NASEPTE 1:10 - PATHIAN LEKHABU THIANGTHO (BSI)

¹⁰ Ama lâk to ah a um lai tak ah van lam a et zing lai un, a kiang un mi pani puan vâm sil in a hung ding phut ziang tau a.

NASEPTE 1:10 Referans Kwoze

LUKA 24:4

Lungkham tak ah a um lai un, mi pani puanvam tak, mi sal thei hial sil in a kiang un a hung ding ua.

JOHAN 20:12

vansawlchâk pani puan vâm sil in, Jesu luang lupna mun ah chun, pakhat a lu lam ah, pakhat a keng lam ah kichu a mu’n.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.

MARKA 16:5

Thân sung ah chun a lut ua leh, tangval pakhat puan chual vâm tak ah kivan, a changlam pang ah kichu chu a muu a; a lau ma mau a.

NASEPTE 10:30

Kornelia chun a dawnhu a, “Ni li a hita’n, tu’ phat vel ah hin ka In ah nitâk dak thum ah ka pauchap lai tak in, mi pakhat puan vâm tak sil in ka ma-âng in a hung ding a.

MATTHAI 28:3

A mêl latdan chu kawlphe gual in a vâk ah, a puante chu vûk gual in a vam hi.

MATTHAI 17:2

A ma-âng un a mêl a hung danglam ta’n; a mai chu nisa gual in a hung vâk ah, a puansilte chu vûk gual in a hung vâm tai.

DANIAL 7:9

Ka et zing leh, lalchutphate a hung kidaw a, Tuan ah tâng ah mi chun a lalchutpha a hun lua ah, a puan chu vûk gual in a vâm a, a sam chu samul vâm a bang hi; a lalchutpha meikuang ahi’n, a kengte le meikuang ahi.

THUPUAN 3:4

Ahi’n, Sardis khua a puanteu hi’buak lo mi tawmcha a um ui; ziate chu puan vâm sil in ka kiang in lêng in au; zia gual chu chang tâk him ahi ngal un.

NASEPTE 10:3

Ni khat chu nitâk lam dak thum ding vêl ah hin, Pathian vansawlchâk pakhat a kiang in a hung kilâk ah, “Kornelia,” ti’n a hun ko a.

2 LENGTE 2:10

Ama’n a dawnhu ah, “La dot chu thil haksa tak ahi; ahi’n la, nang ah kipat lâk mang ah ka um lai tak ah lei mu chun, zia chu piak ah um ding la hi; ahiloleh vang, piak hilo ding la hi,” a tia.