NEHEMIAH 1:1 - PATHIAN LEKHABU THIANGTHO (BSI)

¹ Hakaliah chapa Nehemiah thugente chu: Kum sawmni a tin kum, Chislev tha ah Susa khawpi ah ka um lai in,

NEHEMIAH 1:1 Referans Kwoze

ZEKARIAH 7:1

Darius lal kum li’na, a tha kuana Chislev tha, a ni li ni chun, Zekariah kiang in Lalpa‘n thu a hun gen a:

NEHEMIAH 10:1

Zia thuthung kisiam ah suai namte lakah chun Hakaliah chapa Nehemiah, gam awppa tawh Zedekiah;

ESTHER 1:2

Zialai hun ah chun Lengpa Ahasueras chu a lenggam khawpi Susa ah lalchutpha a kichut lai in,

DANIAL 8:2

Mu’lawkna ka thil mu chu ka et leh, Elam gam khawpi Susa ah Ulai lui pang ah um in ka la kimu’n.

EZRA 7:7

Lengpa Artaxerxes lal kum sagi’na chun, Israelte lak ah mipi khenkhat leh thiampute leh Levite lak ah khenkhatte; chuleh, La sa pawlte, kotkhak vêngte leh Tempul ah nasemte chu Jerusalem lam in a chia to tau a.

ESTHER 3:15

Lengpa thupiak in lekha chu kin tak in a thotvêl tau ah, zia thu chu Susa ah lengpa In ah kipat sua ahi. Lengpa tawh Haman uain dawn ah a chutkhawm lai un, Susa khawpi sung chu buaina’n a dim tai.

NEHEMIAH 2:1

Lengpa Artaxerxes lal kum sawmni’na, Nisân tha ah chun a zudawn hun a tun phatin, a zudawn ding chu chawi in lengpa kiang in ka hang pia ta’n. Tu’ma’n a kiang in ka lungngaina mêl ka latsak kha ngai pua’n.

EZRA 10:9

Ziaphatchun, Judah leh Benjamin phung ah mite zosia chu Jerusalem khua’n ni thum sung in a hung khawm kim tau a; zia hun chu a tha kuana, a ni sawmni tin ni ahi’n. Mipi zosia chu Pathian In mai tual lai thu ziak leh gawpi nasa tak ah a zuk ziakin lau in a kithing tau a.

NEHEMIAH 5:14

Zia bep chule hilo in, Judai gam ah amau haw awp ding ah ka pan sung kum sawm leh ni, Lengpa Artaxerxes lal kum sawmni’na’ kipat a kum sawmthum leh ni’na tiang in, keima hi’n, ka chanaute hileule, gam awppa chantum him him ka ne puau a.