PHILIPPI 1:20 - PATHIAN LEKHABU THIANGTHO (BSI)

²⁰ Bang lam lam inle sukmualpho ah umlo in, hangsan tak ah thu ka gen ziakin Khrista chu ka taksa ah hin, ka thi inle ka hin inle, choihoi ah um zing ding ahi ti chu ka kinepna leh ka kingakna ahi.

PHILIPPI 1:20 Referans Kwoze

1 PETER 4:16

Ahi’n la, Khristian ahiziak in thuak taleh, zakcha ki’hen; zia min ziak ah chun Pathian chawihoi hen.

1 KORINTH 6:20

Man piak ah chawksa la hitau hi; ziaziakchun, la taksau ah chun Pathian chawihoi tau in.

ISAI 54:4

Lau kin, mualpho lo ding la hi’ngal a; lungthuai kin, zakcha lo ding la hi’ngal a; la khangdawng lai ah la mualphona zosia kha, hun hemil ta’n la tin, la meithâina ziak ah la zachatna zosia kha, he’pha talo ding la hi’ngal a.

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

1 JOHAN 2:28

Tu’hin, chate haw, ama ah chun um zing tau in; tichun, ama hung kilâk phat leh, a ma-âng ah zakcha lo leh hangsan tak ah I umtheina ding un.

PHILIPPI 2:17

Ahi, la ginnau thillat chung in Pathian â ding ah butthâk ah um ding hi lengle ka kipak hi, la leng un ka hun kipakpi hi.

ROMTE 8:19

Thilsiam zosia chun kinem tak in Pathian chate kilatna ding chu a ngakla ma ma tangal un;

2 KORINTH 10:8

Nanghaw suksiatna ding hilo ah, nanghaw siamphatna ding ah thuneina Lalpa’n ei piak hi suang diak leng unle zakcha pua’ng kau.

2 KORINTH 4:10

bangtik lai inle, Jesu hinna ka taksau ah a kilat theina dingin, Jesu thina chu ka taksau ah hin ka pu zing sek ui.

1 KORINTH 7:34

thil pani a kop hi. Pawsal neilo leh nungak thiangtho chun taksa leh thagau ah thiangtho tak ah a umtheina ding un, Lalpa thilte a ngaituau sek ui; pawsal neinu chun vang a pawsal kipakna ding ngaitua in, khawvel thilte a ngaitua zaw sek hi.

ISAI 50:7

Lalpa Pathian in ei panpi hi; ziaziakchun, sukminsiat ah umlo ka hi; tichun, ka mai chu meisuang gual in, ka daw ngam ta’n, sukmualpho ah umlo ding ka hi ti ka hia’i;

SAM 119:116

Ka hintheina dingin, la thu gual in ei tuzing inla; ka kinepna hin ei mualpho sak kin.

ROMTE 5:5

Zia kinepna chun ei mualphosak pua’n tin; Thagau Thiangtho ei piak chu mang in Pathian chun I lung sung ua hin a hepina chu a hun sung lut tangal a.

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

KOLOSSA 1:24

Nangmau ziak ah tu’ ka thokgimnate ah hin ka kipak ahi; chuleh, a taksa, a kochuamte ziak ah Khrista thokgimnate chu ka taksa ah hin ka subukim pek ahi.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

PHILIPPI 1:14

chuleh, ka kolbunate ziakin unaute lak ah tam tak in, Lalpa muanna nei zaw diak in, Pathian thu gen dingin nasa zaw diak ah suk-hansan leh launa neilo a hung hitau hi.

2 KORINTH 7:14

A kiang in bang lam lam ah le nang uh ka suannau in ka mualpho puau ah, la kiang ua ka gen zosiau kha a tak tak ahi ti Tita ka suannau hin a phawchian tai.

2 KORINTH 5:15

A hingte chu amau â ding ah a hin lo ua, a sik ua thi’ thokitpa â ding ah a hin zawkna ding un mi zosia sik in a thi tai.

1 KORINTH 15:31

Unaute haw, I Lalpau Jesu Khrista ah nanghaw ka hun suanna zal in, nisi’n in ka thi sek hi.

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

ROMTE 6:19

Taksa lam ah la hatlo ziak un mihing dan in thu ka gen ahi; la taksa bakteu thianglo kiang ah leh, a sia ding ah siatna kiang ah la piak phal gual uh khan, tu’hin la taksa bakteu chu thianthona dingin dikna suak dingin pia phal tau in.

ROMTE 6:13

Chuleh, la taksa bakteu hile gitlo lam ah dik lona matchâk dingin pia phal kiu inla; thina kipat hing kit gual in, Pathian lam ah dikna matchâk dingin pia phal zaw tau in.

NASEPTE 21:13

Paul chun, “Bang ding ah keima lunggimna ding bep ah zia gual ah chu kap la hiu em? Lalpa Jesu min ziak ah Jerusalem ah kânna bep hilo in, thi le ka huam ahi,” a tia.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

JOHAN 21:19

(Zia thu chu, ama bang gual ah thi’n Pathian a chawisâng diam ti a genna ahi.) Zia chu a gen zaw in, “Ei zui in,” a tia.

THUPILTE 23:18

Matheilo in kipakman um ngei ding ahi’n; la kinepna chule thawn pua’n a.

THUPILTE 10:28

Midikte kinepna chu kipakna’n a tawp in; mi nunsiate kinepna chu vang a thawn sek hi.

SAM 119:80

Ka mualpho lona dingin, ka thinlung in la thu guatte chu, dem kâi lo in zui zing ta hen.

SAM 62:5

Ka hinna’n thip bek in Pathian bep a ngâk ah; ka kinepna chu ama ah kipat ahi ngal a.

SAM 25:2

Aw ka Pathian, nang ka ging ah, ei mualphosak kin; ei do-te ka chung in kithang phatsak kin.

NASEPTE 4:31

A pauchap zaw phat ua chun, a kikhopkhawmnau mun chu a hung kilîng ah; a leng un Thagau Thiangtho in a hung dim tau a, hangsan tak in Pathian thu a gen tau hi.

2 KORINTH 3:12

Zia gual ah kinepna chu ka nei ziak un ka hangsan uh ahi.

2 KORINTH 7:4

Ka hun kisuanpi ma ma hi; thamuanna’n ka dim ah, ka haksatna zosia inle kipakna’n ka dim ahi.