Khrista kiang in khetden in ka um ta’n, ahi’n la, ka hing ahi; keima kha ka hita pua’n, Khrista keima ah hing ahi zawi; Pathian chapa, ei hepi ah, ka thasâng ah kipepa ginna ziak zaw’n.
chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.
Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.
Nangmau ziak ah tu’ ka thokgimnate ah hin ka kipak ahi; chuleh, a taksa, a kochuamte ziak ah Khrista thokgimnate chu ka taksa ah hin ka subukim pek ahi.
I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.
Ama chu jawngkhal tak in khetden in um maleh, Pathian thilhitheina ziakin a hing zing tai. Kei hawle ama ah chun hatlo ka hitau; ahi’n la, nanghaw lam ah Pathian thilhitheina ziakin ama tawh hing ing kau.
Chuleh, nanghaw la sukkhialnateu ziak leh taksa zektanlo ziak ah thi la hiu ah, nangmau ngei chu ama tawh a hun suk-hin kit la hi tau hi; I sukkhialnau zosia ei ngaidam ta ahi.
Kuama’n ei lâkpiak pua’n a, keima thu thu ka piak jawk ding ahi. Pia thei ka hi’n, la kitthei le ka hi. Zia thupiak hi ka Pa ah kipat ka mu ahi, a tia.
Ama chun a kiang un, ka no dawn ding chu dawn in lau; himaleh, ka changlam leh ka veilam ah kichu ding chu keima piak ding a hipua’n, ka Pa’n a guatte kiang ah chun a piak ding a hizawi, a tia.
Lalpa‘n zia gual hin a gen hi: Mipil chun a pilna suang ki’hen la, mi hat inle a hatna suang diak ki’hen la, mi hausa’n le a hauna chu kisuanpi diak ki’hen;