PHILIPPI 4:18 - PATHIAN LEKHABU THIANGTHO (BSI)

¹⁸ Bangkim ka nei ta’n, ka hau ahi; Epaphrodita khut ah thil lei hun thawtteu kha ka la mu’n, ka kiningting tai. Zia chu thillat gimtui, Pathian â ding ah kithoina pom tâk leh kipak um chu a hi.

PHILIPPI 4:18 Referans Kwoze

HEBRAITE 13:16

Ahi’n, thilpha hi leh kipanpitua ding hemil puai tiu, zia chu Pathian pom tâk kithoina chu ahi.

PHILIPPI 4:12

Tawmcha bep nei dan ka he ta’n, tam tak nei dan le ka he tai. Thil bangkim ah vâ tak leh kial tak ah um dan, niang tak ah um dan leh tasam tak ah um dan, thugûk chu ka hethiam ta ahi.

2 KORINTH 9:12

Zia khawtuana nasep hi mithiangthote tâksapna awnghukna bep hilo in, Pathian kiang ah kipak thu genna tampi hi in, a luanglêt nalai hi.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

2 THESSALONITE 1:3

Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

PAWTDAWNA THU 29:18

mâichâm chung ah chun belamchal sa chu a pum in la hâltum ding ahi; zia chu Lalpa â ding ah hâlmang thillat chu ahi: Lalpa â ding ah gimtui, mei ah lat chu ahi.

KISIMNA LEKHABU 15:3

Lalpa kiang ah mei ah thillat la bawl uh chu, thutiam bukimna hâlmang thillat hi hen la, nangmau kiphalna dungzui ah thillat kithoina ding ahi inle, kût ni kiguat dungzui ah thillat kithoina ding hiziang maleh, Lalpa â ding ah gimtui a hi’theina dingin, bawng hon lak a hem, belam hon lak leh kêl hon lak ah kipat in la piak ding uh ahi;

NASEPTE 10:4

Ama chun lau tak in a vak en ah, “Lalpa, bang a hem?” a tia. Ama chun, a kiang in, “La pauchapnate leh la thilpiakte kha Pathian ma’n het zing dingin a tung to tai.

2 KORINTH 11:8

La nau ka septheina dingin, kochuam pawl dangte kiang ah law la’n, amau siatna ka bawl piak kha sek ahi.