RUTH 1:20 - PATHIAN LEKHABU THIANGTHO (BSI)

²⁰ A ma’n a kiang un, “Naomi ei ti kiu inla, Marah ei ti zaw ta un; Bangkim Hi’theipa chun nasa tak in ei soisak tâk ziakin.

RUTH 1:20 Referans Kwoze

JOB LEKHABU 6:4

Hat Chungnung Pathian thalchangte chun, ei kâplet un; ka thagau in a thi’na gûte chu a dawn in, Pathian tizat umnate chu, ei do dingin a kitiang suak tau hi.

HEBRAITE 12:11

Thununna thok lai him him in kipak um in a kilang ngai pua’n, gimum in a kilang sek hi; himaleh, thok zaw nung leh vang, sawinem ah umte â dingin dikna ga thamuan um tak a sua sek hi.

ISAI 38:13

Jan khawvak tiang in panpi don in ka pauchap a, ahi’n, sakeibaknei gual in ka gu zosia ei hi’bot piak tai; sun si’n, jan si’n in ka hinna lamang ziang dingin ka ngai a.

SAM 88:15

Ka naupan lai ah kipat, da-um thuak leh thi vang vang in, la tizat umna huaisia tak ka thuak ta’n; beidong in ka um hi.

SAM 73:14

Nitum ah nat gimthei thuak in ka um in, jing si’n leh gawt in ka um ngal a.

JOB LEKHABU 19:6

Pathian in siatna hi ei tuak sak ah, a lênthâng ah ei tuam ahi ti hi he tau in.

JOB LEKHABU 5:17

Pathian in a thununte chu a hampha nau e! Ziaziakchun, Hat Chungnung Pathian in, a thununna chu ngaitawm ki’hen.

JOB LEKHABU 11:7

Pathian thu gilte thûk dan tak chu, mudok zo ding la hem? Hat Chungnung Pathian lopi dan leh, a bawlthei dan chu hesuak zo ding kisa la hem?

PAWTDAWNA THU 6:3

Abraham, Isak leh Jakob kiang in Elshaddai in ka la kilâk sek ah; himaleh, ka min tak tak JEHOVAH ti in vang amau kiang in ka la kihiat sak kha nai puai.

THILSIAM THU 43:14

Benjamin tawh la suapiu khat hile a hun thâdok theina dingin, zia pa chu El Shaddai in ngilneina pia ta hen. Keima ka hileh chu ka chate ka chân leh ka chân himai ta hen,” a ti tai.

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THUPUAN 21:22

A sung ah chun tempul ka mu pua’n, Lalpa Pathian Bangkim Hi’thei leh Belamno chu a tempul uh ahi tai.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

PAWTDAWNA THU 15:23

Chuleh, Marah a hung tun phat un, Marah tuite chu a khât bêk ziak in a dawn thei ta puau a. Ziaziak chun, zia mun chu Marah a sak den tau a.

JOB LEKHABU 9:18

ka hatle ei laksak man lo in, thasiatna’n ei hi’dim zaw tai.