NASEPTE 2:11 - PATHIAN LEKHABU THIANGTHO (BSI)

¹¹ Kret mite leh Arab mite I hiu ah, I leng un Pathian thilhi lopite a gen uh chu eimau pau chiat in I he ziang un,” a tiu a.

NASEPTE 2:11 Referans Kwoze

1 KORINTH 12:10

midang kiang in thilmak hi’theina, midang kiang in thugen theina, midang kiang in thagaute hetkhen theina, midang kiang in pau chi chuam chuamte leh midang kiang in pau chuam chuam hilchet theina piak ahi.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

HEBRAITE 2:4

Pathian in tepte’na leh thilmak chi chuam chuam leh, ama’n pha a sak dungzui ah Thagau Thiangtho thilpiakte chu a piakbe nalai a.

TITA 1:12

Amau haw lak ngei ah jawlnei pakhat chun, “Kret mite hi zuauthei chîng zingte, gamsa gilo tawhbang leh mi thabei, an nêk hatte a hiu,” a la ti kha.

JEREMIAH 25:24

Arabia gam ah lengte zosia tawh, gamkeu ah chêng mipi kichok-hel zosia lak ah lengte zosia tawh;

SAM 26:7

kipakna La ngai tak ah sa pum in, la thilbawl mak zosia chu puangjak ing ka.

JOB LEKHABU 9:10

hetdaw phâk lo ding ah thil thupi leh, simsên gual lo thilmak takte a bawl hi.

TITA 1:5

Keima’n ka hun kawkmu gual ah khan, thil hi’tûp ding mabâk um nalaite kha hi’tûp ding leh khawtin ah upate namdet dingin, Kret gam ah khan ka hun nutsia la hi’n;

NASEPTE 27:12

Zia Long cholna mun chu phalbi lai ah umna ding ah a lemchân lo ziakin, a tam zaw te chun kipatdaw vak a vaisawm ua; bang a hem ti khat ah Phoinik tun tei tei a guau ah, zia tak ah chun phalbi sung um malam ding a kingaituau a. Zia chu Kret gam, Long Cholna mun khat a hia, mal sak leh tum sak ngatua ahi.

NASEPTE 27:7

Ni tam tak chu awl awl in ka kitawl ua, a tawp in, haksa tak in Naida khawpi ka tung ham ham un; hui hât tâkluat ziakin, ka zotnau chu zang tak in ka zuan thei puau a; tichun, Salmoni zawn ah Kret nuai lam tak in ka kitawl pek ua.

JEREMIAH 3:2

Tângjawl lam en in la mit te to in la en tiam in! La lup lonau khoi tak a um em? Gamthip ah umna tum neilote gual in, lam pâm ah la ngaijawngte ngâk in la kitung hi. La zawnthânhuaina leh la nunsiatna’n, gam chu la subuak zo tai.

ISAI 28:29

Zia thilte haw hile, sepai honte Lalpa ah kipat hung pawt ahi; a lemguat dan in a mak ah, pilna’n le a chungchuang hi.

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 13:20

Tu’ leh khang zosia tiang inle, kuama chêng kit ta pua’n au; Arab khualzinte’n a puanbûk uh jak kit ta pua’n tin uh, belam chingte’nle a belamteu, kualsak kit ta pua’n au.

SAM 136:4

Ama bep thilmak bawlpa kiang ah chun, a ngilneina chu kumkhua’n um ding ahi ngal a;

SAM 111:4

A thilbawl danglamte ziakin minthanna a law in; Lalpa chu hepina leh lainatna dim ahi.

SAM 107:21

A lungsiatna chuai lo mihingte â ding ah a thilbawl, mak takte ziakin Lalpa chu pâkcha tau hen.

SAM 107:15

Mihing chate a lainat ziak ah, a thilbawl mak takte ziakin, Lalpa chu pâk tau hen!

SAM 107:8

Mihing chate a lainat ziak ah, a thilbawl maktakte ziakin, Lalpa chu pâk tau hen!

SAM 96:3

Nam tin lak ah a lopi dan puang unla, mi zosia kiang in a thilmak bawlte chu, gensawn tau in.

SAM 89:5

Aw Lalpa, vante khin la thilmak bawlte chu, pâk uh hen la, mithiangthote kikhopna mun ah chun, la ginumna chu pâk tau hen.

SAM 78:4

Ziate chu a chateu lak in îm puai tiu in; khang hung um kit dingte kiang ah chun, Lalpa thilbawl lopi leh a hatna, a thilbawl mak takte chu gensawn zel hitiu.

SAM 77:11

Lalpa, la thilbawlte ngaitua zing ing ka tin; nidang lai ah la thilmak bawlte kha hezing ing ka.

SAM 71:17

Aw Pathian, ka khangdawn lai ah kipat in lei hil ta hen; tu’tiang hin la thilbawl mak takte chu, ka puangjak zing nalai hi.

SAM 40:5

Aw Lalpa ka Pathian, nang in thil lamdang la bawlte leh, keimau lam la ngaituanate hi a tam ma ma in; ziate chu la ma’ hilat sên ding gual a hipua’n, hetsak ah gen ding hita leng, sim sên ding gual ahi puai.

2 KHANGTHU 26:7

Pathian in ama chu Philistinte leh Gurbaal ah chêng Arabte leh Meun mite do dingin a kithuapi a.

2 KHANGTHU 17:11

Philistinte lak ah khenkhatte chun, Jehoshaphat kiang ah thilpiak leh lei man ding dangkate le a hun piau ah; Arabte chunle belamchal sang sagi leh za sagi tawh, kêlchal sang sagi leh za sagi le a hung piau a.

1 LENGTE 10:15

zia chu, thil veipungte leh sumkawlveite kiveina kipat leh, Arabia gam ah lengte zosia leh gam vaihawmte ah kipat hung lut haw bân ah a lâk lut ahi.

GALATIA 4:25

Chuleh, Hagar chu Arabia gam ah Sinai tâng ahi’n, tu’lai ah Jerusalem chu, a chate tawh suak ah um gual hi ahi.

GALATIA 1:17

Sawlchâk ka hi masang ah, sawlchâk a la hisate kiang ah Jerusalem ah vachia diak lo in, Arabia gam ah ka chia mang pai zaw ngal ah; ziazaw chun Damaska khua ka hung kit tai.

ISAI 21:13

Gamkeu ah phâijawl siatna ding thu chu: Aw Dedan, sangawngsau hon pui a khualzin mite haw, gamkeu phâijawl ah thingbuk lak ah giak un.

1 KORINTH 12:28

Pathian in kochuam ah chun zia gual hin a guat a: Pakhatna chun apostolte, a panina chun thugente, a pathumna chun mihilte a koi ah; ziazaw chun thilmak bawlte, ziazaw chun hi’dam theina thilpiakte, panpi theina thilpiakte, vaihawm theina thilpiakte, pau chuam chuam ah thugen theina thilpiakte a um kit hi.

NASEPTE 2:10

Phrugia leh Pamphulia, Aigupta leh Kurini kîmvêl ah Libia ah chêngte leh, khenkhat Rom ah kipat hung khualzin Juda phungkâite,

NASEPTE 2:12

A leng un mak a sau ah, a ngaina a hepuau ah, “Zia um zia hi bang a hem?” a kiti tua chiat tau hi.

NASEPTE 27:13

Simlam hui awl awl in a hung hâng ah, a tup gual ua hung um ta dingin a kingaituau a; zia tak ah chun hât deu tak in Kret gam jul in a tawl suk tau a.