PHILIPPI 3:9 - PATHIAN LEKHABU THIANGTHO (BSI)

⁹ Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

PHILIPPI 3:9 Referans Kwoze

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

GALATIA 2:16

himaleh, dan thilhite ziakin mi thiamchang in a um puau a, Jesu Khrista gin ziak bep in thiamchang in a um zawu hi, ti I he ngal un; ei unle dan thil hi’ziak hilo in, Khrista ginna ziak ah thiam I chan theina ding un, Khrista Jesu chu I ging uh ahi; dan thil hi’ te ziakin mihing him him thiamchang in um pua’n au.

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

ROMTE 1:17

Zia chun, Pathian dikna chu ginna ah kipat ginna ma ah taklat in a hung um tai: “Midik chu ginna’n hing in a,” ti zik gual ah khan.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

JEREMIAH 33:16

Ziaphat chuleh, Judah chu hukdam in um intin; tichun, Jerusalem chu bit tak in chêng ta’n a. Zia khawpi chu, “Lalpa chu I diknau ahi,” ti min sak hita’n a.

TITA 3:5

dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

PHILIPPI 3:6

phatchuam ngaina lam in kochuamte sugentheipa, dikna dan lam ah chun dem kâi lo ka hi.

ROMTE 10:10

Min lunggil ah a gin chun dikna a mu hen, kam in a puangdok ah, hukhinna a mu sek ui.

ROMTE 8:3

Chutichun, Dan in a mamaw chu, ei uh taksa dan ah chawn lo ah, Thagau dan ah chawnte ah hin sukbukim ahitheina dingin,

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

THUGENTU 7:20

Thilpha bep bawl, bangma bawl khial nei lo, zia khawvel ah hin a um him him puai.

MATTHAI 9:13

Chutichun chiau inla, ‘Kithoina ka dawi pua’n, jangaina ka dawi hi,’ ti hi a umdan vazil un; midikte hawl ding ah hung ka hipua’n, mi gilote hawl ding ah hung ka hizawi,” a tia.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

SAM 143:2

La suak chung thu vaihawm nai kin la, la mit mu ah hin mihing thiamchang ding, a um paw’ngal un.

SAM 19:12

Kua a hem ama sukkhialnate hedok thei ding? Diklona kisêlgute lak ah kipat hin ei hithiang in.

SAM 14:3

Lam dik ah kipat in a pêt mang suak tau a, a leng un a pêt mang chiat tau hi; kuama thilpha bawl a um ta puau a, pakhat chale a um ta puau hi.

2 KHANGTHU 32:25

Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

1 LENGTE 8:46

Kuama gitlona bawl lo a um paw’ngâl ah; nangma kãl ah a gitlo ua, a chung ua la lungnat ah, mêlma pakhat khut ah la piakdaw ah, gamla hi’n nai lehle, a mêlmateu in a gam ua sal ah pui mang a hiu a,

THILSIAM THU 7:23

Chutichun, mihingte, gan honte, lei ah bokvâkte, chunglêng vachate zosia chu sukmangthai in a um tau ah; Noah leh a long sung ah umte bep chu dam in a um tau hi.

1 JOHAN 3:4

Gitlo bawl taphot chu dan botsia a hiu; gitlona chu dan bawsiatna ahi.

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

JAKOB 3:2

Thil tampi I sukhial kha sek ngal un. Kua’n le thugen lam ah a hi’khial lo chun mi bukim leh a taksa thuzaw mi ahi.

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

ROMTE 16:7

Ka chipi Andronika leh Junia, ka suangkul tânpite kha sawlchâkte lak ah minthang tak a hiu a, kei sâng ah Khrista ah um masate a hiu hi.

ROMTE 5:21

Tichun, thina’n vai a hun hawm gual in, hepina chun, Jesu Khrista I Lalpau ziakin, kumtuang hinna lutna dingin dikna chun vai a hun hawm ta ahi.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 6:5

Keima’n, “Ka chung a gikna e! Mûk thianglo ka hi, mûk thianglo lak ah chêng ka hi, a mangthai chu ka hita hi, ka mit in Lengpa, Sepai honte Lalpa chu ka mu ta’ngal in,” ka ti hen.

2 KHANGTHU 32:31

A gam ah thilmakte entha dingin Babulon ah miliante chun palai a hun sawl un; a lungthim dik tak kichetna dingin Pathian in ama chu a thathawt tai.

DAN LEKHABU 27:26

Zia dan thute zui lo mihing taphot chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.