NASEPTE 13:2 - PATHIAN LEKHABU THIANGTHO (BSI)

² Amau chun Lalpa ho ah an a ngol lai un, Thagau Thiangtho chun a kiang un, “Barnaba leh Saul kha ka kona lam ah nasem dingin ei koichuam piak un,” a hun tia.

NASEPTE 13:2 Referans Kwoze

GALATIA 1:15

Chuleh, ka nu gilpi sung ah kipat ei la khenchuampa leh hepina ziak ah ei kopa Pathian chun,

NASEPTE 9:15

Himaleh, Lalpa chun a kiang in, “Chia mai in; ama hi Jentelte leh lalte tawh Israel chate kiang ah ka min pawlut ding ah matchâk ding ah ka têl ahi;

2 TIMOTHI 1:11

Zia chanchinpha â ding ah chun, tângsam leh sawlchâk leh thuhilpa hiding ah guat ka hi’n,

1 KORINTH 12:11

Zia zosia hin Thagau pakhat ma chun mi zosia kiang in a nop gual gual ah hawm in a sêm sek hi.

ROMTE 1:1

Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

1 TIMOTHI 2:7

Zia ding ah chun thugen ding leh sawlchâk ding, (thutak ka gen ahi, juau ka gen puai,) ginna leh thutak ah Jentelte thu hil ding ah guat ka hi.

NASEPTE 22:21

Ziaphatchun, ama chun, zia kipat hin pawt in, gamla tak ah Jentelte kiang ah hun sawl ding ka hi, ei tia, ti’n a gen a.

NASEPTE 14:26

Zia kipat chun Antiok lam ah Long in a hung kitawl kâi ua. Zia mun hi a nasepteu a hun sep butinnau leh, Pathian hepina kolsak ah a umnau khua kha ahi.

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

KOLOSSA 4:17

Chuleh, Arkhippa kiang ah khan, “Nasepna Lalpa ah la mu kha mualsua dingin chingthei in,” a la tiu in.

LUKA 2:37

chuleh kum sawmgiat leh li sung meithâi ah a la khawsa ta, tempul ah kipat pawtdok lo ah, a sun a jan ah anngawl ah pauchap sek ahi’n.

1 SAMUEL 2:11

Tichun, Elkanah chu Ramah khua a In lam in a chia kit ta’n; naupang chu Lalpa nasêm in, thiampu Eli kiang in a um den tai.

2 TIMOTHI 2:2

hetpi tam takte lak ah ka kam ah thu la hiatte kha, mi ginum, midang hilsawn thei dingte kiang in pesawn in.

EPHESA 3:7

A thilhitheina nasep ah, a thawn ah piak Pathian hepina dungzui ah chun, zia chanchinpha nasêm ding ah chun suak ka hung hi tai.

NASEPTE 13:3

Tichun, anngawl leh pauchap in, a chung un a khut uh a ngau ah, amau chu a sawldok tau hi.

NASEPTE 10:30

Kornelia chun a dawnhu a, “Ni li a hita’n, tu’ phat vel ah hin ka In ah nitâk dak thum ah ka pauchap lai tak in, mi pakhat puan vâm tak sil in ka ma-âng in a hung ding a.

NASEPTE 10:19

Peter in a thil mu chungchâng ngaitua ah a la um lai tak chun, Thagau chun, a kiang in, “En in, mi pathum in a hung hawl ui.

NASEPTE 8:29

Thagau in Philip kiang ah chun, “Chia inla, a kângtalai ah sawn nang le vachuang in,” a ti’n.

MATTHAI 9:38

Ziaziakchun, louneipa Lalpa kiang in, a bu lakhawm dingte hun sawl dingin don un,” a tia.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

DAN LEKHABU 10:8

Zia hun lai ah kipat tuchan in, Lalpa thuthung thingkuang jawn ah, Lalpa ma-âng ah ding ah, a nasêm ding leh a min ah maljawlna gen dingin Levi phungte chu a guat chuam tai.

HEBRAITE 5:4

Aron gual ah Pathian in a ko ahilo chun, kuama’n zia choihoina hi a kilâk ngai puau hi.

2 TIMOTHI 4:11

Luka bep ka kiang in a um hi. Marka kha hun chial inla, hun pui in, ama chu ka nasepna hin a phachuam ngal a.

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

2 KORINTH 11:27

sepgimna leh thokgimna, i-mut lona ah tamvei, gilkial leh dangchâk ah umnate, an ngolna tamvei tak, dap thokna leh ngawnchang ah umna ah te leh,

2 KORINTH 6:5

vokna, suangkultânna, buaina, sepgimna, i-mutlona leh anngawlna ah te;

1 KORINTH 7:5

Pauchap ding ah la kipiak theina ding un leh, la kivop kit theina ding un, sawt lo cha sung ding ah pha lasak gêl uh a hilo ngal leh, kuama kikâk in um kiu in; chutilochun, kisûm zo lo in Setan in hun thêm kha’n a.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

ROMTE 10:15

Sawl a hilo ua leh bangti’n thu gen thei ding a hiu em? “Chanchinpha hun tuntute keng chu a mêlpha na lawm lawm e!” ti zik gual ah khan.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

NASEPTE 6:4

Kei uh ka hiu leh, pauchapnate leh thu nasepna’n kipia’ng kau,” a tiu a.

1 KHANGTHU 16:4

Chuleh, Levite lak ah mi khenkhatte chu Lalpa thuthung thingkuang enkol ding, kipak thu gen ding leh Israelte Pathian, Lalpa pakcha ding in a guat chuam hi.

LUKA 10:1

Ziazaw chun, Lalpa‘n midang sawmsagi a têldok a; ama chia guatna khua tin ah chun pani ni’ kiton dingin a sawl masa’n.

NASEPTE 4:36

Levi mi pakhat, Kupra mi, Joseph kiti a um in, ama chu apostolte’n Barnaba (zia chu, Thamuanna chapa, ti’na ahi,) a tiu a.

NASEPTE 13:4

Tichun, Thagau Thiangtho in a sawldaw dungzui in Seleukia khua lam zuan in a kipandok un, zia kipat chun Kupra tuikual gam lam ah long in a kitawl kâi un,

MATTHAI 17:21

Banghilehle, zia tawhbang hichu, pauchapna leh anngawlna longal in pawtdok pua’n a, a tia.