SAM 10:4 - PATHIAN LEKHABU THIANGTHO (BSI)

⁴ Mi nunsia chun a kisaktheina mêlpu’n, “Pathian in hawldok pua’n a,” ti zing kawm in, a ngaituanau zosia chun, “Pathian a um puai,” ti ngen ahi.

SAM 10:4 Referans Kwoze

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

NASEPTE 8:22

Ziaziakchun, zia la gitlona hi kisik inla, la lungthim ngaituana gilo hi a hun ngaidam thei khâk leh, Pathian kiang in pauchap ta’n.

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

ROMTE 1:21

Pathian he maleu, Pathian ahi’na gual tak in a chawihoi puau ah, a chung ah kipakna châng le a hepuau hi; ziaziakchun, a lungthim suangtuanau in thil manlote bep a ngaitua tâk ziak un a lungthim ngol tak uh chu a thim zo tai.

ISAI 65:2

Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

SAM 53:1

Mi ngolte chun a lungthim un, “Pathian a um puai,” a tiu a. A sezo tau ah, thil phalo ki’dak um a bawl tau a, kuama thilpha bawl pakhat chale a um ta puau hi.

JOB LEKHABU 22:17

Pathian kiang in, “Ei nusia in, Hat Chungnung Pathian chun, bang ei law thei ding la hem?” a tiu a.

DAN LEKHABU 8:14

hung kingaisâng talua’n, Lalpa la Pathian uh, Aigupta gam ah suak leh sal tânna In ah kipat leh,

PAWTDAWNA THU 5:2

Himaleh, Pharaoh chun, “Israelte ka chiasak ah, a thu ka ngai ding Lalpa chu kua a hem? Zia Lalpa chu ka hepua’n, Israelte chu le pawt daw sak lo ding ka hi,” a tia.

EPHESA 2:12

Zia lai ah khan Khrista neilo in, Israelte khua leh tui tawh kikhendan in, khawvel ah kinepna him neilo leh Pathian neilo in, thutiam thuthung lak ah kipat malzin la hiu kha hezing tau in.

MARKA 7:21

Mihing lunggil ah kipat chun ngaituana phalo: Ângkawmnate, gûkchâknate, tualthanate,

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

ISAI 59:7

A keng uh thil phalo bawl dingin a chan-gang un, bangma bawlselote thisan sua dingin a kinaw he huu ah; a ngaituanau zosia chu khawlona ngen ahi’n, manthaina leh suksiatna chu a lampiu ahi.

ISAI 3:9

A maisua mai unle a diklo dan uh a tâklang un; a gitlonau sêlmang malak sâng in, Sodom gual in a tâklang zawu hi. A chung uh a gik na e!

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

THUPILTE 30:13

Mi mittêt sâng chî le a um un, a mitteu chu a sângha’ nau e!

THUPILTE 30:9

achutiloleh, tai in niang ta law leng hun hemil ing ka tin: “Lalpa chu kua a hem?” hun ti kha’ng ka. Chaga talua leng la gûkchak khawlaw kha’ng ka tin, ka Pathian min hi’thanghuai kha’ng ka.

THUPILTE 21:4

Khawdat sâng, lungthim chapo, mi phalote’n thaumei gual ah a mat uh hi sual ahi.

THUPILTE 6:17

Mittêt chapote, lei zuauthei te leh mawna neilote thisan sua’na khutte;

SAM 101:5

A Invêngte a gûk ah minsiat sak gawte chu, hi’mangthai ing ka. Mi kiletsak leh mi huhamte chung in dawthei pua’ng ka.

SAM 36:1

Bawsiatna chun mi nunsiate lungthim gil tak in thu a gen a; a mitmuu in Pathian launa him him a um puai.

SAM 27:8

Ka lunggil in, “Hung inla ka mêl hung hawl in!” a ti’n. “Lalpa, la mêl ahi ka hawl,” ka ti’n.

SAM 18:27

Nang in mi kingainiamte la hukdok sek in, mi kingaisângte vang chu la bêng niam sek hi.

SAM 73:11

“Pathian in bangti’n hethei ding a hem? Chungnung pen in hetna nei ding a hem?” a tiu a.

THUGENTU 8:11

Thil phalo bawlte thiamlo chansakna, thutanna bawl pai ziang a hilo na ziakin, mihingte lunggil ah chun thil phalo bawl guatna a nei ta sek ui.

ZEPHANIAH 1:12

Ziaphat chuleh, thaumei chawi in Jerusalem hawl ing ka tin, amau kimuang ah, a lungthim ua: “Lalpa‘n thilpha bawl pua’n tin, thil sia le bawl diak pua’n a,” ti zosia chu gawt ding ka hi.