PHILIPPI 2:11 - PATHIAN LEKHABU THIANGTHO (BSI)

¹¹ leh Lei zosia’n Pa Pathian lopina ding ah, Jesu Khrista chu Lalpa ahi, ti a puanna ding un.

PHILIPPI 2:11 Referans Kwoze

1 JOHAN 4:15

Jesu chu Pathian chapa ahi, ti dinpite kiang in Pathian a um a, amau le Pathian ah a um ui.

ROMTE 14:11

Lalpa chun, “Mi zosia ka ma-âng in bokkhup intiu in, lei zosia le Pathian pâkchâtna pia’n au, ti’n sia ka sam hi,” a tii, tia zik ahi ngal a.

JOHAN 13:13

Nang un keima hi Lalpa leh Hotupa lei ti sek un; la ti dik ui, hile ka hi him ahi.

1 JOHAN 4:2

Zia gual hin Pathian Thagau chu la hethei ui: Jesu Khrista chu taksan a hung hi, ti dinpi thagau zosia chu Pathian ah kipat ahi’n;

ROMTE 14:9

Khrista thi’na leh a hung thawkitna chu mi hing nalaite leh mithite Lalpa â a hi’theina ding ahi.

1 KORINTH 12:3

Ziaziakchun, kuama’n Pathian thagau ah thu gen in “Jesu chu hânsedawl ahi,” a ti ngai puau hi; kua’nle Thagau Thiangtho beplo ngal in “Jesu chu Lalpa ahi,” a ti ngai puau hi ti ka hiatsak la hiu.

JOHAN 14:13

Keima min ah thil la dot tapo uh chu hi’piak ing ka; Pa chu Chapa ziak ah chawihoi ah a umtheina dingin.

1 PETER 1:21

Ama jal in, mithi lak ah kipat kaithopa leh a lopina petu Pathian gingte chu la hitau ah; la ginnau leh kinepnau chu Pathian ah kinga ahi.

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

THUPUAN 3:5

A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.

MATTHAI 10:32

Kuale, mite ma ah ei panpi tapo, ka pa van ah um ma ah panpi ing ka tin;

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

NASEPTE 2:36

“Israel Insung ah mi zosia’n zia hi he tau hen: Zia Jesu ngei, la khetden uh kha, Pathian in ama chu Lalpa leh Messiah in a siam tai,” ti in.

JOHAN 9:22

A nu leh pa chun Judate chu a lau ziak uh ahi’n; Judate chun, “Kua’nle Jesu chu Messiah ahi, a tiu leh kikhopna In ah kipat nawdaw ding,” a tisau ahi ziakin.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

SAM 110:1

Lalpa‘n ka Lalpa kiang ah chun: “La mêlmate la keng ngakna ding ah, ka hun bawl piak masia, ka changlam hin kichu zing in,” a ti’n.

2 JOHAN 1:7

Jesu Khrista chu taksa ngei ah hung ahi ti dinpi lo, thêmtu tam tak khawvel ah hin a hung pawt tau a; zia gual mi taphot chu thêmtu leh Khrista dodâl chu a hiu!

1 KORINTH 15:47

Mi masa chu lei ah siam ahi’n, leivui mihing ahi; himaleh, a pani’na pa chu van ah kipat hung Lalpa chu ahi.

ROMTE 15:9

A jangaina ziak ah, Jentelte’n Pathian a chawihoi theina ding un. “Ziaziakchun, Jentelte lak ah chun, chawihoi ing ka tin, La min pâk in La sa’ng ka,” ti zik gual ah khan.

JOHAN 20:28

Thoma chun, “Ka Lalpa leh ka Pathian!” a tia.

JOHAN 17:1

Jesu’n thu zia cheng chu a gen zaw in, van lam en in a dakdok ah, He Pa, a hun chu a hung tung tai; chapa’n nangma a hun chawihoi theina dingin, la Chapa hun chawihoi in;

JOHAN 12:42

Ahi’n la, thuneite lak ah le mi tam tak in ama chu a hun ging tau a; himaleh, kikhopna In ah kipat nawdaw a um khak diu a lau ziak un, Pharisaite ziakin langchang tak in a kipuang ngam puau hi.

LUKA 2:11

Nang uh â dingin tu’ni hin David khawpi ah Hukdampa a hung piang tai, Lalpa Messiah chu.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

SAM 18:49

Ziaziakchun, aw Lalpa, namtin lak ah la min chawihoi ing ka tin; la min pâk in La sâng ka.

JOHAN 14:23

Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

JOHAN 13:14

Keima la Lalpau leh Hotupau inle la keng uh ka hun sil piak ahi leh, nang uh le la keng uh la kisil piak sek diu ahi.