NASEPTE 1:16 - PATHIAN LEKHABU THIANGTHO (BSI)

¹⁶ “Unaute haw, Jesu mante mapui ah pang, Juda chung thu, Thagau Thiangtho in David kam ah a la gen, Pathian lekha thu kha a guitung ding him ahi.

NASEPTE 1:16 Referans Kwoze

SAM 41:9

Ka gual ngai pen, ka ginchak ma ma, ka vaithum nêkpi natiang in, ka siatna ding tup in, a kengtaw ka chung in a lâm tai.,

JOHAN 13:18

La leng ua thu ka gen ei puai, ka têlte chu ka hia’i; ahiziak in, ‘Ka vaithum nepa’n ka chung ah a keng khawtal a lâm tai,’ ti Pathian Lekha thu’n a gen kha a guitun theina ding ahi.

NASEPTE 1:20

“Pâkna Labu ah chun zia gual hin a la kizik ah: ‘A umna mun chu a ngawn ah nutsia in um hen la, a sung ah chêng ding kuama um kiu hen’; ti leh, ‘Ama hotu hi’na chu midang in lua tau hen,’ ti in.

MATTHAI 26:56

Himaleh, Pathian lekha thu, jawlneite’n a gen haw kha a guitunna ding in zia thilte hi tung ahi, a tia. Nungzuite zosia khan a taisan ua, a jam mang tau hi.

MATTHAI 26:54

Himaleh, zia gual ah chun hi taleng bangti’n Pathian Lekha thu guitung thei ding a hem? a tia.

MATTHAI 26:47

Zia gual ah chu a gen lai tak in, sawm leh nite lak ah pakhat Juda kha a hung tung ah, thiampu lalte leh lekhazikte leh upate pui huai mipi tam tak, khetbûk tawh, chemjam tawh a hung tau a.

1 PETER 1:11

Khrista Thagau amau ah um chun, Khrista thokna ding leh, zia zaw ah lopina hung um dingte chu a la hiatsak lawk lai ua khan, a ni leh hun ding hetdaw a la guau a.

MARKA 14:43

Zia thu a gen lai tak chun, Juda chu a kiang a hung tung ngal ta’n, ama chu sawm leh nite lak ah pakhat kha a hia. Ama’n a hun pui Thiampulalte leh lekhazik upate tawh mipite chu, chemjam tawh, khetbûk tawh a hung tung ngal tau hi.

2 PETER 2:21

Dikna lampi a het nung un thupiak thiangtho a kiang ua vopsak ah um chu nungngatsan kit sâng in, dikna lampi chu helo hizaw maileu amau â dingin phazaw ding hive’n!

NASEPTE 23:6

Paul chun amau chu a khenkhat Sadukaite, a khenkhat Pharisaite a hiu ti a het phat in, vaihawmna mun a chun a kiko a, “Suapite haw, keima hi Pharisai chapa, Pharisai mi ka hi. Tu’hin mithi thawkitna kinepna ziak ah hêk ah um ka hi,” a tia.

NASEPTE 23:1

Paul chun, vaihawm pawlte chu en zing in, “Suapite haw, tu’ni tiang ah hin Pathian ma ah sia leh pha hetna thiang tak in ka um zing hi,” a tia.

NASEPTE 22:1

Suapite leh pate haw, tu’hun a la lak ua ka hun gen ding, ka thiamna thu hi pha tak in ei la ngaithâk piak un, a tia.

NASEPTE 15:7

A lak ua kinialna nasa tak a hung um phatin, Peter chu a hung ding ah, a kiang un, “Suapite haw, tu’ma khan keima kam ngei ah Jentelte het ding leh a hun gintheina ding ua chanchinpha thu hi gen dingin eimau lak ngei ah kipat in Pathian in ei têl dan kha la hiau a.

