NASEPTE 26:10 - PATHIAN LEKHABU THIANGTHO (BSI)

¹⁰ Zia gual chun Jerusalem ah ka la bawl ta’n; chun, thiampu lalte kiang ah thuneina la’n, mithiangthote lak ah mi tam tak suangkul ah ka la khum sek ah, a tha guat lai unle a thiu lemsa lam in ka la pang sek a.

NASEPTE 26:10 Referans Kwoze

NASEPTE 8:3

Ahi’n, Saul chu intin ah lut in; numei, pawsal hitaleh a kaidok ah, suangkul in a khum pek ah, kochuamte chu a sugenthei ma ma tai.

NASEPTE 9:21

Himaleh, ama thugen hekha zosia chun mak a sau a, “Zia pa hi zia min susepa kha hilo a hem? Zia tak ah hile zia gual mite chu hung man ah, kântomsa thiampu lalte kiang ah pui ding ah hung kha hilo a hem?” a tiu a.

1 KORINTH 15:9

Kei chu sawlchâk lak ah neupen, Pathian kochuamte ka bawlsiat ziak ah apostol ti tâk le ka hi puai.

NASEPTE 9:26

Saul chu Jerusalem khua a tun phatin, apostolte chu vakipawlpi a gua; amau haw chun nungzui hiding ah a ginchâk lo ziak un a la lau tau a.

NASEPTE 8:1

Zia ni chun, Jerusalem ah kochuamte chung in sukgentheina nasa tak a hung kipan ta’n, apostolte tilo ngal chu a leng un Judea leh Samaria gam pâmlam te tiang ah naw jak in a um tau a.

NASEPTE 7:58

Tichun, khawpi pawlam in a kaidok ua, suang in a sep tau a; thuhiatpite chun a puanâkteu chu tangval pakhat Saul kiti kengbul ah chun a hun koi un.

THUPUAN 17:6

Zia numei chu mithiangthote thisan leh Jesu ziak ah martarte thisan dawn kham in ka mu’n; ama ka mu in mak ka sa ma ma a.

EPHESA 1:1

Pathian doilam ah Khrista Jesu sawlchâk Paul hin, Ephesa khua mi thiangtho, Khrista Jesu ah mi ginumte kiang ah chun:

GALATIA 1:13

Judate biakdan ah, ka ni dang lai umdan la he zo tangal un; khatia Pathian kochuamte nasa tak ah ka sukgenthei zing kha.

NASEPTE 9:41

A khut a vak pia, a hun kaitho tai. Mi thiangthote leh meithâite chu a hun ko ah, dam tak in amau kiang ah chun a hun puidok tai.

NASEPTE 9:32

Peter chu gingtute lak ah a zin vêl vêl lai in, Ludda khua mi thiangthote kiang ah chun a hung suk a.

SAM 16:3

Lei ah mithiangthote a hiu leh vang, mi ja umte a hiu in; ka kipakna bukimnate chu a hiu.