PHILIPPI 1:1 - PATHIAN LEKHABU THIANGTHO (BSI)

¹ Paul leh Timothi, Khrista suakte hin, Philippi khua Khrista Jesu ah mithiangtho um zosia leh, hotute leh nasemte kiang ah chun,

PHILIPPI 1:1 Referans Kwoze

2 KORINTH 1:1

Paul, Pathian doigual ah Khrista Jesu sawlchâk leh, I suapiu Timothi chun, Korinth ah Pathian kochuamte leh Akaia gam ah mithiangtho zosiate kiang in:

ROMTE 1:1

Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

1 TIMOTHI 3:8

Zia gual ma chun kochuam ah hotu dingte chu mi titak ahi diu ahi; mi kam tam, zudu, dangka huaihap hi kiu hen.

2 THESSALONITE 1:1

Paul, Silvana leh Timothi chun, Pathian I Pau leh Lalpa Jesu Khrista ah Thessalonika khua kochuamte kiang a:

1 THESSALONITE 1:1

Paul, Silvana leh Timothi in, Pa Pathian leh Lalpa Jesu Khrista jal ah Thessalonika khua kochuamte kiang in: Hepina leh chamna la kiang un um ta hen.

EPHESA 1:1

Pathian doilam ah Khrista Jesu sawlchâk Paul hin, Ephesa khua mi thiangtho, Khrista Jesu ah mi ginumte kiang ah chun:

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

JAKOB 1:1

Jakob, Pathian leh Lalpa Jesu Khrista suak hin, nam sawm leh ni kithejakte chu chibai ka bûk hi.

1 TIMOTHI 1:2

ginna ka chapa Timothi kiang ah: I pau Pathian leh Khrista Jesu I Lalpau kiang ah kipat hepina leh jangaina leh chamna um ta hen.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.

TITA 1:7

kochuam hotu chu Pathian sum enkoltu ahiziak in, dem kâi lo ahi ding a hia; ama thu bep dawi hilo, lungna vak lo, zu dawn chîng lo, khut tha pai ziang lo, diklo tak ah lawkna hawl lo;

HEBRAITE 13:23

I suapipau Timothi le a pawt dawsak tau hi, ti a la hiau in; ama a hung vak leh ama tawh hung in nang uh hung mu’ng kau.

2 THESSALONITE 1:10

a mithiangthote suklopi ah um ding leh, ka hun thu hiatsak uh gin ziak ah a gingtute zosia lamdang sak ah um ding ah a hung phat leh,

1 THESSALONITE 2:2

Ahi’n, Philippi khua sukgentheina thuak ah, jachâk um tak ah bawl ka hi’nung un, Pathian chanchinpha la kiang ua gen ding ah dâlna nasa tak lak ah Pathian in hânsanna ei piai ti la hiatsau ahi.

EPHESA 1:15

Lalpa Jesu ah la ginnau leh, mi thiangthote zosia chung ah hepina la latsak danteu ka la het ah kipat in,

1 KORINTH 16:10

Timothi a hung leh, la lak ua bangma a lauthawn ding umsak kiu in, ama’nle keima gual tho hin Lalpa na a sêm ngal a.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

NASEPTE 9:13

Ananiah chun, “Zia pa hin Jerusalem khua la mithiangthote bang gual bep ah a la bawlsia ahi tam ti thu, mi tam tak in ei hilnau ka la he ta hen;

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

MARKA 13:34

Mihing Chapa hi, khual gamla tak ah mi pakhat zindok gual chu ahi; zia pa chun a In a nutsia ding kuan in, a suakte kiang in thuneina a pia’n, a sep ding uh a pechiat ah, kotkhak vêngpa le ginum tak ah la vêng dingin thu a piai.

THUPUAN 22:9

Himaleh, ama’n ka kiang in, “Zia gual chun hi’ kin; keima le la suak chanpi, la suapi leh jawlneite nasemtu pakhat leh, zia lekhabu thu kigente a la zuitu pakhat ka hi. Pathian chu la biak ding ahi,” a tia.

THUPUAN 2:12

Pergamum khua kochuam vansawlchâk kiang ah chun, zia gual hin zik in: Chemjam hiamtua hiam tak neipa khan, zia thu hi a gen hi:

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

THUPUAN 1:20

Ka khut changlam ah aksi pasagi la mute leh, sana thaumei koina pasagi la mute umzia thugûk chu: Aksi pasagite chun kochuam pasagite vansawlchâkte chu a etsak un; chuleh, thaumei pasagite chun kochuam pasagite chu a etsak ui,” a hun ti tai.

NASEPTE 1:20

“Pâkna Labu ah chun zia gual hin a la kizik ah: ‘A umna mun chu a ngawn ah nutsia in um hen la, a sung ah chêng ding kuama um kiu hen’; ti leh, ‘Ama hotu hi’na chu midang in lua tau hen,’ ti in.

GALATIA 1:10

Ahileh, tu’hin mihing doisakna a hem ka hawl, Pathian doisakna? Ahiloleh, mihing kipaksak gua ka hem? Mihing kipaksak mai ka hi zing chun, Khrista suak hi pua’ng ka.

GALATIA 3:26

Khrista Jesu gin ziakin Pathian chate la hung hi chiat tau hi.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

EPHESA 6:24

I Lalpau Jesu Khrista chuai lo ah hepite chung in, a hepina chu um zing ta hen. Amen.

PHILIPPI 2:5

Zia lungthim Jesu Khrista ah um kha, nangmau ah le um ta hen:

PHILIPPI 2:19

La chanchin uh ka het ah ka lungmuan theina dingin, Timothi la kiang ua hun sawl vak ding chu Lalpa Jesu ah chun ka kinem hi.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

PHILIPPI 3:8

Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.

PHILIPPI 3:12

A mu zo ta ka kiti pua’n, bukim ta le ka kiti diak puai; Khrista’n ei matlawna pen chu ka tuk det theina ding ti’n, ka del ham ham ahi zawi.

PHILEMON 1:1

Paul, Krista Jesu jal ah suangkul ngak leh, I suapiu Timothi hin, ka doitak uh leh ka sepgimpiu Philemon leh,