NAHUM 1:12 - PATHIAN LEKHABU THIANGTHO (BSI)

¹² Lalpa‘n zia gual hin a gen a: “Amau chu a thahât lai tak uh hihen la, bang jat ah tam hiziang maleu le, sât thâk in um tho tho intiu in, sukmangthai in um in au. Hun sugenthei ta ma lengle, hun sukgenthei be ta pua’ng ka.

NAHUM 1:12 Referans Kwoze

JOEL 2:19

Lalpa‘n a mite kiang in: nang uh â dingin bu, uain leh sathaute hun pia’ng ka tin; ziate ah chun kihi’ tai ta’n lau; namdangte nuizatbûk in, hun umsak ta pua’ng ka.

THUPUAN 7:16

gilkial kit ta pua’n tiu in, dangchâk kit diak ta pua’n au; nisa’n kâng ta pua’n tin, a satna’n le hi’genthei ta pua’n a;

NAHUM 1:15

Mual leh tângte kân ah chanchinpha hun tun a, chamna thu tângkopi ah hung chu en tiam in! Aw Judah, la kûtte chu bawl inla, la thutepte chu mualsua ta’n; migilo chun la gam hun sim kit ta pua’n au, amau chu sukmanthai dim dem ahi ta’ngal un.

DANIAL 11:10

A chapate chun do pek intiu in, sepai hon tam tak pui khawm in, tuisuagiat gual ah malam zuan in, a mêlmateu kulpi tiang in vado in au.

ISAI 51:22

Chungnung Penpa Lalpa, la Pathian, a mipite sik leh jal gen piak sekpa chun, zia gual hin a gen hi: En un, kithinna no chu, la khut ah kipat in ka lamang tai; ka lungnatna no ah kipat in, dawn kit ta pua’n la.

ISAI 37:36

Ziaphatchun, Lalpa vansawlchâk a hung kipandok ah, Assuriate giamun ah sepai nuai khat sîng giat leh sang nga a hung that ta’n; jingkal khua a hung vak phatin, mithi ngen a hitau a.

ISAI 31:8

“Ziaphat chuleh, Assuriate chu mihing chemjam hilo, chemjam in thi’n au; mihing chemjam hilo, chemjam in ne zo in a; chuleh, chemjam ah kipat tai mang in, a tangvalteu chu midangte suak in pang ta’n au.

ISAI 30:19

Aw Jerusalem ah chêng Zion mipite haw, kap ta pua’n lau. La kâ thawm uh chu hia’n lainat intin, a het phat phat leh hun dawnhu ngal ding ahi.

ISAI 17:14

Nitâk lam ah tizat um maleu, jingkal khawvak ma’n bei ta’n au. Ei suamte chu zia gual chun hung um intin uh, ei chomnâm gawte chung in zia gual chu hung tung in a.

ISAI 8:8

tuisânglet in a chup gual in, Judah gam chu a ngawng tiang in chup intin; chuleh, aw Immanuel, a tha jak pal chun la gam pumpi hui suak in a.

ISAI 7:20

Zia ni phat chuleh, Lalpa‘n Lui lian gâl lam ah mi, Assuria lengpa’n samchem hiam a gawi chu mang in, a lujang sam ah kipat a keng tiangah a mul zosia leh a khamul natiang in hun metnâm piak ta’n a.

2 LENGTE 19:37

Chuleh, a pathian Nisrokh biakna In ah a pathian ho ah a um lai in, a chapate Adramelekh tawh Sharezer chun chemjam in a vathat ua; zia phat ah chun, amau chu Ararat gam lam in a jam mang tau hi: tichun, a chapa Esarhadon chu ama thasâng ah vaihawm in a hung pang tai.

2 LENGTE 19:35

Zia jan ma ma’ chun, Lalpa vansawlchâk a hung ah, Assuria mite kikulna mun ah sepaite nuai khat leh sîng giat leh sang nga a that ah; jingkal khawvak phatin, a thisa ngen a la hitau hi.

PAWTDAWNA THU 12:12

Zia jan hileh, Aigupta gam pumpi hung vâkvêl ding ka hi’n: tichun, Aigupta gam sung ah a piang masa pen, mihing hileh, gancha hitaleh hun that gam sik sek ding ka hi: chutichun, Aigupta gam ah pathian zosia hun gawt ding ka hi: Keima hi Lalpa chu ka hi.

ISAI 10:16

Ziaziakchun, sepai honte Lalpa, Chungnung penpa chun a sepai hangsan takte lak in, thachauna natna hun tun intin, a lopina’n meikuang gual in hun kângna ding ahi.