12

Pathian ni hung tun ding chu kinêm tak ah ngâk zing in, ziate ziak ah chun vante chu kâng in mangthai intin, thilbulte le mei ah hâl tui hita’n a!

SAM 7:6

Aw Lalpa, lungna’n hung kipan inla; ka mêlmate lungnatna do dingin hung kuan inla; Aw ka Pathian, hung kipan in; vaihawmna la guat ta ngal a.

DANIAL 12:9

Ama’n ka kiang in, “Danial, chia mai ta’n; zia thute hi huntawp lam masia îm ah châlbit tâk di phot ding ahi.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

SAM 75:2

Ka huntiam a tun phat leh dik tak in vaihawm ing ka.

SAM 51:18

La duthusam gual tak in, Zion chung ah thilpha bawl inla; Jerusalem bângte hi tungding kit ta’n;

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

SAM 92:9

Aw Lalpa, la mêlmate, nangma hun do-te zosia vang, mangthai intiu in; thil phalo bawl zosia chu thêchek in um ding a hiu.

SAM 135:13

Aw Lalpa, la min kumtuang in um zing intin; aw Lalpa, la minthanna chunle kumtuang dai in a.