PHILIPPI 2:17 - PATHIAN LEKHABU THIANGTHO (BSI)

¹⁷ Ahi, la ginnau thillat chung in Pathian â ding ah butthâk ah um ding hi lengle ka kipak hi, la leng un ka hun kipakpi hi.

PHILIPPI 2:17 Referans Kwoze

2 TIMOTHI 4:6

Kei vang tu’hin le latdaw ah um zing ka hita’n; ka chia hun a hung tung tai.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

2 KORINTH 12:15

Kei vang kipak tak in nang uh â dingin kimang ing ka tin, kimang tum kei ziang ing ka. Ka hun hepi tâkluat ziak ah lei hepi lo ding uh a hem?

KOLOSSA 1:24

Nangmau ziak ah tu’ ka thokgimnate ah hin ka kipak ahi; chuleh, a taksa, a kochuamte ziak ah Khrista thokgimnate chu ka taksa ah hin ka subukim pek ahi.

PHILIPPI 1:20

Bang lam lam inle sukmualpho ah umlo in, hangsan tak ah thu ka gen ziakin Khrista chu ka taksa ah hin, ka thi inle ka hin inle, choihoi ah um zing ding ahi ti chu ka kinepna leh ka kingakna ahi.

2 KORINTH 7:4

Ka hun kisuanpi ma ma hi; thamuanna’n ka dim ah, ka haksatna zosia inle kipakna’n ka dim ahi.

1 JOHAN 3:16

Zia hin hepina chu I hethei ui: ama’n ei uh â ding ah a hinna a piak tâk hi; ei unle midangte â ding ah I hinnau I piak diu ahi.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

1 THESSALONITE 2:8

Ka hun khawtua ma mau in, nangmau ka hun ngainat ma ma ziak un, Pathian chanchinpha bep hilo in, keimau hial le nang uh â ding ah kipiak mai ka nuam uh ahi.

PHILIPPI 4:18

Bangkim ka nei ta’n, ka hau ahi; Epaphrodita khut ah thil lei hun thawtteu kha ka la mu’n, ka kiningting tai. Zia chu thillat gimtui, Pathian â ding ah kithoina pom tâk leh kipak um chu a hi.

PHILIPPI 2:30

Khrista nasepna chun a la thi tavang ah, kei â ding ah la sepkimloteu kha sep butin a guatna lam in a hinna le bangma’n a la ngailo ahi.

NASEPTE 21:13

Paul chun, “Bang ding ah keima lunggimna ding bep ah zia gual ah chu kap la hiu em? Lalpa Jesu min ziak ah Jerusalem ah kânna bep hilo in, thi le ka huam ahi,” a tia.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

KISIMNA LEKHABU 28:6

Zia chu chawl lo ah Lalpa kiang ah hâlmang kithoina ding leh, gimtui hiding ah la lat zing ding ua; Sinai tâng ah kinamdetsa kha ahi tai.

KISIMNA LEKHABU 28:7

Belamno khat tawh uain te’na Hin dim khat, se’li khen ah a se’khat tawh, belam khat chiat la lat khawm ding ahi’n; uain chîk tak chu Lalpa â dingin mun thiangtho ah chun la sunthâk ding uh ahi.

2 KORINTH 6:10

lungngai gual in, himaleh kipak zingin; genthei gual in, himaleh mi tam tak hihausa ngal in; bangma neilo gual in, himaleh bangkim nei bukim ngal in ka um zawu hi.

PHILIPPI 2:18

Zia gual ma chun nang uh le kipak unla, keile ei kipakpi tau in.

2 KORINTH 4:12

Tichun, keimau ah hin thina’n a sêm zing in, nangmau ah chun hinna’n a sêm zing hi.