NAHUM 1:6 - PATHIAN LEKHABU THIANGTHO (BSI)

⁶ A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

NAHUM 1:6 Referans Kwoze

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

MALAKI 3:2

Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

NAHUM 1:2

Pathian doichilgil leh phuba la chu Lalpa chu ahi’n; Lalpa chu phuba la sek leh lungnat hat ahi; Lalpa‘n a dodâlte chung ah phuba a la sek ah; ama do-te chung ah a lungnatna kuanjaksak sek chu ahi.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

EZEKIEL 30:16

Aigupta gam chu mei ah hâl ing ka tin, Pelusium lungngai tak in um in a; Thebes kulbâng phehawm ing ka tin, Memphis in sûnchang lai in mêlma nei in a.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

KÂ LATE 2:4

Mêlma gual in a thalpi a lawi ah, gâl gual in a changlam khut a pan tai; Zion chanu puanbûk ah, I kisuanpiu zosia chu a that gam ta’n; a lungnatna chu mei gual in a buntha tai.

ISAI 27:4

A chung in lungnatna ka nei puai. Hampa lingnei leh khauguite ngen, a hung piandawu chun, a leng un vât tha’ng ka tin, hâl tum mai ding ka hi.

ISAI 10:16

Ziaziakchun, sepai honte Lalpa, Chungnung penpa chun a sepai hangsan takte lak in, thachauna natna hun tun intin, a lopina’n meikuang gual in hun kângna ding ahi.

SAM 90:11

La lungnatna thil hi’thei zia he’, la lau um gual tak ah la lungnatna nasat dan hi, kua a hem ngaitua sek?

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

1 LENGTE 19:11

A kiang in, “Pawtdok inla, tâng chung ah sawn Lalpa âng ah vading in, Lalpa‘n hun hawtheng ding ahi,” a tia. Zia chun hui hât tak in a hung hang a, Lalpa âng ah chun tângte chu a mût kêk ah, suangpite chule a mût phel tai; himaleh, hui ah chun Lalpa a um puai; chun, hui hân zaw ah chun lîn a hung lîng ah; himaleh, linlîng ah chunle Lalpa a um puai;

THUPUAN 16:8

Chun, vansawlchâk palina chun a belbu chu nisa chung in a buntha ta’n; ama chu mei ah mi kâng gawp thei thilhitheina chu piak ahi.

THUPUAN 16:1

Tempul ah kipat aw ngai tak hin, vansawlchâk pasagite kiang ah chun, “Chiau inla, Pathian lungnatna belbu pasagite chu lei ah vabuntha tau in,” a ti ka he.

THUPUAN 6:17

A lungnatna ni lopi chu a hung tun tâk hi, kua a hem pang zo ding?” a tiu a.

JOB LEKHABU 40:11

La lungnatna dim lêt chu hun suadok in, mi kiletsak zosia chu en inla, koi niam tiam in.

SAM 130:3

Aw Lalpa, nang in diklonate la tepte leh, kua a hem Lalpa, ding zo ding?

ISAI 13:13

Ziaziakchun, sepai honte Lalpa lungnatna hun, a lung kitongkhon ni a hung tun phat leh, vante kithinsak ing ka tin, lei chule a umna mun ah kipat, thindaw in hung um ta’n a.

ISAI 66:15

Ngai tiam u, a lungnatna chule hachangthak tak in, meikuang sunkhum gual ah vauhil dingin, Lalpa chu meikuang ah hung intin, a sakol kângtalaite chule, thigawpi gual hi’n a.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

EZEKIEL 7:8

Kin tak in la chung ah ka thangtawmna buntha’ng ka tin; la chung ah ka lungnatna buting ta’n a. La umdan dungzui in la chung ah vaihawm ing ka tin, la ki’dak umna zosia ziakin hun gawt ding ka hi.

EZEKIEL 21:31

La chung in ka lungnatna buntha’ng ka tin; la chung ah ka hachang thakna mei sêm ing ka. Mi hiamngam, mi tha thiamte khut in hun pedok ing ka.

EZEKIEL 39:6

Thialkâl ah bit tak ah chêngmuangte leh Magogte chung in meikuang sawl ing ka tin; ziaphat chuleh, Lalpa ka hi ti he ta’n au.

ZEPHANIAH 2:2

busi hui in a mut mang gual ah naw mang ah la um masang un, la chung ua Lalpa lungnatna huaisia tak a hung tun ma ah, la chung ua Lalpa lungnatna lau um tak a hung tun masang hin.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

JOB LEKHABU 9:5

A lungnat ziak ah tângte chawn mang in, a het lo kâl un a lumlet ah;

JOB LEKHABU 26:11

Van do-na khuamte chu a kithing ah, a vauhilna chu mak a sau hi.

SAM 76:8

La vaihawmna thu chu van ah kipat in, la hun hiatsak sek hen; lei hi lau in a kithing in,

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

KÂ LATE 2:3

Israel mi hat zosia a lungnatna, puangjak chun a pai tha ta’n; a mêlmateu âng ah a panpi’na, khut changlam a juk tha tai; Jakob ah meikuang gual in, a kîmvêl ah um zosia kâng tum in a hâl tai.