PHILIPPI 4:19 - PATHIAN LEKHABU THIANGTHO (BSI)

¹⁹ Chun, ka Pathian chun Khrista Jesu ah a hausakna dungzui in, la tâksap zosiau chu hun pia’n a.

PHILIPPI 4:19 Referans Kwoze

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

MIKAH 7:7

Ke’n vang, Lalpa lam en zing ing ka tin, ka hukdamna Pathian chu ngâk zing ing ka; ka Pathian in ei ngaitha ding ahi.

MALAKI 3:10

Ka In ah nêk ding a umtheina dingin sawm ah khat dik tak in bu In ah hun koikhawm un; tichun, ka van tukvante hong in, a koina’n a dawl lo ding khop maljawlna’n ka hun vuk paw na ve em, ti ei patep ma tiam un, sepai honte Lalpa chun a ti ahi.

NEHEMIAH 9:15

A gilkial phat un van ah kipat in vaithum la pia, a dangchâk phat un suangpi ah kipat in tui la luandaw sak in; chuleh, a kiang ua piak la tiamna gam lam ah chia ah luaden dingin la hil tai.

2 SAMUEL 22:7

Ka lungjin lai in Lalpa ka ko ah; ka Pathian ka ko ahi. A tempul ah kipat in ka aw a hia’n, ka kiko thawm chu a bil in a he tai.

SAM 36:8

La In sung hausakna a nopchên un, la kipakna lui ah chun a dawn ding uh la pia’n.

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

EPHESA 3:16

a lopina hau dungzui in a Thagau jal in, la sunggil lam ua chun thilhitheina’ suk-hat ah la umtheina ding un, ka pauchap in;

KOLOSSA 3:16

Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;

ROMTE 8:18

Tu’lai thoknate hi tu’nung ah lopina I chung ua hung kilang dingte chu tawh te’pi kham in ka ngai puai.

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

ROMTE 9:23

Lopina ding ah a la siam lawk, jangaina changte â ding ah a lopina hau dan taklatna ding in,

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

SAM 130:7

Aw Israel, Lalpa ah kinem in! Lalpa kiang ah ngilneina a um ngal in, ama ah chun hukdam theina thahâtna a um hi.

SAM 104:24

Aw Lalpa, la thilbawlte a tam na lawm lawm e! Pilna ah la siam sik sek ahi’n; leilung hi la thilsiam in a lua dim tai.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

EPHESA 2:7

Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

2 KHANGTHU 18:13

Mikaiah chun vang, “Lalpa min in, ka Pathian in a gen gual gual in gensawn ding ka hi,” ti’n a dawnhu a.

THILSIAM THU 48:15

Joseph chu a maljawl ah: “Ei suante Abraham tawh Isak ma-âng ah um sek Pathian, tu’ni tiang ah ei ching zingpa Pathian;

DANIAL 6:22

Ka Pathian in a vansawlchâk a hun sawl ah, sakeibaknei kam chu a chi’sak ah, ei suna lo uh ahi; a ma-âng ah bangma bawlkhial ka nei lo ziakin; chuleh, aw lengpa, la ma-âng inle bangma bawlkhial ka nei puai,” ti’n a hun dawnhu tai.

ROMTE 11:33

Pathian pilna leh hetna leh hau zia chu a thûkna lawm lawm e! A vaihawmnate chu hiat thei gual leh, a lampite chu sui thei gual a hi paw na e!

1 PETER 5:1

Chutichun, la lak ua kochuam upate chu, keima la upatpiu, Khrista thoknate he pa, lopina chang dingpa hin, la lak ua upate chu ka hun tîl ahi.

1 THESSALONITE 2:12

a lenggam leh lopina hun kolutpa Pathian â ding ah kilawm la hi’theina ding un, hun tilkhau leh thamuan in ka hun ni la hiu.

ROMTE 1:8

Khawvel zosia la ginnau chanchin gen ah a um tâk ziakin, Jesu Khrista jal ah chun ka Pathian kiang in kipak thu ka gen masa ahi.

JOHAN 20:27

Thoma kiang ah chun, “La khut in hun bân inla, ka nâk ah thun in. La khutzung in hun khoi in, ka khutte hi en in. Taksanglo in um kin la, taksang in,” a tia.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

PHILEMON 1:4

Ka pauchapnate ah chun la min lam zing in, ka Pathian kiang ah chun kipak thu ka gen sek hi.

2 KORINTH 12:21

Ka hung kit phat leh ka Pathian in la lak un ei himualpho khan tin, tu’ma lam ah thilhikhialte lak ah thilbuak hi’te, jawntatte leh hûk chîng ah haisan gaw lo mi tam tak chu kâ khum kha’ng ka ti le ka lau hi.

NEHEMIAH 5:19

Aw ka Pathian, zia mite â ding ah ka thilbawl hi ka phatna dingin hezing in, ti’n ka hun ni hi.

MATTHAI 6:32

Jentelte’n zia zosia chu a hawl sek him ui. Zia zosia chu la tasam ui ti, la Pau van ah um chun a hezing nai.

PHILIPPI 4:7

Chutichun, Pathian thamuanna, ngaituana’n a het zaw gual lo chun, la lungthim leh ngaituanateu chu Khrista Jesu ah chun venbit piak in a.

2 KHANGTHU 31:8

Hezekiah tawh a miliante chun a hung mu phât un, Lalpa leh Israel mipite chu a maljawl tau a.