SAM 100:1 - PATHIAN LEKHABU THIANGTHO (BSI)

¹ Gam zosiate haw, Lalpa chawihoi in lim tak in kiko un.

SAM 100:1 Referans Kwoze

SAM 98:4

Leilung lua zosiate haw, Lalpa chawihoi in lim tak in kiko un; kikodok unla, lim tak ah La sa’n, a choihoina La sau in.

LUKA 19:37

Tichun, Jerusalem khua a hun nai tau a, Oliv Tângpang ah chun a hung suk un, a nungzui mipi zosiate chun, a thil lopi tak tak bawlte ziak ah chun, Pathian chawihoi in aw ngai tak in a kiko tau a:

ZEPHANIAH 3:14

Ngai tak in La sa’n, aw Zion chanu; aw Israel, kiko in! La lunggil zosia lim in kipak in; aw Jerusalem chanu!

SAM 32:11

Aw midikte haw, Lalpa ah chun lim in kipak unla; mi lungthim dik takte haw, lim in kiko tau in.

ROMTE 15:10

Chuleh, ama chun, “Nanghaw, Jentelte haw, a mipite tawh kipak tau in,” a la ti kit a.

SAM 66:1

Leilung lua zosiate haw, Pathian chawihoi ah lim tak in kiko unla;

DAN LEKHABU 32:43

Aw vante haw leh, a mipite leh, pathian zosiate haw ama chu ho tau in! Ama’n a chate thisan phuba la ding leh, a mêlmate chung ah phuba la dingin, ama mudate dit kit in, gam chu a mite â ding ah, sukthiantho kit ding ahi ngâl a”.

SAM 145:1

Ka Pathian leh lengpa, nangma hun chawisâng in, la min kumtuang in pâk ing ka.

SAM 47:1

Aw mi zosiate haw, la khut uh bêng unla, limna La ngai tak in Pathian kiang in sau in.

ZEKARIAH 14:9

Chun, leilung pumpi’n Lalpa chu leng hung hita’n a; zia hun chuleh Lalpa leh a min bep chu biak hita’n a.

SAM 67:4

Namtin chu kipak uh hen la, lim in La sau hen, nang in mi tin chu dangdâk neilo in, vai la hawm piak ah, lei chung ah namtin la kaibât ziak ah hin. (Selah)

SAM 66:4

Leilung lua zosiate hin chibai hun bûk intiu in; nangma pâkna La sa’n tiu in, la min pâk in La sa’n au,” ti tau hen.

SAM 47:5

Pathian chu kiko thawm tawh a chia to in, Lalpa chu pêngkul gi tawh a chia to tai.

SAM 68:32

Lei ah lenggamte haw, Pathian chawihoi in La sau inla; Lalpa choihoina La sa tau in. (Selah)