NASEPTE 8:1 - PATHIAN LEKHABU THIANGTHO (BSI)

¹ Zia ni chun, Jerusalem ah kochuamte chung in sukgentheina nasa tak a hung kipan ta’n, apostolte tilo ngal chu a leng un Judea leh Samaria gam pâmlam te tiang ah naw jak in a um tau a.

NASEPTE 8:1 Referans Kwoze

NASEPTE 22:20

chuleh, nangma ziak ah Stephen thisan a kisua lai ah khanle, a kiang un ka la ding ah, a thi ding lem ti’pi in, ama thatte puan ka la choi piak hi, ka ti’n.

NASEPTE 7:58

Tichun, khawpi pawlam in a kaidok ua, suang in a sep tau a; thuhiatpite chun a puanâkteu chu tangval pakhat Saul kiti kengbul ah chun a hun koi un.

NASEPTE 5:40

Apostolte chu a ko lut kit ua, a vua tau a. Chun, Jesu min ah thugen lo dingin thu a piau ah, a thâdok tau hi.

NASEPTE 5:33

Zia thu chu a het phat un, a siat uh a hung so ah, amau chu tha a gua tau a.

NASEPTE 1:8

Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

NASEPTE 8:14

Jerusalem khua um sawlchâkte chun, Samaria gam ah mite chunle Pathian thu a hun awi tau hi ti a hun het phat un, a kiang un Peter leh Johan a hun sawl tau a.

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

NASEPTE 8:4

A taijakte chu mun tin in a chia tau a, thu chu a puang jak pek un.

JOHAN 15:20

Suak chu a pu sâng in a lian zaw puai, ti thu ka gen tâk kha hezing unla. Amau in kei ei sukgenthei ua leh, nang uh le sugenthei in au; ka thu a zop ua leh nangmau thu le zawm in au.

HEBRAITE 11:27

Ginna’n lengpa lungnatna chu lau lo in, Aigupta chu a taisan ah, mutheilo Pathian chu a mu ziakin a thuak ham ham hi.

PHILIPPI 1:12

Suapite haw, ka chung ah thiltung te hi chanchinpha machâlna ding ahi zawi ti la het uh ka nuam hi;

NASEPTE 13:1

Antiok khua kochuamte lak ah chun jawlnei leh mihilte le a pang un; ziate chu: Barnaba, Simeon, Niger le a ti sek uh kha tawh, Kurini ah um Lukia tawh, gam awptu Herod tawh seilian khawm Manaen tawh, Saul a hiu a.

NASEPTE 7:38

Sinai tâng ah ama kihopi Pathian mi tawh, gamthip ah kikhawmte lak leh, I pu leh pateu lak ah a la um kha ama chu ahi’n; ama chun ei piak sawn dingin thuhingte a la la ta’n.

NASEPTE 5:20

“Chiau in, tempul ah vading unla, mipite kiang ah chun zia hinna thu hi vagen un,” a ti’n.

NASEPTE 5:18

apostolte chu a man ua, vantang khumna suangkul ah chun a khum tau a.

NASEPTE 2:47

Pathian a pâk zing ua, mitin doisakna a chang un. Chuleh, nisi’n in Lalpa‘n a lak un hukdam ah um dingte chu a hun belap jel tai.

JOHAN 16:2

Sunagog ah kipatte’n hun kaidok intiu in; ahi, kuale nangmau hun that tapo chu Pathian ho in kingai in au, zia tawhbang hun chu hung tung pai ding ahi.

MATTHAI 23:34

Ziaziakchun, la kiang un jawlneite, mipilte leh lekhazikte kha ka hun sawl a; khenkhat chu that in la tiu in, khenkhat chu a la khenden in la tiu in, khenkhat chu kikhopna Inte ah vua’n la tiu in, a khua a khua’n delzui in lau;

MATTHAI 22:6

A dangte chun a suakte chu a man ua, mualpho tak ah a la bawl in a la that ta mai ui.

MATTHAI 5:13

Lei chi la hiu; himaleh, chi hi dau taleh bang in ahi al kit thei diam? Zia chu paimang ah, mite chotden ding bep lo ngal in panna a nei ta puai.

DANIAL 6:23

Ziaphatchun, lengpa a kipak ma ma ziang ah, kul sung ah kipat Danial ladok dingin thu a pia tai. Tichun, Danial kul sung ah kipat in a ladok tau ah, a Pathian gin ziakin liamna neuchale a nei puai.

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

NEHEMIAH 6:3

Tichun, palai sawl in a kiang un, “Na thupi tak ka sep lai tak a hiziak in, hung suk thei lo ding ka hi. Bang ding ah la kiang ua ka hung suk kâl in zia na hi a la chawl mai ding a hem?” a vatiu a.

NASEPTE 7:54

Zia thilte chu a het phat un, a siat uh a so ta’n, Stephen chu a hau a hun gawikhum tau a.

NASEPTE 8:2

Pathian ngaisak lawi khat chun, Stephen luang chu a vui un, ngai tak in a sûn tau hi.

NASEPTE 8:5

Philip chu Samaria khawpi’n a vachia suk ah, a kiang un Messiah thu chu a tângkopi ta’n.

NASEPTE 13:36

Ahi’n, David in Pathian lungtup dan tak ah ama khang sung ah na a sep nung in, a la ipmu ta’n, a pu leh pate kiang ah vui in a um ah, a muat mang tai;

NASEPTE 26:10

Zia gual chun Jerusalem ah ka la bawl ta’n; chun, thiampu lalte kiang ah thuneina la’n, mithiangthote lak ah mi tam tak suangkul ah ka la khum sek ah, a tha guat lai unle a thiu lemsa lam in ka la pang sek a.

ROMTE 1:32

Pathian in zia tawhbang mite chung thu chu a tan piak tak leh, thi tâk ah vaihawm piak ah um ding a hiu ti a hezing tho ui; himaleh, amau thil diklo bawlte bep le tongkhop lo in, zia gual ah bawl sek, midangte chule a kipakpi nalai sêt ui.