NASEPTE 24:5 - PATHIAN LEKHABU THIANGTHO (BSI)

⁵ Zia pa hi mi subuai leh lau um tak ahi’n, khawvel pumpi Judate lak ah buaina bawldok vet sek, Nazareth pawl ah a mapui pen a hi ti kichian tak in ka he tau hi.

NASEPTE 24:5 Referans Kwoze

NASEPTE 28:22

Himaleh, tu’hin, la ngaidan khenkhat hetnop um ka sau hi; zia pawlte chanchin hi a gensiatnau ka la hekha sek ngal un,” a tiu a.

NASEPTE 24:14

Ahi’n, tu’hin, zia hi la kiang in ka puang ahi: Dan leh Jawlneite lekhabu ah kizikte kha ka gin ziakin, I pu leh pateu biak Pathian chu bia’n, amau in a diklo ah a ngai uh, zia Lampi hi ka zui ahi.

NASEPTE 26:5

Gen nuam hileu chu, I sakhuau ho leh biak lam ah kulmut ma ma leh, Pharisai mi ka hi dan le hun sawt tak ah kipat khan ei la he zo tau ahi.

NASEPTE 15:5

Himaleh, a ging kitite lak ah Pharisai pawl ah mi khenkhat chu a hung dingdok un, “Mosi dan phatak ah zop ding ah thupiak ding leh zek tansak têi ding ahi,” ti’n a gen tau a.

1 KORINTH 4:13

ei gensiat ua leh nêm tak in ka hil ui. Tu’ni tiang in, khawvel buaksia, thilbuak zosia gual ka suak tau hi.

NASEPTE 21:28

a kiko ua, “Israel mite haw, ei panpiu in! Zia pa hin muntin ah I mipiteu, I danteu leh zia mun nangawn hile kãl ah thu gen sek chu ahi. Zia lo chunle, tempul sung ah hin Grik mite hung pui lût in, zia mun thiangtho hi a hi’buak ta ahi,” a tiu a.

NASEPTE 5:17

Ziaphatchun, thiampu lianpen leh a umpite chu (ziate chu, Sadukai pawlte a hiu) a hung kipan tau ah, itsikna dim in,

LUKA 23:2

Tichun, ama hêkna thu a gen pan tau a: “Zia pa hin, Messiah, Leng ka hi, a ti hen; Lengpa kiang ah sia choi ding a zada hen, ka nam uh a pui siai,” a tiu a.

1 PETER 2:19

Min Pathian hetna ziakin thok khawlaw in, lungkhamna thuak leh, zia chu Pathian pâkchâk lam ahi ngal a.

1 KORINTH 11:19

La lak ua a tak takte a kilat theina dingin, kikhenna le a um ding him ahi.

NASEPTE 22:22

Zia tiang ah chun a ngaithau a; chun, a kiko ua, “Zia tawhbang mi chu lei ah kipat koimang un! A hing tâk ahi puai,” a tiu a.

NASEPTE 6:13

Hiatpitu lêm a hung dinsak kawm ua, “Zia pa hin, zia munthiangtho hi tawh Dan chu chawl lo in a gensia’n;

LUKA 23:25

Chuleh, helna leh tualtha ziak ah suangkul tâng chu a hun thâdok ah, a dot dungzui un Jesu chu a nop nop ua a bawl ding un a hun pedok tai.

LUKA 23:19

Ama chu khawpi sung helna tualthat ah a la pan ziak ah suangkul tâng ahi’n.

LUKA 23:5

Himaleh, amau chun, “Galili gam ah kipat in zia mun tiang leh, Judea gam ah khaw tin ah thu hil in, mi zosia a tîlsia sek hi,” ti’n hanaw in a naw tau a.

MATTHAI 10:25

Nungzui chu a hotu gual ah a hung um ah, suak le a pu gual ah a hung um leh hun tawk ahi. Insung khat ah a luchang pen bawn Belzebul a tiu leh, a Insung mite chu tina lawm lawm in au e!

MATTHAI 2:23

Chun, khua pakhat Nazareth a tiu ah chun a chêng tai: “Ama chu Nazareth mi ti’n au,” ti ah jawlneite kam ah kigen kha a guitunna dingin.

AMOS 7:10

Ziaphatchun, Bethel ah thiampu Amaziah chun, Israelte lengpa Jeroboam kiang in, “Israel Inkuan lak ah a lailung tak ah Amos in nang siatna ding a gûk in a gêl in; a thu gente chu gam in a thuak zo puai.

JEREMIAH 38:4

Ziaphatchun, a milian leh lalte chun, lengpa kiang in, “Zia khawpi sung ah sepaite leh mipite zosia hilungthuai ding ah zia gual thu chu a gen ziakin, zia mipa hi thalup ding ahi. Zia mipa hin, mipite â ding ah thilpha hawl lo in, a siatna ding bep uh a hawl zaw ngâl a,” a ti tau a.

ESTHER 3:8

Ziaphatchun, Haman in Lengpa Ahasueras kiang in, “La gam sung pumpi huap ah kithejak, la mipite tawh le kibang lo, a dan zuiteu chule la gam ah midangte tawh kibang lo ah kichuamse ma ma, lengpa dante le zui nuam lo, lengpa’n la daidawp lo ding nam khat a um un.

JEREMIAH 37:13

Ama chu Benjaminte Kotpi a tun phatin huang sung ngak Hananiah tupa, Shelemiah chapa Irijah chun jawlnei Jeremiah chu a la man ah, a kiang in, “Nang hi Kaldaite lam ah zam mang ding la hi,” ti’n a la man ta mai a.

MARKA 1:24

a hung kikodok a: “Nazareth Jesu, kei haw bang ei law ding la hi em? Ei sumangthai ding ah hung la hi em? Nang, Pathian Mithiangtho la hi ka henai,” ti in.

NASEPTE 24:4

Ahi’n, hun sukbuai sawt ka nop lo ziak un, zia thu tawmcha ka hun gen ding hi jangai tak ah ei ngaithâk piak dingin ka hun ni hi.

NASEPTE 25:7

A hung tun phatin, Judate ama hêk ding ah hungte chu a kîmvêl in a hung ding ua; Jerusalem ah kipat hungte chun Paul chung thu ah hêkna tam tak a gen ua; ahiziak in, a genchetna tak tak ding a nei thei puau a.