NEHEMIAH 2:3 - PATHIAN LEKHABU THIANGTHO (BSI)

³ Lengpa kiang ah chun, “Lengpa, damsawt in! Ka pu leh pate thân umna khawpi sukchimit leh, a khawpi kul kotkhakte hâl tum ah um ta mai chu bang ding ah lungngai mêlpu lo thei ding ka hem?” ti’n ka dawnhu tai.

NEHEMIAH 2:3 Referans Kwoze

NEHEMIAH 1:3

Amau chun, “Saltâng lo ah suakcha, zia gam ah um nalaite chu haksa tak leh mualpho tak in a um un; Jerusalem kulbâng chu suksiat dim dem ahi’n, a kotpite chule hâl tum ahi tai,” ti’n ei dawnhuu a.

DANIAL 2:4

Kaldaite chun a kiang in: (Aramaic pau in) “Aw lengpa, dam sawt in! La suakte hi la mang chu hil inla, hun hilchian piak ing kau,” a tiu a.

1 LENGTE 1:31

Ziaphatchun, Bathsheba chun a mai ah lei tual si’n lengpa jana a pia’n, “Ka lalpa, Lengpa David dam sawt hen!” a tia.

DANIAL 5:10

Lengnu’n, a milian leh lalte holimna a het phat in, luaithe’na Indan ah chun a valût a. Lengnu chun, “Aw Lengpa, damsawt in! La ngaituana’n hun sulau ki’hen la, la mêlle dâng ziang ki’hen.

SAM 137:6

Jerusalem, nang ka hun het zing lo ah, ka kipakna pen sâng ah sang zaw ka hun koi lo chun, ka lei hi ka khadang in bek den mai ta hen!

DANIAL 6:21

Tichun, Danial in, “Aw lengpa, damsawt in!

DANIAL 6:6

Tichun, gam pumpi vaihawmte leh gambung tin chung ah vaihawm mite chu lengpa kiang in a hung tau a, a kiang in, “Aw lengpa Darius, damsawt in!

KÂ LATE 2:9

A kotpite chu lei tual in a tum ta’n; a thikjawlte chu a hisia’n, a hibong zo tai; a lal leh a milianteu chu, nam dangte lak in a um zo tau; kipuihuaina a um ta pua’n, a jawlneiteu in Lalpa ah kipat, kilâkna a mu ta puau hi.

2 KHANGTHU 32:33

Hezekiah chu a pu leh pate kiang in a la ipmu ta’n; David pu leh pate thân kaltona mun ah chun a vui tau a; Judai gam leh Jerusalem khua chêngte zosia chun a thi ni chun ja’na nasa tak in a bawl tau hi. Ama chapa Manasseh chun a thasâng in vai a hawm tai.

2 KHANGTHU 28:27

Ahaz chu a pu leh pate kiang in a ipmu ta’n, Jerusalem khawpi chun a vui tau a; Israel lengte kivuina thân ah chun vang a vui puau hi. A chapa Hezekiah chun a thasâng in vai a hawm tai.

2 KHANGTHU 21:20

A vaihawm lim ah khan kum sawmthum leh ni mi ahi’n; Jerusalem khua’n kum giat sung vai a hawm hi. Ama ngaina khat chale umlo in a thi tai. David khawpi chun a vui sam un, lengte thân vang a chang zo puai.

DANIAL 3:9

Lengpa Nebukadnezar kiang in, “Aw lengpa, damsawt in!

SAM 102:14

La suakte’n a suangte chule a ngainau hen, a leivui natiangle a ngaina ngal un.

THIAMPUTE LEKHABU 26:31

La khawpiteu giauchang in siam ing ka tin, la mun thiangteu le mun thip chansak ing ka tin, la gimtuiteu le a la hîp ta pua’ng ka.

2 LENGTE 25:8

Chun, a tha nga’na, ni sagi’na chun, zia chu Babulon Lengpa Nebukadnezar a lal kum sawm leh kua’na a ti’n in, zia kum ma chun Babulon Lengpa vêng ah pang sepaite hotu, Nebuzaradan chu Jerusalem lam in a hung a;

2 KHANGTHU 36:19

Pathian In chu a hâl tum un, Jerusalem kulpi chule suchim in, lal In zosia chu a hâl tum un, ûm leh bêl man tam tak tak haw chu a susia dik dek tau hi.

NEHEMIAH 2:13

Jan ah chun Phâiguam Kotpi ah pawtdok in Gulpi Tuinâk lam haw in, Buaksia kotpi tiang in ka chia a; Jerusalem kulbâng siat dan leh a kotpite mei in a kâttumte chu ka endik tai.

JEREMIAH 52:12

Chun, Babulon Lengpa Nebukadrezar lal kum sawm leh kua’na, tha ngana, a ni sawm ni’ chun, Babulon lengpa vêngtute lak ah hotu lianpen Nebuzaradan chu Jerusalem khuan a lut a.

ESTHER 8:6

Ka mipite chung ah siatna hung tung ding chu, bangti’n en ngam ma ma ding ka hem? Ahiloleh, ka chanaute suksiat ah a umnau chu, bangti’n thuak zo ma ma ding ka hem?” ti’n a hun gen a.

SAM 38:7

Ka kawngte hile a sa hut hut ah, ka sa chung ah hin damna him a um puai.

SAM 102:15

Namtin in Lalpa min chu lau intiu in, lei ah lal zosia’n le la lopina chu lau ta’n au.