NASEPTE 2:4 - PATHIAN LEKHABU THIANGTHO (BSI)

⁴ A leng un Thagau Thiangtho in a hung dim tau a, Thagau in a pausak dungzui in pau dangte’n a hung pau tau ahi.

NASEPTE 2:4 Referans Kwoze

MARKA 16:17

Chun, a gingte chu zia tepte’na hin zui pek in a: Ka min in thithate nawdok intiu in, pauthakte’n hung pau in au.

NASEPTE 13:52

Nungzuite chu kipakna leh Thagau Thiangtho in a dim tau hi.

NASEPTE 4:31

A pauchap zaw phat ua chun, a kikhopkhawmnau mun chu a hung kilîng ah; a leng un Thagau Thiangtho in a hung dim tau a, hangsan tak in Pathian thu a gen tau hi.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

1 KORINTH 12:10

midang kiang in thilmak hi’theina, midang kiang in thugen theina, midang kiang in thagaute hetkhen theina, midang kiang in pau chi chuam chuamte leh midang kiang in pau chuam chuam hilchet theina piak ahi.

JOHAN 14:26

Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

NASEPTE 19:6

Paul in a chung ua khut a ngat phatin, Thagau Thiangtho a chung un a tung ta’n; pauhetlo in a pau tau ah, Pathian thu a gen tau hi,

NASEPTE 10:46

pauhetlo ah a thugenteu chu a hun het phat un, Pathian pakcha a hiu ti le a he tau a. Ziaphatchun, Peter chun:

NASEPTE 9:17

Ziaphatchun, Ananiah le a chia ta’n, In ah chun a lut a; a chung in a khut a nga ngal ah, “Unaupa Saul, Lalpa Jesu ngei la hungna lampi la kiang ah hung kilâkpa khan, khua la mutheina ding leh Thagau Thiangtho ah la hung dim theina dingin ei sawl ka hi,” a ti’n.

NASEPTE 7:55

Himaleh, ama chu Thagau Thiangtho ah dim in, van lam a en zing ah, Pathian lopina leh Pathian changlam ah Jesu ding a mu ta’n.

NASEPTE 1:5

Johan khan tui in a baptis sek a; himaleh, tu’nung ni sawt lo cha sung in Thagau Thiangtho ah baptisma chang ding la hiu, a ti’n.

1 KORINTH 13:8

Hepina chu bei pua’n a. Thugen theinate chu hung mangthai in a; pauhetlote chu hung bei intin; hetna chu hung bei in a.

1 KORINTH 13:1

Mihingte leh vansawlchâkte pau in thu gen maleng, hepina ka neilo chun, dak gi a hem, vaikhutbet gi a hem gual bep ka hi.

NASEPTE 13:9

Ziaphatchun, Saul, Paul le kiti chu Thagau Thiangtho ah dim in ama chu a ensâl a:

NASEPTE 2:11

Kret mite leh Arab mite I hiu ah, I leng un Pathian thilhi lopite a gen uh chu eimau pau chiat in I he ziang un,” a tiu a.

LUKA 12:12

Thagau Thiangtho chun a hun hun in la gen ding uh chu hun hiatsak ding ahi, a tia.

1 KORINTH 14:18

Nanghaw sâng ah pauhetlo ah thu ka gen tam ziakin Pathian kiang in kipak thu ka gen hi.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

NASEPTE 4:8

Ziaphatchun, Peter chu Thagau Thiangtho ah dim in, a kiang un, “Mipi vaihawmte leh upate haw,

JOHAN 20:22

Zia a gen zaw chun amau chu a hu a tha khum ah, “Thagau Thiangtho nei un.

LUKA 4:1

Jesu chu Thagau Thiangtho ah dim in Jordan lui ah kipat chun a hung kit a, Thagau chun gamthip in a puilût ngal tai.

1 PETER 1:12

Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.

1 KORINTH 14:5

La leng un pauhetlo ah thu la gen uh ka dawi piak la hiu; himaleh, thu la gen uh ka dawipiak diak hi. Kochuamte’n kisiam phatna a nei theina ding un mi pakhat in a le’daw lo ngal leh, hetthei ah thugente chu pauhetlo ah thugente sangin a thupi zawi.

