ROMTE 1:1 - PATHIAN LEKHABU THIANGTHO (BSI)

¹ Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

ROMTE 1:1 Referans Kwoze

NASEPTE 9:15

Himaleh, Lalpa chun a kiang in, “Chia mai in; ama hi Jentelte leh lalte tawh Israel chate kiang ah ka min pawlut ding ah matchâk ding ah ka têl ahi;

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

1 KORINTH 1:1

Paul, Pathian doigual ah Khrista Jesu sawlchâk hiding ah ko leh, I suapipau Sosthen chun,

KOLOSSA 1:1

Pathian doi gual ah Khrista Jesu sawlchâk Paul leh I suapiu Timothi hin:

JEREMIAH 1:5

“Sûl ah ka hun siam masang ah kipat khan, ka hun hiatsa la hita’n, la pian masang ah kipat him ah khan, namtin kiang ah jawlnei hiding in, ka hun guat in, ka hun sukthiantho chuam la hi tai,” a ti’n.

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

ROMTE 1:9

A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

2 KORINTH 1:1

Paul, Pathian doigual ah Khrista Jesu sawlchâk leh, I suapiu Timothi chun, Korinth ah Pathian kochuamte leh Akaia gam ah mithiangtho zosiate kiang in:

1 KORINTH 9:1

Zalen hilo ka hem? Sawlchâk hilo ka hem? I Lalpa Jesu mu hi talo ka hem? Nanghaw chu Lalpa a ka sep ga hilo la hiu em?

2 TIMOTHI 1:11

Zia chanchinpha â ding ah chun, tângsam leh sawlchâk leh thuhilpa hiding ah guat ka hi’n,

1 TIMOTHI 1:1

Paul, I hukdampau Pathian leh Khrista Jesu I kinepnau, thupiak dungzui ah Khrista Jesu sawlchâk hin,

GALATIA 1:1

Sawlchâk Paul, (mihingte sawl hilo, mihingte ziak ah le hi diak lo, Jesu Khrista leh mithi lak ah kipat kaithopa, Pa Pathian ziak ah hizaw) leh,

1 TIMOTHI 2:7

Zia ding ah chun thugen ding leh sawlchâk ding, (thutak ka gen ahi, juau ka gen puai,) ginna leh thutak ah Jentelte thu hil ding ah guat ka hi.

1 THESSALONITE 2:2

Ahi’n, Philippi khua sukgentheina thuak ah, jachâk um tak ah bawl ka hi’nung un, Pathian chanchinpha la kiang ua gen ding ah dâlna nasa tak lak ah Pathian in hânsanna ei piai ti la hiatsau ahi.

ROMTE 1:5

Ama ziakin hepina leh sawlchâk hi’na chu, a min ah namtin lak ah ginna thu awina ziakin I nei chiat tau ahi.

PHILIPPI 1:1

Paul leh Timothi, Khrista suakte hin, Philippi khua Khrista Jesu ah mithiangtho um zosia leh, hotute leh nasemte kiang ah chun,

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

JAKOB 1:1

Jakob, Pathian leh Lalpa Jesu Khrista suak hin, nam sawm leh ni kithejakte chu chibai ka bûk hi.

HEBRAITE 5:4

Aron gual ah Pathian in a ko ahilo chun, kuama’n zia choihoina hi a kilâk ngai puau hi.

PHILIPPI 2:11

leh Lei zosia’n Pa Pathian lopina ding ah, Jesu Khrista chu Lalpa ahi, ti a puanna ding un.

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

EPHESA 1:13

Ama ah chun nang uh le, thutak thu, la hukhinnau chanchinpha chu la het ua, la gin nung un, ama Thagau Thiangtho tiamsa ah chun tepte’ la hitau hi.

2 KORINTH 12:11

Ka la ngol na e! Nang uh ei bawl ka hi. Ei chawihoi zaw dingte la hiu in; bangma hilo maleng, sawlchâkliante chu ka phalâ him him pawngal a.

2 KORINTH 11:5

Zia gual sawlchâk liante chu bang lam lam ah le ka phâk lo ka gingcha puai.

2 KORINTH 4:5

Kei un keimau thu ka gen puau in, “Khrista Jesu chu Lalpa ahi,” ti leh Jesu jal ah la suakteu ka hiu chu ka gen zawu ahi.

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

NASEPTE 22:21

Ziaphatchun, ama chun, zia kipat hin pawt in, gamla tak ah Jentelte kiang ah hun sawl ding ka hi, ei tia, ti’n a gen a.

NASEPTE 22:7

Ziaphatchun, leitual in ka kipuk ta’n; chun, aw khat ka hun he, Saul, Saul, bang a tia ei hi’genthei la hem? ei hun ti’n.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

THUPUAN 22:9

Himaleh, ama’n ka kiang in, “Zia gual chun hi’ kin; keima le la suak chanpi, la suapi leh jawlneite nasemtu pakhat leh, zia lekhabu thu kigente a la zuitu pakhat ka hi. Pathian chu la biak ding ahi,” a tia.

