NAHUM 1:7 - PATHIAN LEKHABU THIANGTHO (BSI)

⁷ Lalpa chu a pha’n, lungdon ni ah kul det ahi; ama bêlte chu a hukhing sek hi.

NAHUM 1:7 Referans Kwoze

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

KÂ LATE 3:25

A ma ngâkte leh ama hawlte thagau â dingin, Lalpa chu a pha ma ma hi.

JOHAN 10:14

Keima hi belampu pha chu ka hi; ka belamte chu ka hia’n, kei â te chunle keima ei hiau hi.

SAM 100:5

Lalpa chu a pha ngal a; a ngilneina chun kumtuang dai intin, a ginumna chule suan zosia tiang in, umzing ding ahi.

SAM 27:5

Lungdon ni chun a bitna mun ah ei sêlgu ding ahi’n, a humbitna puanbûk ah chun ei sêlgu’n tin, suangpi chung sâng takah ei lângkai ding ahi.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

SAM 1:6

Lalpa‘n mi dikte lampi chu a entha zing in, mi nunsiate lampi chu vâng mangthai ding ahi.

GALATIA 4:9

Tu’hin, Pathian la hun het ua, Pathian mi het la hung hi’nung un, ti ding ahi zaw’n, thubul jawngkhal leh manlo suak ah um kit nopna lam ah bangatia kihei kit la hiu em?

ISAI 25:4

Migentheite’n kisêlna’n a hun mang un, a lungdon lai ua tasamte kisêlna la hi’n; thigawpi lak ah bitna leh, nisa lak ah dailîm la hi. Phalbi lai ah thigawpi gual ah mi huhamte’n a nawu a,

1 KHANGTHU 16:34

Lalpa chu a pha ngal ah, a kiang ah kipak thu gen un; a ngilneina’n kumtuang a dai hi.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

SAM 86:7

Lungkham ni’n hun ko ing ka tin, nang in ei dawnhu ding la hi.

ISAI 32:2

Amau chu hui lak ah kisêlna, thigawpi lak ah kihumbitna hi’ntin uh, gamkeu ah luicha tui luang leh, gamkeu cholmun umlo’na suangpi lîm gual hung hita’n au.

SAM 25:8

Lalpa chu a pha’n, a dik ah; tichun, migilote chu lam dik a kawk mu hi.

DANIAL 3:28

Nebukadnezar in, “Sadrak, Meshak leh Abednegote Pathian chu pâk in um ta hen! Ama’n a vansawlchâk hun sawl in, ama muangah a nasêmte, lengpa thupiak le jalo ah a Pathian uh tilo pathian dang nasep leh ho sâng ah, a taksau pedok ngam zaw te chu meipi lak ah kipat in a hukdok ta’ngal in.

SAM 71:3

Ka kisêlna leh kulpi det, ka hukdamna ding ah thu pepa la hi’n; ka bitna suangpi leh ka kisêlna la hi’ngal a.

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

SAM 59:16

Ke’n vang, la hatna thu la’n sâng ka tin; jingkal ah chun la ngilneina la’n sâng ka. Nang chu ka kulpi sâng leh, ka lungjin ni ka kihumbitna la hi.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

DANIAL 6:23

Ziaphatchun, lengpa a kipak ma ma ziang ah, kul sung ah kipat Danial ladok dingin thu a pia tai. Tichun, Danial kul sung ah kipat in a ladok tau ah, a Pathian gin ziakin liamna neuchale a nei puai.

ROMTE 11:22

Ziaziakchun, Pathian lau um dan leh a phatnate hi ngaitua phau in; a pûkte â dingin lau um tak ahi; ahi’n la, Pathian lungsiatna la chung un a um hi, a lungsiatna la um zing lo ua leh sâtthâk in um mai ding la hiu.

2 KHANGTHU 32:21

Lalpa‘n a vansawlchâk pakhat hun sawl in, Assuriate sepai hangsan leh a hotute leh a sâpliante zosia chu a hung bantan sik sek tai. Tichun, ama chu zakcha tak in a gam lam un a kile’kit tai. A pathian In ah a vachia phatin, ama chate ma ma chun chemjam in a that tau hi.

MATTHAI 27:43

ama chun Pathian a ging ah, Pathian Chapa ka hile a tingal ah; a nop ahi chun tu’hin hun hukdok leh hiding a pom,” a tiu a.

MATTHAI 7:23

Himaleh, keima’n a kiang un, “Nang uh thil gilo hi’te haw, ka hun hekha ngai puai, ka kiang ah kipat chia mang un,” a la ti ta’ng ka.

EZRA 3:11

a kidawngtua in Lalpa pakcha’n La a sau a: “Ama a pha hen, Israelte chung ah a ngilneina’n kumtuang a dai hi,” a tiu a. Lalpa In suangphûm lep pat ahi tâk ziak ah kipak in, mipi zosia ngai tak ah kiko in Lalpa a pâkcha tau hi.

2 KHANGTHU 32:11

Hezekiah in, ‘Lalpa, I Pathian un Assuriate lengpa khut ah kipat ei hukdok ding ahi,’ ti’n nanghaw chu gilkial leh dangchâk ah thigam ding bep in a hun thep zaw mai mai hilo la hiu em?

2 KHANGTHU 32:8

Amau chu mihing thahâtna bep mang a hiu ah, ei haw ei panpi ding leh I gâlteu ei do piak ding chu Lalpa I Pathian uh ahi ngâlah,” ti in. Judai gam ah Lengpa Hezekiah thu gen ziak ah chun mipite chu nasa tak in a kisuhat tau hi.

1 KHANGTHU 5:20

chuleh, amau in panpi’na a mu phât un, Hagar suante leh a kithuapi zosiau chu a khut ua chun piak in a um tau a; kido’na chun Pathian kiang in a kiko ua, ama a muan ziak un, ama’n a dotnau a lawtin piak ta ahi.

SAM 20:1

Lungjin ni leh Lalpa‘n hun dawnhu ta hen! Jakob Pathian min in hun humbit ta hen!

SAM 37:39

Mi dikte hukdamna chu Lalpa ah kipat ahi’n; ama chu a lungjin lai ua kisêlna kulpi ahi.

SAM 37:40

Lalpa‘n amau chu panpi in, a hukdok sek in, ama a bêl ziak un, mi nunsiate lak ah kipat hukdok in, a hukhing sek hi.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 17:17

Kei â ding ah tizat um hung hi kin; siatna hun ah ka kisêlna la hi’ngâl a.

JEREMIAH 24:5

Lalpa, Israelte Pathian in zia gual hin a gen hi: Zia theichang ga pha takte gual hin, Judai gam ah kipat Kaldaite gam ah saltâng ding ah ka sawlmangte chu pha tak in ngaitua ding ka hi.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

ZEPHANIAH 3:12

Nanghaw lakah mi kingaitawm leh, mi niamte chu nutsia ah um ding a hiziak un. Amau chun Lalpa min bêl intiu in,

2 KHANGTHU 13:18

Tichun, Judah mipite chun a pu leh a pateu Pathian, Lalpa a kisuanpi ziak un, Israelte chu zo in a nuaisia tau hi.

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

SAM 46:2

Leilung hi hung danglam in, tuisuagiat lailung ah tângte le kithing in;

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?