NASEPTE 11:15

Thu ka gen phatin, Thagau Thiangtho a limlai ah eihaw chung ah a hung tun gual gual khan, amau chung ah le a hung tung pai a.

NASEPTE 6:5

A thu gen uh chu a leng un pha a sau a; tichun, ginna leh Thagau Thiangtho ah dim, Stephen, Philip, Prokora, Nikanor, Timon, Parmena leh Antiok ah Juda phungkâi Nikolai, amau cheng chu a têldok tau a.

NASEPTE 6:3

Ziaziakchun, suapite haw, la lak ua mi minpha pasagi, Thagau leh pilna ah dim chiat hun têldok unla, amau chu zia nasem ding ah hin hun namdet ing kau.

NASEPTE 1:8

Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

LUKA 1:15

Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

ISAI 28:11

Ahi, pauchuam mite leh, gam dang mite pau in zia mite kiang ah hin, Lalpa‘n thu hun gen ding ahi:

2 SAMUEL 23:2

Lalpa thagau in keima kipat thu a gen ah, a thu ka lei ah hin a um hi.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

EPHESA 3:19

Khrista hepina het zaw gual lo, Pathian bukimna zosia ah hi’dim ah la umtheina ding un ka pauchap hi.

NASEPTE 11:24

ama chu mi pha tak, ginna leh Thagau Thiangtho ah dim mi ahi’n. Mi tam tak chu Lalpa lam ah belap in a hung um tau a.

NASEPTE 6:8

Chun, Stephen, hepina leh thilhitheina ah dim chun, mipite lak ah chun thilmak leh tepte’na thupi takte a bawl a.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

LUKA 1:67

Chun, a pa Zekhariah chu Thagau Thiangtho in a hung dim a, thu a hun genlawk a:

LUKA 1:41

Elizabeth in Mari chibai bûk chu a het het in, a sung ah nausen chu a tawi a; Elizabeth chu Thagau Thiangtho in a hung dim ta’n;

MIKAH 3:8

Keima ka hileh vang Jakob kiang ah a bawsiatnau, Israel kiang ah a gitlonau ka hiatsak theina dingin, Lalpa thagau ziak ah chun thilhitheinate, vaihawmnate leh hatnate ah chun ka dim zing tho hi.

MATTHAI 10:19

Himaleh, a hun matsak phat ua leh, bangti ding, bang thu gen ding ka hem? ti’n lungkham kiu in; la gen ding uh chu a hun tak ah piak hiding la hingal un.

1 SAMUEL 10:10

Zia mun ah kipat chu Gibeah khua a hung tun phat un, jawlnei hon khat in a hun kituakpiu ah; tichun, Pathian thagau in a man ah, jawlnei dangte chu tawh thagau a chang khawm chiat tau a.

2 PETER 1:21

Thu genlawk him him hi mihing thu pawt ahi ngai pua’n; mite’n Thagau Thiangtho sawl in, Pathian ah kipat a muu ah a gen uh ahi zaw sek hi.

EZEKIEL 3:11

ziaphat chuleh, la chipi saltângte kiang ah chia inla, a kiang un thu vagen in. Ngai nuam in ngainuam lo leule, a kiang un: Lalpa Pathian in zia gual hin a gen hi, ti’n la vagen ding ahi, ti’n a gen a.

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

1 SAMUEL 1:14

Ziaphatchun, Eli in a kiang in, “Bang chan zukham ah um gua la hi em? La zu chu koimang ta’n,” ti’n a gen a.

NASEPTE 2:3

Meikuang gual ah kilang lei a hung um ah, a hung kihawmjak ah, amau haw a chang chiat tau a.

NASEPTE 8:17

Tichun, a chung un a khut uh a ngau ah, Thagau Thiangtho chu a chang tau a.

NASEPTE 10:47

“Zia mite hinle eimau chan gual gual ah Thagau Thiangtho a chan tâk ziak un, amau le tui ah baptisma a chan lona ding ua khâm thei kua um ding a hem?” a hun tia.

NASEPTE 15:8

Pathian, mi zosia lungthim he pa chun, ei haw chung ah a tunsak gual gual in amau haw chung inle Thagau Thiangtho chu a tunsak in a hiatsak tai,