SAM 102:12 - PATHIAN LEKHABU THIANGTHO (BSI)

¹² Aw Lalpa, nang vang kumkhua’n, lalchutpha chu zing in; la minle suan zosia tiang in a um zing hi.

SAM 102:12 Referans Kwoze

SAM 135:13

Aw Lalpa, la min kumtuang in um zing intin; aw Lalpa, la minthanna chunle kumtuang dai in a.

KÂ LATE 5:19

Aw Lalpa, nang in kumtuang vai la hawm hi; la lalchutpha chun suan zosia tiang a dai hi.

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

SAM 9:7

Himaleh, Lalpa chu kumtuang ah lal hiding in a chu hen; a lalchutpha le vaihawmna dingin a phudet tai.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 60:15

Nangma chu nutsia leh huat ah um in, kuama a hun limsak um talo maleu, kumtuang ah lopi tak dingin, hun bawl ing ka tin, khang tam takte kipakna pen hung hita’n la.

DAN LEKHABU 33:27

Ama’n tuanah tângah pathiante a nuaisia ah, malai ah thuneite chu a tawden ah; la mêlmate la âng un a del mang a, a kiang un, “Hi’mangthai un,” a tii.

JOB LEKHABU 8:9

eihaw hi ja’ni mi bep I hiu ah, bangmacha helo leh, I lei hinkhuau hi lîm gual bep ahi ngâl a.

JOB LEKHABU 14:2

pakcha gual ah hung lûn ah, hun sawt dai lo ding ah lîm hung kilang gual mai ahi.

SAM 90:6

jingkal ah no dip dep in a hung dawndok in; nitâk lam ah tuai in a vuai ngal sek hi.

SAM 109:23

Nitâk lam nilîm gual in ka mang hia’i hia’i ah; khaubepi gual ah thinthâk in ka um hi.