SAM 100:3 - PATHIAN LEKHABU THIANGTHO (BSI)

³ Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

SAM 100:3 Referans Kwoze

SAM 46:10

“Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

SAM 119:73

La khut in lei siam in, lei guanggal ta’n; la thupiakte ka ziltheina dingin, hiatthiamna ei pia’n.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 PETER 4:19

Ziaziakchun, Pathian phasak dungzui ah thuakte chun thilpha bawl in, a Siampa ginum tak kiang ah chun kivopsak tau hen.

SAM 149:2

Israelte chu amau Siampa chung in kipak uh hen la; Zion chate chu a Lal pen chung un kipak tau hen!

DAN LEKHABU 4:39

Ziaziakchun, Lalpa chu Pathian, chung lam ah van leh nuai lam ah lei ah hin ama tilo a dang umlo ahi ti hen, la lunggil un ngaitua zing tau in.

DAN LEKHABU 4:35

Lalpa bep hi Pathian ahi’n, ama tilo ngâl a dang umlo ahi, ti la hiatsak theina ding un la kiang ua tâklat ahi.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.

SAM 79:13

Chutichun, kei uh la mi, la gantatna mun ah la belamte hin, kumkhua’n kipak thu hun gen ing ka tiu in, a khang a khang in nangma hun pâk zing tâng kau.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

SAM 78:52

Ziaphatchun, a mite chu belam gual in a puidok ah, gamthip ah chun gan hon gual in a pui tai.

EZEKIEL 34:11

Lalpa Pathian in zia gual hin a gen ta’ngal ah: Keima’n ka belamte chu kihawl ing ka tin, hawldok ding ka hi.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

ISAI 63:19

A chung ua vai la hawm khâkna ngai lo mite leh, la min ah kiko kha ngai lo mite gual in ka um tau hi.

ISAI 63:11

Ziaphatchun, malai ah a suakpa Mosi kha a hezing hi. Tuisuagiat lak ah kipat amau leh belam honte tawh, a belam chingteu puidokpa kha khoi lam tung zo ahi tam? A lak ua A Thagau Thiang koipa kha khoilam tung ahi tam?

2 LENGTE 19:19

Ziaziakchun tu’hin, aw Lalpa ka Pathian, lei chung zosia hin nangma bep hi Pathian la hi dan a hun hiattheina ding un, zia mipa khut ah kipat hin ei hukdok ta’n,” a tia.

DAN LEKHABU 7:9

Ziaziakchun, Lalpa la Pathian uh hi Pathian tak tak, Pathian ginum, ama hepi ah, a thu zawmte chung ah suan a sâng ah sim tiang ah le a thuthung leh a hepina tâklang zing ahi ti hiau inla;

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

THUGENTU 12:1

La khangdawn lai ni hin a hun siamtu chu hezing inla, ni phalote a hung tun masang leh, “Kipakna him him ka nei puai,” la ti’na ding kum in a hun nai masang leh,

SAM 95:3

Lalpa chu Pathian lopi tak ahi’n, pathian zosia chung ah leng lopi tak ahi ngal a.

SAM 12:4

“Ka kam un gual zo ing ka tiu in, I mukteu hi eimau â ngei ahi, kua a hem I chung ua thunei um?” a ti sek ui.

JOB LEKHABU 10:3

La khutsuak hi tawden in, la musit ah, mi nunsiate thil guanggal la doisak hi, la ngai ah thil kilawm a hem?

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.

1 KHANGTHU 16:14

Ama chu Lalpa I Pathian uh ahi’n, khawvel zosia ah vaihawmpa chu ahi.

ISAI 64:7

La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.