ROMTE 12:3 - PATHIAN LEKHABU THIANGTHO (BSI)

³ Hepina piak ah ka umna jal in, la leng ua kiang in zia thu hi ka gen ahi, la lak un kuama ama hi’na khêl ah kingaisâng lo ding leh, Pathian in ginna a hun piak dungzui ah dik tak in kingaitua chiat zaw tau in.

ROMTE 12:3 Referans Kwoze

GALATIA 6:3

Mi bangma hilo ah milian khat ah kingai chu, ama leh ama kithêm ahi.

THUPILTE 26:12

Mi ama bep pil kisa la mu kha ngai em? Zia gual mi sâng ah chun mingol chu kineppi a um zawi.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

ROMTE 12:16

Kituak tak in um chiat un. Kingaisâng kiu inla, mi kingaitawmte kivoppi zawu in. Kipilsak kiu in.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

THUGENTU 7:16

Dik kisa talua kin la, kipilsak talua diak kin; bang dingin em nang leh nang la kisuksiat ding?

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

JAKOB 4:6

Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

1 KORINTH 7:17

Banghitaleh, Lalpa‘n mi zosia a pui dan gual leh, Pathian in a kona gual chiat in um tau hen. Zia gual ah chun kochuam pawl zosia kiang in dan thu ka thung tai.

TITA 2:12

zia chun Pathian ngaisak lona leh khawvel nopnate nusia ah, kisûm ah, diktat ah, tu’lai khawvel ah hin Pathian ngaisak ding leh,

TITA 2:2

Upate chu kisûm ding, ja’um, a hun tiang he, ginna dik tak nei, hepina leh thok-hatna nei ding in;

2 KORINTH 12:7

Ahi’n, hiatsaknate chu a nasat ma ma ziakin ka kingaisân tâkluat lona dingin, ka taksa ah hin ling ei pia ahi; Setan sawlchâk, khutthak noina ei mang dingpa chu ka zawtheina ding in; chutiloleh kingaisâng talua kha’ng ka.

ROMTE 11:20

Ahi, amau chu a ginlona ziak un sâtthâk in a um un, ziaziakchun nang uh chu ginna’n la hung ding thei uh ahi; tichun, kisathei kin la, lau zaw tau in.

ROMTE 1:5

Ama ziakin hepina leh sawlchâk hi’na chu, a min ah namtin lak ah ginna thu awina ziakin I nei chiat tau ahi.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

TITA 2:4

amau inle, numei khangdawng nalaite chu a pawsalteu hepi ding leh a chateu hepi dingin,

1 KORINTH 15:10

Himaleh, Pathian lungsiatna jal in ka hi’ding gual tak ka hi zo ta’n; chun a lungsiatna chu a thawn puai. Amau zosia sâng in ka sêm nasa zaw bawn hi; himaleh, keima sep hilo in, Pathian lungsiatna kei ah um chun a sep a hizawi.

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

EPHESA 4:16

ama ah chun taksa bâk zosia chu kilemtua ah, kisutua leh kizop khawm in, bâk tin in a sep ding chiat uh a sep phat leh, taksa chu khangto in, hepina chun ama leh ama a kilem to sek ngal a.

LUKA 18:11

Pharisai pa chu a hung ding ah, ama chang in zia gual hin a hung pauchap a: ‘Pathian, keima hi mi dang gual ah negu, diktat lo leh ângkawm ka hilo ziakin leh, zia sedawlpa gual hile ka hilo ziakin la chung in ka kipak hi.

TITA 2:6

Zia gual ma chun pawsal khanglaite chule kisûmthei dingin thu hil in.

1 TIMOTHI 2:15

Himaleh, ginna leh hepina leh thianthona ah, a kilawm bep ah a um chun, ama chu nau hin ziakin hukdam hi’n a.

1 TIMOTHI 2:9

numeite chu a hun bepcha leh nîk leh puan kilawm tawk tiang bep in kivan uh hen; samphêk a hem, tuikep suang a hem leh puan man tam tak tak a hem ah kijem lo in,

1 TIMOTHI 1:14

I Lalpau hepina chu, Khrista Jesu ah um ginna leh hepina chun keima ah nasa tak in a dimlêt tai.

EPHESA 3:4

zia kha la sim tak ua leh, Khrista thugûk ka het dan hi hethei in lau.

2 KORINTH 12:13

Ka hun suk giksak lona kha a hilo ngal leh, kochuam dangte sâng ah la nuainun zawknau bang a hem? Zia ka hi’khelna chu ei ngaidam un!

1 KORINTH 3:10

Pathian hepina ka kiang ah piak ahi dungzui in, Insa lamkai khutthiam tak gual in keima’n suangphûm ka lem in, midang in a chung ah In a sau hi. Mitin in a chung ah a sak dan uh chun chingthei chiat tau hen.

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.

THUPILTE 25:27

Khuaizu nêk tam tâkluat a phat lo gual ma’n, min ama lopina ding bep a hawl hile a lopi puai.

3 JOHAN 1:9

Kochuamte kiang in lekha ka la thot ta’n, himaleh, Diotrephia, a lak ua chungnun chû sekpa khan ka thuneinau a zanuam puai.

KOLOSSA 2:13

Chuleh, nanghaw la sukkhialnateu ziak leh taksa zektanlo ziak ah thi la hiu ah, nangmau ngei chu ama tawh a hun suk-hin kit la hi tau hi; I sukkhialnau zosia ei ngaidam ta ahi.

KOLOSSA 1:29

Zia ding ziak ah hin, ama’n ei suk-hatna dungzui ah kimang in, gim tak ah sêm in, ka kihabawl ma ma hi.

EPHESA 3:2

nanghaw kiang ah Pathian hepina thu gen ding ah, sawl ah ka um dante kha a la he ngei ding la hingal un;

2 KORINTH 10:13

Keihaw vang, a khêl a vâl in kisuang pua’ng kau; nanghaw kiang tiang bep tung zo dingin, Pathian in gam ei piakna sung bep in um ding ka hiu.

PHILIPPI 2:13

A lung lam sêm ding ah sepnopna hun pepa chu Pathian ahi ngal a.