PHILIPPI 1:6 - PATHIAN LEKHABU THIANGTHO (BSI)

⁶ Nangmau ah nasep pha panpa khan, Jesu Khrista ni tiang in sêm bukim ngei in ah ti chu, ka gingcha ahi.

PHILIPPI 1:6 Referans Kwoze

PHILIPPI 2:13

A lung lam sêm ding ah sepnopna hun pepa chu Pathian ahi ngal a.

EPHESA 4:12

mithiangthote chu nasepna matchâk ah thuam bukim ding leh Khrista taksa chu siam piting ah,

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

SAM 138:8

Lalpa‘n kei ding ah a thiltup chu, mualsua têi intin; aw Lalpa, la ngilneina det chun kumtuang dai in a. La khut nasepte haisan kin.

1 KORINTH 1:8

Ama chun I Lalpau Jesu Khrista ni phat leh demna bei ah a hun koitheina dingin, a tawp chan in hun hi’det ding ahi.

2 THESSALONITE 1:11

chutia, suklopi leh lamdang sak a hi’theina ding ah I Pathian in nangmaule ko tâk him a hunsak theina ding leh, phat nopna zosia leh ginna nasepna zosia ah thilhitheina a hun lawtinsak theina dingin, ka hun pauchap piak zing sek uh ahi.

HEBRAITE 10:35

Ziaziakchun, la kingaknau chu haisan kiu in; kipakman nasa tak a um ngal a.

JOHAN 6:29

Jesu’n, “Pathian nasep chu zia hi ahi: a mi hun sawl hi gingcha leu chin,” ti’n a dawnhu a.

PHILIPPI 1:10

tichun, thil phazaw diakte chu la tup ua, Khrista ni ah thiangtho leh dem kâi lo ah la umtheina ding un.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

PHILEMON 1:21

Zia hi la hi ngei ding gingcha tak in ka hun zik ahi. Ka hun dot sâng ah le phazaw’n hi’ ngei in la ti ka hia’i.

PHILIPPI 1:29

A jangaina ziak ah Khrista la gin bep uh hilo in, ama ziak ah la thok uh le phal ahi.

2 THESSALONITE 3:4

Thu ka hun piak taphot kha la sepzawu ah, la sep jel uh chu Lalpa ah chun ka hun muang uh ahi.

KOLOSSA 2:12

baptisma ah ama tawh vui in la um tau a; zia ma ma ah chun mithi lak ah kipat Pathian nasep ginchâk ziakin, ama tawh kigual in kaithaw la hitau hi.

2 KORINTH 7:16

Ka hun muan takzet ziakin ka kipak hi.

NASEPTE 11:18

Zia thute chu a hun het phat un a thip tau a. Pathian in Jentelte le hinna a neitheina ding ua a lung hei uh a phal piak tai, ti in Pathian a pakcha tau hi.

NASEPTE 16:14

Zia tak ah chun numei pakhat, Thuatira khawpi puan sandup zuak sek, a min Ludia kiti chu a um a; ama chu Pathian ho sek mi ahiziak in, ka thugen uh chu pha tak in a ngai a. A lungthim chu Lalpa‘n a hong ah, Paul thugen ah chun a hung lunglut ma ma tai.

GALATIA 5:10

Kei ngaituana gual lo in ngaitua lamdang diak pua’n lau ti, Lalpa ah chun ke’n vang ka hun muang hi; himaleh, nangmau hun su’ngol chu kua hiziang leh le, a chung ah gawtna tung in a.

2 PETER 3:10

Himaleh, Lalpa ni chu gucha gual in hung in a; ziaphat chuleh, vante chu git ngai tak ah mangthai in, thilbulte le mei ah haltui hita’n a; lei leh a sung ah thil kibawlte zosia chu kâng tum ta’n a.

2 KORINTH 9:4

Chutilochun, Makedonia gam ah mi khenkhat in ei zui in, kisa zo lo in hun mu leu, nang uh bep hilo in, kei uh le zia thu ah hin mualpho kha’ng kau.

2 KORINTH 2:3

Tichun, zia ma chu ka zik ahi, achutiloleh, ka hung phat leh, ka kipakna dingte lak ah lungngaina ding mu jaw’ng ka tin; ka kipakna chu la leng ua kipakna ahi ngei ding ka gingcha ngal a.

2 KORINTH 1:15

Zia chu gingcha’n, la kiang ua hung masa leng ka ti’n, kipakna thua ni la neitheina ding un.

PHILIPPI 2:12

Ziaziakchun, ka doitakte haw, thu la zop sek gual uh khan, tu’hin le, keima ka um bep hilo in, ka umlo sung ah hin sêm nasa zaw diak in, lau leh kithing pum in hukdam la hi’nau chu sêm bukim tau in.

PHILIPPI 2:16

hinna thu chu la taklat theina ding un; zia kipakna chu keima’n Khrista ni a hung tun phat leh, a thawn in ka sêm gim pua’n, a thawn in ka tai gim puai, ka ti ngamna ding in.