PHILIPPI 1:10 - PATHIAN LEKHABU THIANGTHO (BSI)

¹⁰ tichun, thil phazaw diakte chu la tup ua, Khrista ni ah thiangtho leh dem kâi lo ah la umtheina ding un.

PHILIPPI 1:10 Referans Kwoze

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

1 THESSALONITE 3:13

Chuleh, I Lalpa Jesu, a mithiangtho zosia tawh a hung phat leh, I Pathian leh I Pau ma ah thianthona lam ah demna bei ah la umtheina ding un, la lungthimteu hun hi’hat piak ta hen.

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

ROMTE 2:18

ama lung lam chu he ah, dan thuhil ah la um ziak ah thil phazaw diak chu la hetchian thei a,

EPHESA 5:10

Ziaziakchun, Lalpa pom tâk chu hawl zing un.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

PHILIPPI 1:6

Nangmau ah nasep pha panpa khan, Jesu Khrista ni tiang in sêm bukim ngei in ah ti chu, ka gingcha ahi.

1 THESSALONITE 5:21

Bangkim patep unla, a pha chu tudet tau in.

1 KORINTH 1:8

Ama chun I Lalpau Jesu Khrista ni phat leh demna bei ah a hun koitheina dingin, a tawp chan in hun hi’det ding ahi.

THUPUAN 2:2

La nasep dante, la sepgim dante, la thok gunchu dante, migilo haw la la ngai theilo dante kha ka hia’i. Sawlchâk hilo pi ah ka hi kitite la la patep ah, juauthei a hiu ti la he tai.

EPHESA 5:27

a kochuam chu mêlhêmna bei leh thiangtho tak ah, ama â ding ah mêlpha leh gun tak ah a umtheina ding un a kipumpiak tangal a.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

MATTHAI 16:23

Jesu chu a kihei ah, Peter kiang in, Setan, ka nung ah chia in! Kei â dingin pûkna la hi; Pathian thilte ngaitua lo in mihing thilte la ngaitua ahi, a tia.

JOSHUA 24:14

Ziaziakchun, tu’hin Lalpa lau dan thiam unla, titakzet leh dik tak in a na sêm un; la pu leh pateu in Luipi gâl lam leh, Aigupta gam ah a na a sep piak uh pathiante kha paitha sik sek unla, Lalpa na bep sêm tau in.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

ROMTE 8:7

Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

MATTHAI 26:33

Peter in a dawnhu a, midang zosia jam leule ke’n vang hun jamsan pua’ng ka, a tia.

MIKAH 3:2

Thilpha doi lo in, thil phalo la dawi un, ka mite vun lip te haw, a guteu ah kipat in a pheu la âtthau in;

JOB LEKHABU 34:3

lei in an a tui leh tui lo a het gual in, bil in thu kigente chu a patep ngâl a.

JOB LEKHABU 12:11

Lei in an a tui leh tui lo a het gual in, bil in a thu hiatte chu teptê lo a hem?

THILSIAM THU 20:5

A pawsal in ka kiang ah, ‘Ka suapinu ahi,’ a ti hilo a hem? Ama ngei inle, ‘Ama hi ka suapipa ahi,’ a ti’ngal a. Lungthim dik tak pu leh khut thiangtho tak in zia thil hi ka la hi ahi,” a ti’n.

PHILIPPI 1:16

Amau chun, chanchinpha thiamna thu gen ding ah guat ka hi ti hia’n, hepina ziakin a gen sek ui;

EPHESA 6:24

I Lalpau Jesu Khrista chuai lo ah hepite chung in, a hepina chu um zing ta hen. Amen.

EPHESA 4:15

Himaleh, hepina thutak kigen in, I luchang uh Khrista ah chun bangkim in khanglian thei hitiu in;

GALATIA 5:11

Suapite haw, keima’n zektan thu gen nalai lai ka hi chun, bangatia hi’genthei ah um ka hem? Zia gual chu hileh vang, kros thu ka gen hin buaina siam lo ding hive’n.

2 KORINTH 8:8

Thupiak gual in ka gen pua’n, mi dang phatchuam ngaina’n la hepinau tak dan chu patep dingin ka gen zaw ahi.

2 KORINTH 6:3

Ka nasepnau hi dem ah a um lona ding in kuama pûklawna ding him him ka bawl puau hi.

2 KORINTH 2:17

Mi tam tak in, Pathian thu chu mite thêm ah sumdawnna a mat gual un, kei un vang ka mang puau a; titak zet in, Pathian sawl ah Pathian mitmu in, Khrista ah chun ka gen zawu ahi.

1 KORINTH 10:32

Judate hi’n, Grikte hi’n, Pathian kochuam hitaleh, a kilikna ding bangma bawl kiu in;

1 KORINTH 8:13

Ziaziakchun, nêk leh châk ziak ah pûk a hiu chun, pakhat pûkna ding ka hi sâng in, sa nelo in um zaw mai ing ka.

ROMTE 16:17

Suapite haw, nangmau thu kihilna tawh kikãl ah, kikhenna leh pûkna siamte chu vêngpha ding leh, kiheisan dingin ka don la hiu.

ROMTE 7:22

Ka mihing sung lam ah hin Pathian dan zui ka thatnoppi ma ma sek a;

ROMTE 7:16

Ka hi’nop lo lam ka hi’sek chun, Dan chu a phai ti ah pompi ka hi.

NASEPTE 24:16

Zia thu hin ka sia leh pha hetna ziakin Pathian lam leh mihing lam inle theitawp ah panpi dingin ka kisa him ahi.

JOHAN 3:20

Thil phalo bawl tapo in vâk a dawi puau in, vâk inle a hung nuam puau hi.

PHILIPPI 2:16

hinna thu chu la taklat theina ding un; zia kipakna chu keima’n Khrista ni a hung tun phat leh, a thawn in ka sêm gim pua’n, a thawn in ka tai gim puai, ka ti ngamna ding in.