NASEPTE 21:8 - PATHIAN LEKHABU THIANGTHO (BSI)

⁸ A jing in ka kipan kit ua Kaisaria ka tung tau a; zia tak ah chun, thugen sek sawlchâk Philip In ah ka lut ngal ua, ama chu upa pasagite lak ah pakhat a hia, ama kiang ah chun ka um tau a.

NASEPTE 21:8 Referans Kwoze

NASEPTE 6:5

A thu gen uh chu a leng un pha a sau a; tichun, ginna leh Thagau Thiangtho ah dim, Stephen, Philip, Prokora, Nikanor, Timon, Parmena leh Antiok ah Juda phungkâi Nikolai, amau cheng chu a têldok tau a.

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

NASEPTE 28:16

Rom ka tun phat un, Paul chu sepai pakhat a vêng ding a guat chuam uh chu tawh, a nop dan dan ah umsak dingin a phal piak tai.

NASEPTE 16:13

Sabbath ni chun, khawpi pâm lui pang ah ka vapawtdok ua, pauchapna mun ding ah lemchâng tak hi’n ka hiau ah; tichun, ka kichukhawm ua, zia vêl ah numei umte kiang ah chun thu ka gen tau a.

NASEPTE 16:10

Zia kilâkna chu a hun mu phât in, Lalpa‘n chanchinpha gen ding ah zia lam ah chun ei ko ahi ngei hi, ti ka het tâk ziak un, Makedonia lam ah gâl kâi dingin ka kisa tau a.

NASEPTE 9:30

Unaute chun zia chu a het phat un, Saul chu Kaisaria lam in a pui ua, Tarsa lam in a sawl mang tau ahi.

NASEPTE 28:11

Tha thum nung ah chun Aleksandria Long pakhat, phalbi sung a la châm, pathian kiphîk tepte’na nei Long ah chun ka chuang ua, ka kipandok kit tau a.

NASEPTE 27:1

Itali lam ah ka chiana ding chu sukpûk a hung hi’phatin, Paul leh suangkul ngak khenkhatte chu, Augastas pawl ah sepai zahotu, a min Julias kitipa khut in a kolsak tau a.

NASEPTE 23:23

Sepai hotu lianpen chun sepai zahotu pani a ko a: “Tu’hin, sepai zani siamtup unla, sakol chungchuang mi sawmsagi tawh, cheicha chawi mi za ni tawh, jan dak kua kipan ah, Kaisaria lam ah chia dingin kisau in.

NASEPTE 20:13

Asos zuan in Long in ka la chia masau ah, Paul le hung chuang ding ka tiu ahi’n; ama chu kenglam ah hung ding a ti zaw ta’n.

NASEPTE 20:6

Vaithum Thawipanglo Kût bawl zaw ah chun, kei uh chu Philippi ah kipat Long in ka kitawl ua, ni nga ka kitawl nung un Troas khua a kiang uh ka tung un; zia tak ah chun ni sagi ka châm ua.

NASEPTE 18:22

Kaisaria gam a kai phat un, Jerusalem in a chia to ah, zia tak ah kochuamte chu chibai a bûk ah, Antiok lam in a chia theng tai.

NASEPTE 16:16

Ni khat chu pauchapna mun ah ka chiau leh, nungak pakhat, thithajawl a um ah, thilhithei tak ahi’n, amanu chun a âisân ziakin a pu â dingin sum tam tak a law sek a.

NASEPTE 10:1

Kaisaria khua chun mi pakhat, a min Kornelia kiti, Italian Pawl a tiu, sepai za hotu a um a.

NASEPTE 21:16

Kaisaria khua nungzui khen khat inle ei zui to ua, ka tunna dingpau, nungzui masa a la hita, Manason kiti Kupra mi kiang chun ei hung pui un, zia tak ah chun ka tung den tau hi.