PHILIPPI 2:8 - PATHIAN LEKHABU THIANGTHO (BSI)

⁸ mihing gual ah hung piang in, ama leh ama a hung kingaitawm ah, thi tiang ah thu jawm in a hung um a, kros ah a thina ngei chu.

PHILIPPI 2:8 Referans Kwoze

JOHAN 10:18

Kuama’n ei lâkpiak pua’n a, keima thu thu ka piak jawk ding ahi. Pia thei ka hi’n, la kitthei le ka hi. Zia thupiak hi ka Pa ah kipat ka mu ahi, a tia.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

ROMTE 5:19

Mi pakhat thu awi lona ziak ah khan mi tam tak migilo a hung hi tau a; zia gual ma chun, mi pakhat thu awina ziakin mi tam tak chu midik hung hi’n au.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

MATTHAI 26:39

Ama chu a vachia gamla chuam deu ah, bokkhup in a pauchap a, Aw he Pa, a hi’thei leh zia no hin ei pêl mai hen: himaleh, keima thu hilo in, nangma thu thu hizaw hen, a tia.

NASEPTE 8:33

Musit ah a um lai in a chung ah thu dik chu pom ahi puai. A suan khanggui thu kua a hem gen ta ding? Khawvel ah kipat in a hinna a lâkpiak tangal un,” ti hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

JOHAN 14:31

Himaleh, keima’n Pa chu ka hepi hi ti, khawvel in a hettheina ding un, Pa ei thupiakte gual gual in thil bangkim chu ka bawl zaw ding ahi. Kipan un, zia kipat hin pawtdok tai tiu, a tia.

THUPILTE 15:33

Lalpa launa chu pilna lampi kihilna ahi’n; kingaitawmna chu choisa’n ah umtheina ahi.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

MATTHAI 26:42

A niveina dingin a vachia kit ah, a pauchap kit a, Aw Pa, zia no hi ka dawn lo ah ei pêl theilo ding hial ahi chun nangma thu thu hi hen, ti in.

SAM 22:16

Uichate’n ei ûm kîmvêl un; thil phalo bawlte’n ei ûm chak ui. Ka khut leh kengte a kilden un;

DAN LEKHABU 21:23

a luang chu thinglêk ah jankhua’n la koiden lo ding uh ahi; khailup ahi ni ma ma ah chun vui ding ahi, thing ah khailup ah um taphot chu Pathian hânsia dong ahi ngal ah. La lua ding ua Lalpa la Pathian un a hun piakna gam chu la hi’buak lo ding uh ahi.

MATTHAI 17:2

A ma-âng un a mêl a hung danglam ta’n; a mai chu nisa gual in a hung vâk ah, a puansilte chu vûk gual in a hung vâm tai.

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

LUKA 9:29

A pauchap lai un, a mêl a hung danglam ta’n; a puante chu a hung vâm tai.

HEBRAITE 12:4

Gitlona do in thisan pawt khop in la pang kha nai puau hi.