NASEPTE 27:2 - PATHIAN LEKHABU THIANGTHO (BSI)

² Tichun, Adramitiam Long in ka lut ua, Asia gam jul ah chun ka kitawl ua, Makedonia gam Thessalonika khaw mi Aristarka le ka lak un a pang a.

NASEPTE 27:2 Referans Kwoze

NASEPTE 19:29

Tichun, khawpi sung ah mi zosia chu a buai tau a; chun, Makedonia gam mi, Paul kitonpite lak ah mi pani Gaias leh Aristarka chu a man ua, a etnop bawlna In ua chun a sawn lut tau a.

PHILEMON 1:24

Ka sepgimpite, Marka, Artistarka, Dema tawh Luka’n le a hun bûk chiat ui.

KOLOSSA 4:10

Aristarka, ka suak chanpi hin chibai a hun bûk hi. Marka, Barnaba tupa hinle chibai a hun bûk hi; a chung thu ah thuhilna la muu kha; la kiang ua a hung chun, a la lop tau in;

NASEPTE 28:16

Rom ka tun phat un, Paul chu sepai pakhat a vêng ding a guat chuam uh chu tawh, a nop dan dan ah umsak dingin a phal piak tai.

NASEPTE 28:12

Zia kipat chun Sirakius ka tung ua, ni thum ka châm malam kit ua.

NASEPTE 28:10

Amau chun nasa tak in ei jau ah; ka kipatdaw kit ding phat ua chun, ka mamaw thilteu chu ei piau a.

NASEPTE 28:2

Zia gam mite chun ei mu phât un, pha tak in ei la khawtuau a. Gawzuk ziakin a dap ten ah, mei a hun sêm ua, mitin in ei la lop ua.

NASEPTE 21:5

Ahi’n, a ni a hung tin phatin ka kipandok kit un, ka chia kit tau ah; a jiteu tawh, a chateu tawh khawpi pâm lam in ei hung thak un. Se’pho ah chun khupdin in ka pauchap un,

NASEPTE 19:19

Dawithiam tam takte’n a lekhabu matteu chu a chawi khawm ua, mipi zosia ma-âng in a hâl tum tau ah; zia lekhabute man zat chu a sût ua leh, dangka sâng sawmnga man in a sutdok ui.

NASEPTE 17:1

Amphipoli leh Apolonia khua haw malam ah chia pek in, Thessalonika khua a tung ua; zia chun Judate sunagog khat a um a.

NASEPTE 16:17

Zia nu chun Paul leh kei uh chu ei hun zui ah, “Zia mite hi Chungnungpen Pathian nasemte a hiu in, eimau kiang ah hukdamna lampi ei kawkmu ding ah hung a hiu hi,” ti’n a hung kiko zui pek a.

NASEPTE 2:9

Parthai mite, Mid mite, Elam mite leh Mesopotamia gam, Judea gam, Kappadokia gam, Pontus leh Asia gam ah chêngte leh,

LUKA 8:22

Ni khat chu a nungzuite tawh long sung in a lut tau a: “Dil gâl langkhat lam ah gâl kâi hitiu,” a hun tia. Tichun, a kipan tau a.