KOLOSSA 1:25

Pathian thu chu bukim tak ah het a hitheina dingin, nanghaw ziak ah Pathian in mawpuakna ei piak dungzui in, nasem ah pang ka hi tai;

EPHESA 1:1

Pathian doilam ah Khrista Jesu sawlchâk Paul hin, Ephesa khua mi thiangtho, Khrista Jesu ah mi ginumte kiang ah chun:

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

ROMTE 16:18

Zia gual mite chun I Lalpau Khrista na chu a sêm puau in, amau gilpi na bep a sêm zawu hi; a kamthiam uh leh pâkchâkna thuteu chun, mi mawlte chu a thêm sek ui.

ROMTE 15:29

La kiang ua ka hung phat leh, Khrista maljawlna bukim tawh hung ding ka hi, ti ka hia’i.

ROMTE 11:13

Tu’hin, nanghaw Jentelte kiang in ka gen ahi: Jentelte â ding ah sawlchâk ka hiziak in, keima nasep chu ka hun chawisâng ahi.

NASEPTE 27:23

Tu’jan ngei ah khan, ka Pathian leh ka ho sekpa vansawlchâk ka kiang in a hung ding a,

NASEPTE 26:1

Agrippa chun Paul kiang in, “Nangma chung thu la kigen ding phal a hi,” a hun tia. Ziaphatchun, Paul in a khut a jak ah, ama chung thu a gen a:

NASEPTE 13:9

Ziaphatchun, Saul, Paul le kiti chu Thagau Thiangtho ah dim in ama chu a ensâl a:

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

1 KHANGTHU 23:13

Amram chate chu: Aron tawh Mosi a hiu a. Aron chu thilzek thiangtho pente la’n thiangtho ding ah guat a hita’n; ama leh a chate chu Lalpa ma-âng ah thillân in pangden ta’n tiu in; zia nasep chu tawh Lalpa min ah maljawlna thusap thua zing ta’n au.

DAN LEKHABU 10:8

Zia hun lai ah kipat tuchan in, Lalpa thuthung thingkuang jawn ah, Lalpa ma-âng ah ding ah, a nasêm ding leh a min ah maljawlna gen dingin Levi phungte chu a guat chuam tai.

THUPUAN 22:6

Chun, ama chun ka kiang in, “Zia thu kigente hi a ginum in a dik ahi; jawlnei thiangthote Lalpa Pathian chun, thil um pai ta dingte chu etsak dingin a vansawlchâk a hun sawl ahi.

HEBRAITE 7:26

Tichun, thiampu lianpen, thiangtho, poikhoi lo, buakna neilo, migilote ah kipat um chuam, vante sâng ah chungnung zaw ah siam, I mamawteu â ding ah hun tawk I nei uh chu a kilawm him ta ahi.

NASEPTE 26:14

ka leng ua leitual ah ka kipûk chiat phat un, Hebrai pau in, Saul, Saul, bangatia ei sugenthei la hem? Sutna thikzum sui chu nang â dingin a na zaw ahi, a hun ti’n.

NASEPTE 21:40

Phalna a piak phat ah chun, Paul chu kalbi chung ah dingin, mipi chu thip dingin a khut a zap a; chun, a thip dîl dêl phat un Hebrai pau in a kiang un thu a gen a.

JOHAN 15:20

Suak chu a pu sâng in a lian zaw puai, ti thu ka gen tâk kha hezing unla. Amau in kei ei sukgenthei ua leh, nang uh le sugenthei in au; ka thu a zop ua leh nangmau thu le zawm in au.

MARKA 1:14

Johan suangkul ah a khum nung un, Jesu chu Pathian gam chanchinpha gen in Galili gam in a hung a:

2 KORINTH 2:12

Khrista chanchinpha gen ding ah Troas ka tun in, Lalpa ah chun kot hon piak in ka um a;

2 KORINTH 11:7

Pathian chanchinpha a thawn ah ka gen ziak un, choisa’n ah la umtheina ding ua ka kisukniam uh chu, thil hi’khial ka hiu em?

1 THESSALONITE 2:8

Ka hun khawtua ma mau in, nangmau ka hun ngainat ma ma ziak un, Pathian chanchinpha bep hilo in, keimau hial le nang uh â ding ah kipiak mai ka nuam uh ahi.

1 THESSALONITE 2:9

Suapite haw, ka sepgim dan uh leh ka chawl dan uh la hezing ui; la lak ua kuama â dia puakgik ka guanlona ding un, sûn leh jan ah na sêm in, Pathian chanchinpha ka hun hil uh ahi.

1 PETER 4:17

Vaihawmna chu Pathian Inkuan ah pat a hun ta ngal a; eimau ah pat masak ahi chun, Pathian chanchinpha awilote tawpna chu bang gual a hita diam?