ROMTE 6:3 - PATHIAN LEKHABU THIANGTHO (BSI)

³ Kuale Jesu Khrista ah baptisma chang tapo chu, a thina baptisma chang I hiu ti la hepuau em?

ROMTE 6:3 Referans Kwoze

GALATIA 3:27

La lak ua Khrista ah baptisma chang tapote kha Khrista ah chun la kivan tangal un.

ROMTE 6:8

Khrista tawh thi I hi tâk uh chun, ama tawh hing ding I hiu ti I taksang uh ahi.

1 KORINTH 12:13

Thagau pakhat ah I leng ua taksa pumkhat ah baptis I hitau a; Juda hi’n Jentel hi taleu, suak hi’n, suak lo hitaleu hinle; Thagau pakhat ah dawn khawm chiat ding ah siam I hiu.

1 PETER 3:21

Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

1 KORINTH 9:13

Tempul nasemte’n tempul ah thil a nêk leh, mâichâm nasemte’n mâichâm thillatte ah chanvo a nei ui ti helo la hiu em?

ROMTE 7:1

Suapite haw, dan hete kiang ah thugen ka hiziak in mihing chung ah Dan in a dam sung sia thu a nei dan hi la hepuau em?

ROMTE 6:16

Kua kiang ah le a thu mang ding ah a suak ah la lut ua leh, thina khop ah gitlona suak a hem, dikna lam ah thu matna suak a hem, a thu la mat pen uh suak chu la hiu ti la hepuau em?

NASEPTE 19:5

Zia thu chu a het phat un, Lalpa Jesu min in baptisma a chang tau a.

1 KORINTH 6:9

Aleh, midiklote chun Pathian gam lua pua’n au, ti la hepuau ah a hem? Thep zaw in um kiu in! Mi thanghuaite, milim ho-te, ângkawmte, mihukte,

1 KORINTH 5:6

La kisuanpiu hi a pha puai. Thawi tawmcha hin changbuang tang pumpi a jel suak sek hi ti la hepuau em?

NASEPTE 8:16

(Amau haw chu Lalpa Jesu min bep ah baptisma chang ahi nâklai ziak un, Thagau chu a chung un a tung kha naipua’n.)

2 KORINTH 13:5

Ginna ah chun la umnau em ti nangmau ngei kipatep sek unla, ki-enchian un. Ahiloleh, nangmau ah chun Khrista a um hi ti la kihechian puau ah a hem? Doilo la hilo ngal uh chun!

1 KORINTH 15:29

Ahiloleh, mi thisate min ah baptisma changte hin bang lawchâk ding a nei awm? Mi thisate thokit lo tak tak ding hi taleu, amau thasâng ah bang ding ah baptisma chang sek a hiu em?

1 KORINTH 3:16

Nangmau chu Pathian chênna In leh, Pathian Thagau chênna la hiu ti helo la hiu em?

1 KORINTH 6:19

Aleh, la taksau chu la sung ua um, Pathian kiang ah kipat la muu Thagau Thiangtho chênna In ahi ti leh, nangmau â la hita puau hi ti helo la hiu em?.

1 KORINTH 9:24

Kitaitekte chun a leng un tai maleu, pakhat bep in kipakman a mu sek hi ti helo la hiu em? La mutheina ding un tai un.

1 KORINTH 10:2

Mosi zui a hi’theina ding un sûmpi leh tuipi’n baptis a chang ui.