PHILIPPI 3:12 - PATHIAN LEKHABU THIANGTHO (BSI)

¹² A mu zo ta ka kiti pua’n, bukim ta le ka kiti diak puai; Khrista’n ei matlawna pen chu ka tuk det theina ding ti’n, ka del ham ham ahi zawi.

PHILIPPI 3:12 Referans Kwoze

SAM 138:8

Lalpa‘n kei ding ah a thiltup chu, mualsua têi intin; aw Lalpa, la ngilneina det chun kumtuang dai in a. La khut nasepte haisan kin.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

ISAI 51:1

Nanghaw dikna del ah, Lalpa hawlte haw; ka thugen hi a la ngai un. Khuak daw ah la umnau suangpi en unla, chawdaw la hi’nau khûk chu en un.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

EPHESA 1:4

ama ah thiangtho leh demna umlo ding ah lei chung pian masang ah ei uh ei la têl tâk gual in.

PHILIPPI 3:16

Banghitaleh, I phâk taksau tiang uh chu tudet zing hitiu.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

JAKOB 3:2

Thil tampi I sukhial kha sek ngal un. Kua’n le thugen lam ah a hi’khial lo chun mi bukim leh a taksa thuzaw mi ahi.

HEBRAITE 12:14

Mi zosia tawh kichamna leh thianthona chu del un, zia longal ah chun kuama’n Lalpa mu pua’n a.

GALATIA 5:17

Taksa chun Thagau chu a do sek a. Thagau inle taksa dona lam a nuam sek hi; thil la hi guatteu chu la hi’thei lona ding un ziate chu a kikãl sek uh ahi.

JOB LEKHABU 17:9

Midik chun a lampi ngai ma a tuchak in, khut thiangtho neite chu vang hat deu deu in au.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

2 THESSALONITE 2:13

Lalpa ah suapi doitakte haw, Thagau Thiangtho leh thutak ging ah hi’thiantho ah hukdam ah um dingin, a tîl ah kipat Pathian in a hun têl ziakin, la chung thuu hin vang Pathian kiang ah kipak thu gen zing ding him ka hiu.

EPHESA 4:12

mithiangthote chu nasepna matchâk ah thuam bukim ding leh Khrista taksa chu siam piting ah,

2 KORINTH 13:9

Keihaw hâtlo maleng un, la hât ua leh ka kipak sek ui. La bukimna ding un ka pauchap piak sek ui.

1 KORINTH 13:10

A bukim chu a hung tun phat leh, a bukim lo hi sukbei hita’n a.

THUPILTE 4:18

Midikte lampi chu vang jingkal khawvak, sûn a hung hi masia a vâk phat deu deu gual ahi.

SAM 119:5

La thuguatte chu zawm dingin ka umdante hi, det ta maijen leh ka ti ngei!

SAM 84:2

Ka hinna’n Lalpa biak In huang sung chu a ngaina hen, a chau pha hial tai; ka thinlung leh ka phe hi, Pathian hing kiang ah chun kipak in a kikodok tai.

SAM 63:8

Ka hinna nangma ah a bek den zing a; la khut changlam in lei kaibât zing hi.

1 THESSALONITE 5:15

Kuama’n gitlo chu gitlo ma’n thuk ki’un; khat leh khat chung leh mi zosia chung in thilpha kihi piak tua un.

1 TIMOTHI 6:19

Chutia, tu’nung ah amau â ding ah suangphûm pha gothil kiphûm ah, hinna tak tak chu a tûkdet theina ding un.

NASEPTE 9:15

Himaleh, Lalpa chun a kiang in, “Chia mai in; ama hi Jentelte leh lalte tawh Israel chate kiang ah ka min pawlut ding ah matchâk ding ah ka têl ahi;

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

SAM 94:15

mi dikte chung ah vaihawmna dik kile’kit intin, lungthim dik zosia’n zia chu zui in au.

HEBRAITE 12:23

van ah min kikhum masate kikhopna, mi zosia chung ah vaihawmpa Pathian leh midikte thagau sukbukim ah umte kiang;

SAM 42:1

Sakhichal luicha tuiluang ducha, a hat dûp dûp gual in, aw Pathian, ka hinna hi, nangma thangai in a ha dûp dûp hi.

MATTHAI 5:48

Tichun, la Pau van ah um a phat bukim gual in nang uh le pha bukim in um un.

ROMTE 8:39

sânna a hem, thûkna a hem, thilsiam dang him him inle I Lalpau Jesu Khrista ah um, Pathian hepina kipat chun ei khen zo pua’n a.

1 KORINTH 9:24

Kitaitekte chun a leng un tai maleu, pakhat bep in kipakman a mu sek hi ti helo la hiu em? La mutheina ding un tai un.

1 KORINTH 13:12

Tu’hin vang, lîmet ah kichian lo in I muu in, ziaphat chuleh, kimaitua tai tiu. Tu’hin bukim lo in ka hia’n, ziaphat chuleh vang, het ah ka um gual hin bukim tak in he ta’ng ka.

PHILIPPI 1:1

Paul leh Timothi, Khrista suakte hin, Philippi khua Khrista Jesu ah mithiangtho um zosia leh, hotute leh nasemte kiang ah chun,

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

PHILIPPI 3:8

Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.