OBADIAH 1:3 - PATHIAN LEKHABU THIANGTHO (BSI)

³ Nang, kawl suangpi kâl ah chêng ah, mun sâng tak ah chêng ah, la lungthim sung in, “Kua a hem lei tual ah ei kaitha thei ding?” la ti’n; la lungthim chapona chun a hun thêm ta ahi.

OBADIAH 1:3 Referans Kwoze

JEREMIAH 49:16

Nang, kawl suangpi lak ah chêng a, tângsâng chung ah thuneipa, tizat umna la chaw’phul leh, la lungthim kiletsakna chun, a hun thêm pûk ta la hi chu! Mupi gual in sâng tak in bu sia male chin, zia kipat chun hun latha tho tho ding ka hi, Lalpa‘n a tii.

THUPILTE 29:23

Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

ISAI 16:6

Moab kiletsak dan ka la hiau a, a kiletsak na lawm lawm e! A kingaisânna, a kiletsakna leh, a lungchom dante ka hiau; a kisuanpiteu chu bangmalo mai mai a hiu.

2 LENGTE 14:7

Tichun, Phâijang ah chun Edom mite sîng khat a that ah, Sela chu kidona’n a la tai; zia chu Jokthe-el tin a min a sak in, tu’ni tiang ah a min ahi den tai.

MALAKI 1:4

Edom mite chun, “Sukchakvai in um ta maleu hin, kile’kit hitiu in, mun sesate chu siampha kit hitiu,” ti ziang maleule, sepai honte Lalpa chun, “Siampha kit ngei in au; himaleh, susia kit tho tho ing ka tin; amau chu gam phalo a hiu, ti ahi masia, kumkhua’n a chung un Lalpa chu lungna zing ahi ngal a,” a la ti’n au.

JEREMIAH 49:4

Bang ding ah la hatna kisuanpi la hem? Aw chanu gin umlo, la hatna chu chau lam manaw ahi. “Kua a hem ei do ngam ding?” ti’n la hausakna la kisuanpi hi.

THUPILTE 18:12

Manthaina ma’n lungthim chapona a hung um masa sek in, choisânna ma-âng in kingaitawmna a um masa sek hi.

THUPILTE 16:18

Kiletsakna chu manthaina masang in a chia a; lungthim kihoithawna chu kipukna masang in a chia hi.

2 KHANGTHU 25:12

Judai gam ah sepaite chun midang sîng khat ma a hingmat un, ziate chu Sela khawpi kawl lêk in a pui to un, zia Sela kawl lêkah kipat chun a sawn thau ah, a tel a nên in a ke’lum tau hi.

2 KHANGTHU 25:11

Amaziah chule a hung kihân sak ah, a sepaite chu a puidok ah; Chi Phâijawl lam in a chiau ah, Seir gam ah mite sîng khat a that gam tau hi.

JOB LEKHABU 20:6

Vante tiang supha’n sâng uh hen la, a luchang un sûmte supha hial maleh,

JEREMIAH 21:13

Aw nanghaw, phâijawl ah chêngte leh, phâijang suangpi chêng ah, “Kua a hem ei do ding ah hung kuan, kua a hem ka kul sung ua hung lut thei ding?” tite haw, en un, nang uh ka hun dodâl hi, Lalpa‘n a tii.

JEREMIAH 37:9

Lalpa‘n zia gual hin a gen hi: “Kaldaite’n ei nusia ngei ngei ding a hiu,” ti’n kithêm kiu in; amau chu chia mang lo hial ding a hiu.

JEREMIAH 48:28

Aw, Moab gam ah chêngte haw, khawpi nusiau inla, suangbûk ah vachêng tau in! Kawlhawm gei ah bu sep, vakhu gual in vachêng ziang tau in.

THILSIAM THU 36:8

Tichun, Esau chu Seir tâng gam in a chêng ta’n: Esau chu Edom ahi.

EZEKIEL 28:16

La hung kiveipun ma ma phatin, hiamngamna nei in gitlona la hun bawl tai; tichun, Pathian tâng thiangtho ah kipat in, buaksia gual in ka hun paidok ta’n; chuleh, mei ah kuang suang lak ah kipat in, vengtu Cherubte’n a hun nawdok tau hi.