PHILIPPI 2:12 - PATHIAN LEKHABU THIANGTHO (BSI)

¹² Ziaziakchun, ka doitakte haw, thu la zop sek gual uh khan, tu’hin le, keima ka um bep hilo in, ka umlo sung ah hin sêm nasa zaw diak in, lau leh kithing pum in hukdam la hi’nau chu sêm bukim tau in.

PHILIPPI 2:12 Referans Kwoze

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

HEBRAITE 4:11

Ziaziakchun, zia cholna chu lut dingin phatchuamngai tak in sêmgim hitiu; chutilochun, a ginlo ziak ua pûkte gual ah khan, kua a hem a la pûk kha’n lau.

1 PETER 2:11

Doitakte haw, mikhual leh malzin la hiziak un, thagau dosek taksa nopnate chu haisan dingin ka hun ni la hiu.

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

PHILIPPI 1:27

Banghitaleh, la umdan uh chu Khrista chanchinpha tawh kituak sak phot tau in; ka hung ah nang uh hung mu a hem, ahiloleh, ka umlo lai ah le thagau munkhat ah la dindet dan uh leh, lungthim munkhat nei ah chanchinpha ginna la pan dan uh chanchin ka hettheina ding in.

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

2 TIMOTHI 2:10

Ziaziakchun, têlte ziak ah chun bangkim in ka thuak zo hi; chutia, amau inle Khrista Jesu ah hukdamna chu, kumtuang lopina chu tawh a mutheina ding un.

THUPILTE 13:4

Mi juljau lungthim chu a huaihap a; maleh, bangma a nei law puai; mi gunchu duthusam chu, tam tak ah piak ahi.

HEBRAITE 4:1

Ziaziakchun, lau hitiu, chutilochun, a cholna lutna thutiam um zing ngal in, la lak un a ting zo lo um kha tawl in lau.

HEBRAITE 12:1

Chutichun, hiatpitu sûmpi nasa tak ah ûm kîmvêl I hiu ti kihia’n, ei sunokphak leh I chung ua bek gitlonate paitha’i tiu in, I mau ah kitaisiakna lampi ah hin thuak-hat tak in tai hitiu.

PHILIPPI 4:1

Ziaziakchun, ka suapi ka doitak leh ngainat, ka kipakna leh ka lallukhukte haw, Lalpa ah chun ding det tau in, ka doitakte haw.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

PHILIPPI 1:29

A jangaina ziak ah Khrista la gin bep uh hilo in, ama ziak ah la thok uh le phal ahi.

SAM 119:120

Ka taksa hi nangma lau in a kithing in, la vaihawmnate chu ka lau hi.

SAM 2:11

Lau kawm in Lalpa na sêm unla, kithing kawm in,

2 KORINTH 7:15

A thu la awi danteu, lau leh kithing kawm ah la lop danteu kha hia’n, a lunggil nangmau lam in a chêng zaw diak tai.

1 KORINTH 2:3

La lak un jawngkhal tak leh lau leh kithing kawm in ka um hi.

EPHESA 6:5

Suakte haw, Khrista kiang ah la kituk lut gual un, lungthim thua neilo in, lau leh kithing kawm in taksa ah la puteu kiang ah chun kitulut unla;

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

THUPILTE 10:16

Midikte sepgimna ga chun hinna a tun sek in; mi nunsiate sep ga chu gitlona ahi.

MATTHAI 11:12

Baptispa Johan in thu a gen ah kipat khan tu’tiang hin van-gam chun pawngbawlna a tuak in, a pawngbawlte ma ma chun a pawng lâk sek ui.

EZRA 10:3

Tu’hin, zia I jiteu leh amau tawh I chateu zosia chu, ka Lalpau hin lei lemguat piak dungzui in, I Pathian uh thupiak lau ah kithing zosia chun, sawl mang ta dingin I Pathian kiang un thutiam bawl hitiu in; dan dungzui tak in bawl mai hitiu.

PHILIPPI 1:5

Ni masa pen ah kipat tu’tiang ah chanchinpha puanjakna la pan zing ziak un.

NASEPTE 9:6

Tho inla, khawpi sung ah lût in, la sep ding a la gen in au,” ti’n a hun dawnhu a.

PHILIPPI 2:19

La chanchin uh ka het ah ka lungmuan theina dingin, Timothi la kiang ua hun sawl vak ding chu Lalpa Jesu ah chun ka kinem hi.

1 KORINTH 4:14

La jachâkna ding ua ka zik a hipua’n, ka cha doitakte hilna gual ah ka zik ahi zawi.

PHILIPPI 4:15

Chuleh, nanghaw Philippi mite haw, chanchinpha tun lim lai ah Makedonia gam ah kipat ka hung pawt lai ah khan, nangmau beplo ngal, kochuam pawl kuama’n thilpiak leh lak thu ah bangma ei bawl piak puau hi ti la hiau hi.

NASEPTE 16:29

Ziaphatchun, suangkul vêngpa chun meivak a hawl ah, a hung chawm lut ah, kithing kawm kawm in Paul leh Sila kengbul ah chun a hung bokkhup ta’n.

PHILIPPI 1:6

Nangmau ah nasep pha panpa khan, Jesu Khrista ni tiang in sêm bukim ngei in ah ti chu, ka gingcha ahi.