SAM 1:3 - PATHIAN LEKHABU THIANGTHO (BSI)

³ Amau chu tui luang zing kiang ah thing kiphu, a hun si’n ah ga sek, a dua vuai ngailo gual chu a hiu hi. A thilbawl tapo un a lamzang pek ui.

SAM 1:3 Referans Kwoze

JEREMIAH 17:8

Amau chu tui kiang ah thing kiphu ah, a zungte lui pang ah jam lut gual chu a hiu hi. Khua a hung lum ding lau pua’n tiu in, a duate chule hing zing in a; khawkhâl kum inle lungkham lo in, gâ lo tik a nei puau hi.

EZEKIEL 47:12

A lui pang tuak ah chun, nêk thei thing chitin um in a. A tui chu mun thiangtho ah hung luangdok ahiziak in, thingduate chu vuai ngai pua’n tin, a ga le hût ngai pua’n a; thasin in ga thak suang zing zaw’n au; chuleh, zia thing gate chu nêk ding leh a duate chu sukdamna ding hita’n a,” a ti tai.

SAM 92:14

Têknung inle ga sua zing intiu in; tuipom zing in hing dip dep in au.

JOHAN 15:6

Mi keima ah a um zing lo chun, bâk gual ah sâtthâk ah um in, a hung vuai sek hi; tichun, a chomkhawm un, mei lak in a pai lut un, a kâng sek hi.

EZEKIEL 19:10

La nu chu grep lak ah grep gui, tui lak ah kiphut, tui tam ziak ah ga leh bâk tam tak sua tawhbang chu ahi.

THILSIAM THU 39:23

Lalpa chu Joseph kiang in a um ah, a thil hi’ tapo chu Lalpa’n a lawtinsak ziakin, suangkul vêngpa chun a khut ah thil um tapo chu a en se se ta puai.

THUPUAN 22:2

Khawpi khawlai vêl leh zia luigâl langtua gêl ah chun, hinna thing a kiphu ah, ga chi sawm leh ni in tha si’n in a ga ah; a duate chu nam tinte damna ding ahi.

EZEKIEL 17:8

bâk tam tak leh ga tam tak, a sua theina dingin phu ahi tai.

MATTHAI 13:6

Himaleh, nisa a hung sat phatin a lei a keu ah, a zung a sau lo ziak in a vuai tai.

2 KHANGTHU 31:21

Tichun, Pathian In ah sep leh bawl hi’n, dan leh thupiak zosia leh Pathian hawlna lam thu inle, a lunggil zosia’n a bawl ah; tichun, a lamzang pek hi.

THILSIAM THU 39:3

Lalpa chu a kiang in a um zing ah; a thil hi taphot ah a lawtinsak hi ti a pu chunle a he tai.

SAM 128:2

La khut sepgim man chu ne’n la tin; kipak tak ah um in, vangphatna chang inla.

ISAI 3:10

Mawna neilote chun a khut sepgim gau, ne ding a hiziak un, mi vangpha ahi dan uh hil in.

ISAI 44:4

Dawplak hampa gual in hung dawndok intin uh, lui pang ah hûisûm gual in hung khang tul tul in au.

JOB LEKHABU 14:9

tui gim a hun het phat leh, hung selthak kit intin, thingno gual in a bâkte hung jamdok in a.

MATTHAI 21:34

A ga law hun ding ah chun a lousân la dingin a suakte chu a lou bawlte kiang in a sawl a.

MATTHAI 21:19

Lamgei ah chun theichang kung pakhat a mu’n, a vazuan ah, a dua longal bangma a mu puai. A kiang in, kumkhua’n a la ga nawt kin! a tia. Tichun, theichang kung chu a vuaitha ngal tai.

JUDA 1:12

Ziate hi la hepina ankuangteu sumelsia chu a hiu hi; launa châng helo in a hung kivâkvâ sek ui. Amau chu sûm tui paw lo, hui in a taw lumlet leh thing a ga hun ah ga lo, nivei thisa, a zung ah kikaldokte gual a hiu in,

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

MATTHAI 21:41

Amau chun a kiang in, Zia mi nunsiate chu that chimit intin, a grep huan chu midang a sân pha tak ah pia thei dingte kiang in pia zaw ta’n a, a tiu a.

1 KHANGTHU 22:11

Tu’hin, nang ka chapa, nang chung thu ah a gen dungzui ah Lalpa la Pathian In ding chu la sakdaw theina dingin Lalpa‘n hun umpi zing ta hen.

SAM 129:8

a kiang hun haw khate chun: “Lalpa‘n hun maljawl ta hen! Lalpa min in ka hun maljawl ui! a ti ngai diak puau hi,” ti tau hen.

2 KHANGTHU 32:23

Mi tam tak in Jerusalem khua Lalpa kiang ah thilpiakte hun chawi in, Judai gam ah Lengpa Hezekiah â dingin thilpiak lûl tak tak a hun pekhawm tau ah; zia kipat chun nam tinte mit mu ah nasa tak ah choisa’n in a hung um tai.

KISIMNA LEKHABU 24:6

Jubi kung sâng tak ah kitiang gual, lui luang kiang ah huante gual, thing gimtui Lalpa phusa, lui pang ah sidar thing gual chu ahi.

DAN LEKHABU 28:8

Lalpa‘n la bu In teu, la khut nasepnau zosia ah maljawl dingin thu pia’n tin; tichun, Lalpa la Pathian un a hun piakna gam ah hin hun maljawl in a.

2 LENGTE 18:7

Tichun, ama chu Lalpa‘n a umpi ah, a kiheina lam lam ah chun a lamjang pekah; Assuria lengpa chung ah hung kiphin in, a na a hun sêm nuam ta puai.

1 KHANGTHU 22:13

Israelte â ding ah, Mosi kiang ah Lalpa thuguat leh dan leh mual a la piakte zosia phatakcha la vop chun, hung hampha ding la hi. Hat tak leh hangsan tak in um in. Lau kin la, lungthuai diak kin.

JOB LEKHABU 22:28

La duthusam gual tak in bawl piak hi’n la tin, la lampi zosia salvâk piak hi’n la.

SAM 92:15

Lalpa chu midik tak leh, ka suangpi ahi’n, ama ah chun diklona him him a um puai, ti ka taklat theina dingin.

ISAI 58:11

Lalpa‘n hun pui huai zing ta’n tin, tâng gawchâk mun inle, la tâksap zosia hun tua intin, la gu leh châng zosia hihat in a. Tichun, tui in a chapno zing, huan tawhbang ta’n la tin, tuinâk pha tak, a tui kang ngai lo gual chu, hung hita’n la.

EZEKIEL 31:5

Tichun, gamlak ah thing zosia sâng in a sângzaw’n; a buk hung lian in, a bâkte le sau tak ah jam in, tui kiningting tak in a zungte a chapno zing ahi.