SAM 101:8 - PATHIAN LEKHABU THIANGTHO (BSI)

⁸ Gam sung ah mi nunsiate hi jingkal si’n in, hi’mangthai ing ka tin; Lalpa khawpi kipat thil phalo bawl zosiate, paitha sik sek ding ka hi.

SAM 101:8 Referans Kwoze

SAM 75:10

Mi nunsiate zosia kî chu sattan piak ing ka tin; mi dikte kî vang chu choisa’n in um in a.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

THUPILTE 16:12

Lalchutpha chu dikna tundin ahi ziakin, thil phalo bawlte hi lengte â dingin ki’dak um tak ahi.

THUPILTE 20:8

A thutanna lalchutpha kichu lengpa chun, mi phalo zosia chu a jap mang sek hi.

SAM 48:8

Sepai honte Lalpa khawpi ah chun, bil ah ka la het gual un ka mu tau; I Pathian uh khawpi kumtuang â ding ah, Pathian in a phudetsa ngei ah chun.

MIKAH 3:9

Nanghaw Jakob Inkuan ah hotute leh, Israel Inkuan ah vaihawmte haw, vaihawmna dik zosia ki’dak ah, dikna zosia bangmalo ah koite haw, zia thu hi a la ngai un.

HOSEA 9:3

Lalpa gam ah hin umden pua’n au; Ephraim vang Aigupta lam ah kile’kit intin; Assuria gam ah chun an thianglo ne ta’n au.

THUPILTE 20:26

Leng chingthei chun migilote chu, busi thît gual in a thît thiang in; gawtna kângtalai keng chu a chung un a lîk hi.

SAM 48:2

A tâng thiangtho sândan chu a kilawm in, zia chu khawvel pumpi kipakna, Lal lopi tak khawpi Zion tâng chu mallam pek in a um hi.

SAM 46:4

Lui pakhat a um ah, zia lui bâkte chun Pathian khawpi a kipaksak un, Chungnung Penpa chênna thiangtho ngei chu.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.

SAM 92:10

Himaleh, jangsial kî gual in ka kî la chawisâng ta’n; sathau thak lei sun khum tai.