ROMTE 11:2 - PATHIAN LEKHABU THIANGTHO (BSI)

² Pathian in a hetlawkte a hiziak un, a mite chu a pâmpai puai. Elijah khan Israel chung thu ah Pathian kiang ah thu a tutna thu, Pathian Lekhabu’n a gen kha helo la hiu em?

ROMTE 11:2 Referans Kwoze

SAM 94:14

Lalpa‘n a mite hemil pua’n tin, a gochante chule nusia diak pua’n a;

1 PETER 1:2

thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

ROMTE 9:23

Lopina ding ah a la siam lawk, jangaina changte â ding ah a lopina hau dan taklatna ding in,

NASEPTE 3:17

Tu’hin, suapite haw, nangmau leh la hotuteu in la mawlna ziak bep un, zia thilte chu la la hi’khâk uh ahi, ti ka hia’i.

THILSIAM THU 44:15

Joseph in a kiang un, “Bang a hem la bawl uh? Keima gual mi hin âi a en thiam ahi ti helo la hiu em?” a ti’n.

ROMTE 9:6

Himaleh Pathian thu chu a lawsam ahi diak puai. Israel suante zosia chu Israel ahi sik sek ziang puau hi.

NASEPTE 13:48

Jentelte chun zia chu a het phat un, kipak ma ma in Lalpa a pâk tau ah; kumtuang hinna chang ding ah guat ah um zosia chun a ging tau hi.

NASEPTE 7:40

Aron kiang in, ka mau ei pui piak ding pathiante ei siam piak in; zia Mosi, Aigupta gam ah kipat ei puidokpa hivang, bang chang a hem ka he ta puau hi, a tiu a.

JOHAN 4:11

Numei chun a kiang in, “He pu, tui khaidawna ding bangma la nei pua’n, zia tuikul hi a thûk ngal a; khoi ah kipat a hem zia tuihing chu la nei?

LUKA 4:1

Jesu chu Thagau Thiangtho ah dim in Jordan lui ah kipat chun a hung kit a, Thagau chun gamthip in a puilût ngal tai.

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

KISIMNA LEKHABU 16:15

A chung un Mosi a lungna ma ma ta’n, Lalpa kiang in, “A thillat uh bang ma pom piak kin. A sabiltung uh khat chale ka lâkpiak kha pua’n, a lak ua mi pakhatle ka gentheisak kha diak puai,” a tia.

PAWTDAWNA THU 32:1

Mipite chun Mosi tâng ah kipat a hung suk kit hak talua tai, a tiu ah tichun, Aron kiang in a chia khawm ua a kiang in, “Kipan in, ka mau ei pui dingin pathian ei siam piak mai in; zia Mosi, Aigupta gam ah kipat ei puidokpa hi la bangti a hem ka he’phak ta puau in,” a hung tiu a.

HEBRAITE 1:1

Masanglai ah khan Pathian in lampi chuam chuam in, I pu leh pateu kiang in jawlneite mang in thu a la gen sek a;

PHILIPPI 1:22

Himaleh, taksa ah hing nalai ding ka hi chun, zia chu kei â dingin sep ga tampi sua’na hiding ahi; ka têl zawk ding vang ka he diak puai.

NASEPTE 15:18

zia zosia chu khawvel siam lim ah kipat, Pathian in a la hiatsak ahi tai,’ ti’n a la gen hi.

1 KORINTH 6:2

Aleh, mithiangthote’n khawvel hi vaihawm piak ding a hiu ti helo la hiu em? Chutia, khawvel le vaihawm piak ding la hiu chun, thil neuchate ah vaihawm theilo la hiu em?

JEREMIAH 31:37

Zia gual hin Lalpa‘n a gen hi: Chung lam ah vante khi te’thei a hung hiu ah, lei kingakna nuailamte hile, suidaw sik sek thei ahi ding chun, a thilbawl zosiau ziakin, Israel suan leh pâk zosia chule, pâm pai ding ka hi, Lalpa‘n a tii.

MARKA 12:26

Mithi thawkitna thu Mosi lekhabu chun, chîmbuk ah Pathian in, ‘Kei Abraham Pathian, Isak Pathian, Jakob Pathian ka hi,’ tia a gente kha sim kha’lo la hiu em?

ROMTE 6:16

Kua kiang ah le a thu mang ding ah a suak ah la lut ua leh, thina khop ah gitlona suak a hem, dikna lam ah thu matna suak a hem, a thu la mat pen uh suak chu la hiu ti la hepuau em?

1 KORINTH 8:3

Min Pathian a hepi chun ama ngei chu het in a um zaw ahi.