NASEPTE 13:38

Ziaziakchun, suapite haw, zia pa ziak bep ah hin la kiang ua gitlo ngaidamna thu hung kigen ahi, ti hi he tau in;

NASEPTE 13:15

Dan thu leh jawlneite lekha thu haw a hun sim zaw phat un, Sunagog hotute chun a kiang un, “Suapite haw, mipi tîlhatna ding thu la nei ua leh hun gen tau inla,” a hun tiu a.

NASEPTE 7:2

Ziaphatchun, Stephen in a dawnhu a: Suapite leh pate haw, ei la ngaithau in. I suantu bul uh Abraham kha Haran ah a um ma’n, Mesopotamia ah a um lai khan, lopina Pathian chu a kiang in a hung kilâk in,

NASEPTE 2:37

Zia thute chu a het phat un, a lung uh chu a kisun gual a hung hi ta’n; Peter leh sawlchâk dangte kiang ah chun, “Suapite haw, bangti ding ka hitau em?” a hun tiu a.

NASEPTE 2:23

zia pa ngei, Pathian in a gêl zawsa leh a hetlawkna dungzui ah la khut ua piakdaw ah um chu nanghaw’n dan pawlam ah umte khut in kros ah khenden in, la that tau a.

JOHAN 19:36

Pathian Lekha thu ah, “A gu pakhatle suk bot hipua’n a,” ti ah kizik kha a guitunna ding ah zia thilte chu tung ahi.

JOHAN 10:35

Pathian thu hung tunnate bep bawn, ‘pathiante’ a ti leh, zia Pathian Lekha thu chu sukkek thei a hipua’n,

LUKA 22:47

Zia thute chu a la gen zing lai in, Juda kiti, sawm leh nite lak ah pakhat khan mipi a hun pui a. Ama chun Jesu chu chawp ding gua’n a hun nai a.

MARKA 12:36

David khan la, Thagau Thiangtho in, a kam ngei in, ‘Lalpa chun ka Lalpa kiang ah: La mêlmate la keng nuai ah ka koi piak masia, ka changlam ah kichu’n,’ a la ti’n,” a tia.

2 SAMUEL 23:2

Lalpa thagau in keima kipat thu a gen ah, a thu ka lei ah hin a um hi.

NASEPTE 28:25

Tichun, a kithutuak theilo phat un, a peljak masang un Paul in thu kam khat a gen a, Thagau Thiangtho in jawlnei Isai mang ah la pu leh pateu kiang ah a la gen kha a dik ngei hi:

NASEPTE 28:17

Chun, ni thum zaw in Paul chun Juda upate a ko khawm a. A hung khawm phat un a kiang un, “Suapite haw, mipi siatna ding leh, dan lo gual leh I pu leh pateu dan thu bawsiatna ka neilo sapi’n Jerusalem ah kipat Rom mite khut ah suangkul ngâksa piakdaw in ka um a.

NASEPTE 15:13

A gen zaw phat un, Jakob in thu a hun gen a, “Suapite haw, ka thugen hi phatak in a la ngai tiam un:

MATTHAI 26:14

Sawm leh nite lak ah pakhat Juda Iskariot kiti chu, thiampu lalte kiang in a vachia a,

JOHAN 17:12

A kiang ua ka um sung khan, nang in kei lei piakte haw hi la min in ka vop pha tai. Amau haw hi ka vêng in, Pathian Lekha thu guitunna dingin mangthai chapa bep longal pakhat chale a mangthai puau hi.

2 PETER 1:21

Thu genlawk him him hi mihing thu pawt ahi ngai pua’n; mite’n Thagau Thiangtho sawl in, Pathian ah kipat a muu ah a gen uh ahi zaw sek hi.

2 LENGTE 15:12

Zia hi Lalpa thu Jehu kiangah a la gen kha ahi, “Khang li’na tiang in la chate chu lalchutpha ah chutsak ding ka hi,” tia a la gen gual ah khan a hung guitung tai.