PHILIPPI 4:6 - PATHIAN LEKHABU THIANGTHO (BSI)

⁶ Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

PHILIPPI 4:6 Referans Kwoze

1 PETER 5:7

La lungkhamnau zosia ama chung ah septhau in, ama’n la khan khua ding uh a gêl nai.

SAM 55:22

La puakgik chu Lalpa chung ah nga lechin, ama’n hun hihat in a; midik chu bangmatik in hilîng phal pua’n a.

MATTHAI 6:8

Amau gual in um kiu inla, la dot mau inle la pau chun bang a hem la tâksap a he ngal in.

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

THUPILTE 16:3

La nâte chu Lalpa kolsak lechin, la thil guanggalte chu hun hi’pitin piak in a.

SAM 62:8

Aw mipite haw, ama chu ging zing un, la thinlung gil teu a ma’n sungdok unla; Pathian chu I kisêlnau ahi. (Selah)

KOLOSSA 4:2

Pauchap zing unla, kipak thu gen kawm in ngâk zing un.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

KOLOSSA 3:17

la hi tapo uh thugen a hem, thil hi’ a hem, ama ziakin Pa Pathian kiang in kipak thu gen kawm in, Lalpa Jesu min in hiu in.

LUKA 18:1

Chun, lungke lo hial ah pauchap ding ahi dan hilna dingin, zia tekhinthu hi a gen a:

LUKA 12:22

A nungzuite kiang in, ziaziakchun ka hil la hiu: La hinnau, la nêk diu, la taksau leh sil leh chên ding ngaitua in lungkham kiu in.

SAM 51:15

Aw Lalpa, ka kam ah thu ei gen dawsak inla, tichun, nangma hun pâk ing ka.

KOLOSSA 3:15

Chuleh, Khrista lungmuanna chun la lunggil un vaihawm ta hen; zia gual ah chun um dingin taksa pumkhat ah ko la hi him uh ahi; kipakna châng he tau in.

1 SAMUEL 30:6

Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.

EPHESA 5:20

I Lalpau Jesu Khrista min in, Pathian, Pa ngei kiang ah chun bangkim in kipak thu gen zing tau in.

SAM 55:17

Nitâk hileh, jingkal hileh, sun inle ka lungjinna thu gen in, pauchap ing ka tin; tichun, ama’n ka aw ngaitha’n a.

LUKA 10:41

Jesu chun, “Martha, Martha, thil tam tak la ngaitua ah buai la hi;

LUKA 18:7

Pathian chun, a mi têlte sun leh jan ah ama kiang ah thûm leh mau ah umte chu, phuba lâkpiak lo in jaidaw zing ding a hem?’ a tia.

MATTHAI 10:19

Himaleh, a hun matsak phat ua leh, bangti ding, bang thu gen ding ka hem? ti’n lungkham kiu in; la gen ding uh chu a hun tak ah piak hiding la hingal un.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

LUKA 12:29

Ziaziakchun, nêk leh dawn ding mai buaipi kiu inla, lungkham kiu in.

1 SAMUEL 1:15

Himaleh, Hannah in, “Ka hipuai ka Lalpa; numei lungkham talua ka hi; zu leh khamthei thil ka dawn pua’n, Lalpa kiangah ka lunggil sungah umte ka gendok a hizawi.

2 KORINTH 1:11

Nang unle pauchapna’n ei panpiu in; tichun, mi tam takte pauchapna dawnhuna maljawlna piak ah ka um tak ua leh, keimau ziakin mi tam tak in kipak thu gen in au.

1 KORINTH 7:32

Lungkhamnate la neilo uh ka dawi piak la hiu. Ji neilopa chun Lalpa kipakna ding ngaitua in Lalpa thilte chu a ngaisak sek in,

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

MATTHAI 13:22

Chuleh, hampa lingnei lak ah kekte chu: Thu chu he tangal ah, khawvel lungkhamna leh hausaknate etlâna ziak ah, a hetnau suktâk ah um ah ga theilo te chu a hiu.

DANIAL 3:16

Sadrak, Meshak leh Abednego chun lengpa kiang in, “Aw Nebukadnezar, zia thu ah hin la âng ah ka kilep uh a ngai puai.

2 KHANGTHU 32:20

Ziaphatchun, Lengpa Hezekiah tawh Amoz chapa Isai chu zia thu ziak chun pauchap in, van Pathian a ko tau a.

1 SAMUEL 7:12

Chuleh, Samuel in Mizpah tawh Jeshanah kikâl ah chun suang pakhat a phu ah, a min in Ebenezer a sak tai; ama’n, “Zia chan hin Lalpa‘n ei panpi ahi,” a ti ziak a hi.

SOLOMON LÂ 2:14

Aw, ka vakhu, kawl suangpi lak ah um ah, kawldan kâl ah um sek; la mêl ei musak inla, la aw le ei hiatsak in; la aw chu a ngainop um in, la mêl le a ngaikâi hi.

1 KORINTH 7:21

Suak hilai ah ko la hi em? Zia chu khawksa kin. Zia gual ah um chu lemchâng sa mai in.

1 LENGTE 8:28

La suak pauchapna leh a dotna hi ngaitha’n; Aw Lalpa ka Pathian, tu’ni la suak in la kiang ah a pauchapna leh a kâna hi ngaitha’n;

JEREMIAH 32:16

Neriah chapa Barukh kiang ah kichawkna lekha chu ka piak zaw phatin, zia gual hin Lalpa kiang in ka pauchap a:

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

MATTHAI 6:34

Ziaziakchun, jing â ding chu lungkham kiu in; jing chun ama â ding kilungkham kawm ding ahi ngal in. Ni khat â ding ah ni khat lungkham a hun hi.

1 TIMOTHI 2:1

Chutichun, a masa pen ah chun, thildot pauchapnate, pauchapna him himte, midang â ding ah pauchapnate leh kipak thu gennate hi mi zosia â ding ah nei piak dingin ka hun tîl la hi;

1 TIMOTHI 5:5

Meithâi hi tak tak, ama bep ah um chun, Pathian chung ah kinepna a koi ah, sûn leh jan in don leh pauchap in a um sek hi.