ROMTE 8:1 - PATHIAN LEKHABU THIANGTHO (BSI)

¹ Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

ROMTE 8:1 Referans Kwoze

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

ROMTE 8:34

Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 15:4

Nangmau ah ka um zing gual hin, keima ah um zing un. Bâk chu a guipi tawh a kizop lo leh, ama ngawn ah a ga theilo gual hin, nangmaule keima ah la um zing lo ua leh ga thei pua’n lau.

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

ROMTE 8:14

Pathian Thagau pui ah um tapote chu Pathian chate ahi ngal un.

1 KORINTH 15:22

Adam ah chun mi zosia a thi tau a, zia gual ma chun Khrista ah chun mi zosia suk-hin hiding a hiu hi.

GALATIA 5:16

Chutichun, zia hi ka ti ahi, Thagau ah kalsuan un; tichun, taksa nopna lam chu zui lo mai inlau.

ROMTE 8:4

taksa’n a sukzawngkhal ziak ah Dan in a bawlthei tâk lo chu, Pathian in a chapa chu gitlona taksa mêlpu’n, gitlo thoina ding ah hun sawl in, taksa ah gitlona chu thiamlo a hun chansak tai.

ROMTE 8:39

sânna a hem, thûkna a hem, thilsiam dang him him inle I Lalpau Jesu Khrista ah um, Pathian hepina kipat chun ei khen zo pua’n a.

GALATIA 5:25

Thagau ah hing I hiu chun, Thagau ma ma’n kalsuan hitiu.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

JOHAN 14:20

Ziaphat chuleh, nang un keima Pa ah ka um leh, nangmau ah kei um ka hi’dante hi hun hechian ta’n lau.

ROMTE 7:20

Tu’hin ka nop lo lam chu bawl sek ka hi chun, keima hitalo in, gitlona keima ah sêmtu chun a bawl zaw sek ahi.

ROMTE 7:17

Ziaziakchun, zia thil hi’saktu chu keima kha ka hita pua’n, himaleh, gitlona keima ah chêng chu a hizaw sek hi.

2 KORINTH 12:2

Khrista ah chun mi pakhat, van thumna tiang ah lâk to ah um ka hia’i; zia chu kum sawm leh li masang kha a hita’n, taksa a hem, taksa umlo a hem ka gen thei puai, Pathian in a hia’i.

ROMTE 16:7

Ka chipi Andronika leh Junia, ka suangkul tânpite kha sawlchâkte lak ah minthang tak a hiu a, kei sâng ah Khrista ah um masate a hiu hi.

ROMTE 16:3

Khrista Jesu ah ka naseppite, Priska leh Akuila chibai ei la bûk piak un.

EZEKIEL 18:9

ka thuguatte a zui ah, ka dan thute chingthei tak ah a vop ah, ginum tak ah a um nâk chun zia gual mi chu midik hi’n a: ama chu hing ding ahi, Lalpa Pathian in a tii.

ROMTE 5:16

Chun, zia thilthawnpiak chu mi pakhat sukkhial ziak ah thil hung um chu tawh a kibang pua’n; thiamlo chansakna vaihawmna chu mi pakhat ziakin a hung um ah, thiamchansakna thilthawnpiak bo chu sukkhialna tam tak ziakin a hung um zaw ahi.

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

ROMTE 8:9

Nanghaw vang taksa um la hita puau in, Thagau ah um la hizaw tau hi; ziaziakchun, nangmau ah chun Pathian Thagau chu a chêng hi. Kua’nle Khrista Thagau a neilo chun ama mi ahi puai.

ROMTE 8:11

Himaleh, mithi lak ah kipat Jesu kaithokitpa Thagau chu nangmau ah a um leh, mithi lak ah kipat Jesu kaithokitpa chun, nangmau ah um Thagau ah chun la taksau thithei chu hun hinsak kit in a.

GALATIA 3:26

Khrista Jesu gin ziakin Pathian chate la hung hi chiat tau hi.

EPHESA 1:1

Pathian doilam ah Khrista Jesu sawlchâk Paul hin, Ephesa khua mi thiangtho, Khrista Jesu ah mi ginumte kiang ah chun: