NASEPTE 2:2 - PATHIAN LEKHABU THIANGTHO (BSI)

² Thakhat in van ah kipat hui hât tak gi tawhbang a hung tung ah, zia chun a kichutna Insung uh chu a lua dim ta’n.

NASEPTE 2:2 Referans Kwoze

NASEPTE 4:31

A pauchap zaw phat ua chun, a kikhopkhawmnau mun chu a hung kilîng ah; a leng un Thagau Thiangtho in a hung dim tau a, hangsan tak in Pathian thu a gen tau hi.

1 LENGTE 19:11

A kiang in, “Pawtdok inla, tâng chung ah sawn Lalpa âng ah vading in, Lalpa‘n hun hawtheng ding ahi,” a tia. Zia chun hui hât tak in a hung hang a, Lalpa âng ah chun tângte chu a mût kêk ah, suangpite chule a mût phel tai; himaleh, hui ah chun Lalpa a um puai; chun, hui hân zaw ah chun lîn a hung lîng ah; himaleh, linlîng ah chunle Lalpa a um puai;

SAM 18:10

Cherub khat chung ah chuang in a leng mang tai; hui thâte mang in kin tak in a hung tai.

JOHAN 3:8

Huizang a nopna lam lam in a hâng sek in, a git la hiau in; himaleh, khoi ah kipat hung a hem, khoilam ah chia ding a hem ti la he puai; kuale Thagau ah piang chu zia gual chu a hisek hi,” a tia.

ISAI 65:24

Ei ko masang un dawnhu ngal ing ka tin, a gen zaw masang un a la ngaitha ngal ding ka hi.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

SOLOMON LÂ 4:16

Aw mal huithi, hung thodawk inla, aw simthi, hung in! A gim namtui in gam tin jel hen la, ka huan sung ah hung nung in. Ka ngai pen chu ka huan ah hungsak unla, a thei ngainat pente chu hung ne hen.

LUKA 2:13

Chuleh, thakhat in vansawlchâk kiang ah chun van mite a hung um un, Pathian pâkna La a hun sau a:

NASEPTE 2:3

Meikuang gual ah kilang lei a hung um ah, a hung kihawmjak ah, amau haw a chang chiat tau a.

NASEPTE 2:6

Zia husa ziak ah chun mipi a hung khawm tau ah, a thugen uh chu mitin chun amau pau chiat ah a het ziak un, a lungkham ma ma tau a.

1 PETER 1:12

Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.