PAWTDAWNA THU 9:1 - PATHIAN LEKHABU THIANGTHO (BSI)

¹ Ziaphatchun, Mosi kiang ah Lalpa’n, “Pharaoh kiang ah chia inla, a kiang in, ‘Lalpa, Hebraite Pathian in: Ei ho theina ding un ka mipite hi chiasak in, a tii,’ ti’n vagen in,” a tia.

PAWTDAWNA THU 9:1 Referans Kwoze

PAWTDAWNA THU 8:1

Himaleh, Lalpa chun Mosi kiang ah chun, “Pharaoh kiang in vachia inla, a kiang in, ‘Ka na a septheina ding un, ka mipite pawtsak in;

PAWTDAWNA THU 10:3

Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

PAWTDAWNA THU 9:13

Chuleh, Mosi kiang in Lalpa’n, “Jingkal leh ma tak in tho inla, Pharaoh kiang ah chia inla, a kiang in, ‘Lalpa, Israelte Pathian in: Ei ho theina ding un ka mipite chu chiasak in.

PAWTDAWNA THU 8:20

Lalpa chun Mosi kiang in, “Jingkal ma tak in tho inla, lui ah Pharaoh hung ding chu a la ngâk inla, a kiang in, ‘Ka mite’n ei ho theina ding un pawtsak in Lalpa’n a tii;

PAWTDAWNA THU 5:1

Ziazaw chun, Mosi tawh Aron chu Pharaoh kiang in a chiau ah, a kiang in, “Lalpa, Israel Pathian in: Ka mipite pawt dawsak inla, gamthip ah ka kiang ah Kût a bawltheina ding un, a tii,” a tiu a.

PAWTDAWNA THU 3:18

La thu chu ngai in au; tichun, Israel upate tawh nangma Aigupta lengpa kiang in vachia to inla tiu in, a kiang in, ‘Lalpa, Hebraite Pathian chun kei uh ei kimupi hen; tuhin ka Pathian uh Lalpa kiang ah kithoina ka vabawl theina ding un gamthip lam ah, ni thum lam chiana gamla’n ei chiasak in,’ ti’n vagen unla.