PAWTDAWNA THU 11:8 - PATHIAN LEKHABU THIANGTHO (BSI)

⁸ Ziaphat chuleh, la miliante sia hile ka kiang ah hung suk intiu in, ka âng ah hung bokkhup in, ‘Pawtdok in, nang leh la nungzui mipi zosia tawh pawt un; ziazaw chuleh, keile hung pawtdok ing ka,’ hung ti’n au, a tii,” a tia. Tichun, lungna tak in Pharaoh âng ah kipat chun a pawtdok tai.

PAWTDAWNA THU 11:8 Referans Kwoze

DANIAL 3:19

Ziaphatchun, Nebukadnezar chu Sadrak, Meshak leh Abednegote chung ah lungna talua’n, a mêl a danglam hial ziang ta’n. Meipi chu ale’sagi ah tik sa zaw dingin thu a pia’n;

EZEKIEL 3:14

Thagau chun ei domkâng in, ei paw mang ta’n; ka chung ah Lalpa khut a hât bêk ziakin, ka thagau kithunun lo leh nuam lo sasa’n ka chia tai.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.

MARKA 3:5

Ziaphat chun lungna tak kawm in amau chu a en vêl ah, a lung tâk ziak un a lungna ma ma a; zia pa kiang ah chun, “La khut hun zâk in,” a tia; ama chunle a hun zâkdok phut ah, a khut chu a dam ngal tai.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 49:23

Lengte chu la pateu hung hita’n tiu in, lengnute chule a hun dontu la nuu hung hita’n au. La ma-âng un lei tual si hial in hung bokkhup intiu in, la kengpêk ua leivui nasan, hun liak thian piak ta’n au. Ziaphat chuleh, Keima hi Lalpa ka hi ti hun he ta’n lau; keima ei ngâkte chu mualpho ngai ngai pua’n au.

SAM 6:1

Aw Lalpa, lungna’n ei vau kin la, la thangtawmna’n ei thunun diak kin.

2 LENGTE 3:9

Tichun, Israel lengpa, Judai gam ah lengpa leh Edom lengpa chu a kuan tau ah; tichun, ni sagi sung a vêl nung un, sepaite leh a gancha umpiteu â dingin tui a um ta pua’n.

1 LENGTE 20:10

Ben-hadad in a kiang in mi a sawl ah, “Ka nungzui mipite zosia hin, a khutdim chiat ua Samaria leivui a choi kham uh a tin ngei ngei leh, pathiante’n zia gual ah chun ka chung in bawl uh hen la, a nasa zaw’nle,” a tia.

VAIHAWMTE 8:5

Ziaphatchun, Sukkoth khua mite kiang in, “Midiante lal Zebah leh Zalmunna delzui ah chiana lam un, ka lawite a chawl un, a basam zo tau ah, lungsiat in a nêk ding uh vaithum neukhat ei pe tiam un,” ti’n a don a.

VAIHAWMTE 4:10

Barak in Naphtali leh Zebulun phungte chu Kedesh mun in a ko khawm ta’n; chuleh, gâlhangsan mi sîng khat in a zui tau ah; chuleh, Deborah inle a zui pek tai.

DAN LEKHABU 32:24

Kial thi intiu in, natna lau um tak in thi’n au, amau that dingin gamsate sawl ing ka tin, gûlgu hatte’nle chu’lum ta’n au.

DAN LEKHABU 29:24

amau leh nam tin in maksa’n, “Bang ding ah Lalpa‘n zia gam hi a hiti bawl a hem? Zia gual khop ah a lungnatna hi bang ziak ahi diam?” a ti tak uh leh.

KISIMNA LEKHABU 12:3

Mosi chu, lei chung ah mi zosia lak ah thunuaigol leh nunnem pen ahi.

HEBRAITE 11:27

Ginna’n lengpa lungnatna chu lau lo in, Aigupta chu a taisan ah, mutheilo Pathian chu a mu ziakin a thuak ham ham hi.

PAWTDAWNA THU 10:29

Mosi’n le, “La gen gual gual chun um ta hen! La mêl hung mu kit talo him him ding ka hi,” ti’n a dawnhu tai.

NEHEMIAH 5:6

Zia thute leh a phunchiaknateu chu ka het phat in ka lung a na ma ma ziang a.